Reqa- 4’emîn kongreya Meclisa Sûriyeya Demokratîk bi beşdariya 400 kesan ji delege û mêvanên hundir û derveyî Sûriyê hat lidarxistin. Di kongreyê de nîqaş û gotûbêjên berfireh li ser guhertina hinek xalan di avahiya navxweyî ya meclisê, rêziknameya hundirîn a meclisê, belgeyên siyasî, nexşerê û plansaziya karên meclisê hatin kirin. Kongre bi hilbijartina Leyla Qehreman û Mehmûd Mislit bo hevserokatiya nû, bi daxuyaniyekê bi dawî bû.

Daxuyaniya ku weke encamnameya kongreyê bû naveroka wê wiha bû:

“Ji bilî çareseriya siyasî û diyalogê tu riyên din tune ne, bi darê zorê tu encam nikarin werin girtin. Girîngiya berdewamiya kar li ser diyaloga Sûrî-Sûrî ji bo bidestxistina çarseriyê û nêrînên hevgirtî, bi baweriya niştîmanî demokrasî. Her wiha bidestxistina yekbûna xak û gelên Sûriyeyê. MSD girîngî dide rizgarkirina hemû herêmên ku hatine dagirkirin.”