CAROLINE BAZZI

Beyrût – Rêberê Gelê Kurd Abdullah Ocalan ku di encama Komploya Navneteweyî de dîl hat girtin û radestî Tirkiyeyê hat kirin, 24 sal in di bin şert û mercên giran ên tecrîdê de li Girtîgeha Girtî ya Tîpa F a Tîpa F a Îmraliyê tê girtin. Tevî hemû hewldanên hiqûqî jî destûr nayê dayîn ku Abdullah Ocalan bi malbat û parêzerên xwe re hevdîtinê pêk bîne û ev nêzî 23 meh in agahî jê nayê girtin. Komîteya Pêşîgirtina li Îşkenceyê ya Ewropayê (CPT) jî ragihand ku di navbera 20-29'ê Îlonê de çûne Îmraliyê. Lê piştre jî daxuyanî da û diyar kir ku di vê serdanê de bi Abdullah Ocalan re hevdîtin pêk nehatiye.

Înîsiyatîfê serdana Konseya Ewropayê kir

Heyetek ji Înîsiyatîfa Nûn a Ji Ocalan Re Azadî jî ji bo balê bikişîne ser binpêkirinên li ser Rêberê Gelê Kurd Abdullah Ocalan ê li Girtîgeha Îmraliyê tê girtin, serdana Konseya Ewropayê (KE) kir. Berdevka Înîsiyatîfa Nûn Sewsen Şoman, Profesora Hiqûqê û aktîvîsta mafên mirovan a ji bo girtiyên jin ên li Kolombiyayê, endama Koma Têkoşîna Dijî Sûcan a Têkiliyên Takekesî û Civakî û Perwerde, Edaletê Diyana Restepro û Seroka Komeleya Fransî-Kurd Sylvie Jean  li Strasburg a Fransayê bi Konseya Ewropî re civînek li dar xist. Heyet her wiha bi Sekreterê Giştî yê Komîteya Çavdêran û bloka çep a meclîsê, baskê rastê yê parlamentoyê û Komîteya Hiqûqnasên Qibrisê re jî hevdîtin kir. Tevgera Jinên Kurd li Ewropayê ev serdan organîze kir. Jinên ji Beyrûtê jî li ser axaftinan sempozyûmek organîze kirin.

Dê zext li CPT’ê bê kirin

Ji Însiyatîfa Nûn a Ji Ocalan Re Azadî Sawsan Mahmoud jî got, “Ji bo balê bikişînin ser binpêkirinên li ser Rêberê Gelê Kurd Abdullah Ocalan ê li Girtîgeha Îmraliyê tê girtin, heyetek ji Însiyatîfa Nûn a Ji Ocalan Re Azadî, serdana Konseya Ewropayê (KE) kir. Li aliyê din bi komîteyên cuda re hevdîtin hatin lidarxistin. Van komîteyan diyar kirin ku di hevdîtinan de 'mafê hêviyê' yê Onder Ocalan hatiye binpêkirin. Lê dewleta Tirk binpêkirina mafên Rêber Ocalan didomîne. Weke însiyatîf em ê civîn, semîner û konferansan li dar bixin û bi vî awayî hem li ser dewleta Tirk û hem jî li CPT’ê zextan bikin.”

'Ez bi felsefeya Abdullah Ocalan mezin bûm'

Jina Kurd Dylan Hassan jî diyar kir ku ew bi felsefeya Rêberê Gelê Kurd Abdullah Ocalan mezin bûye, bal kişand ser pirtûka Abdullah Ocalan a bi navê 'Manîfestoya Şaristaniya Demokratîk' û got, "Dema ku min dest bi xwendina pêşgotina pirtûkê kir, ez gelekî bandor bûm û min dest bi girî kir. Abdullah Öcalan ramanwerekî ji dema xwe wêdetir e. Ji bo ku ew bibin parçeyek ji civaka ku tê de dijîn banga aştî û ewlehiyê kir.”

'Abdullah Ocalan ramanwerekî navneteweyî ye'

Seroka Komeleya Jin Buşra Alî jî wiha got, "Girtina wî rê li ber belavbûna ramanên wî negirt. Bi rastî jî di vê pêvajoyê de pirsgirêka Kurd zêdetir hate naskirin. Gelek kes ji jiyan û têkoşîna Rêber Ocalan nizanin, lê belê piştî binçavkirina Ocalan gelek kes bi van agahiyan hîn bûn. Piştî komploya navneteweyî raya giştî li ser wî meraq kir. Piştî ku Ocalan hat girtin bû ramanwerekî navnetewî”

'Ocalan îdeala min a jiyanê ye'

Semah El-Elî ku beşdarî sempozyûmê bû, der barê bandora li ser fikra Rêber Ocalan de wiha got: "Ez hewl didim fikra îdeolojîk a Rêber Abdullah Ocalan bibînim û jê sûdê werbigirim. Ez derûnnasiyê dixwînim û hewl didim rastiya vê mijarê ji aliyê psîkolojîk ve fam bikim. Ez felsefeya vî mirovî hembêz dikim. Ez wî ne tenê rêberê xwe, di jiyanê de wekî îdeala xwe dibînim."