ڕۆژانە

14:00

تۆڕی پزیشکانی سودان هێزەکانی پشتیوانی خێرا تۆمەتبار دەکات بەوەی ڕاستەوخۆ هۆکاری خراپتربوونی کارەساتی مرۆی شاری فاشر، پایتەختی پارێزگای دارفۆری باکوور بووە، لە ئەنجامی بەردەوامی گەمارۆدانی خنکێنەری ئەو شارە.

13:16

یەکینەکانی پاراستنی ژنان "یەپەژە" لە ١١یەمین ساڵیادی شەهیدبوونی ئارین میرکان و ڕێڤانا ڕۆژئاوا بە مەڕاسیمێکی سەربازی بەبیری هێنانەوە.

13:07

بەندکراوێکی دیکە بە ناوی سودابە ئەسەدی کە کێشەی تەندروستی بنەڕەتی هەبوو، لە زیندانی قەرچەک لە شاری ورامین لە ئێران لە ژێر بارودۆخێکی گوماناویدا گیانی لەدەستدا.

12:12

ژنان لە یەکەم کەسەکانن کە لە کاتی قەیرانەکاندا مەترسییان لەسەرە، لەگەڵ ئەوەشدا توانای ئەوەیان هەیە کە ببنە هێزێکی بزوێنەر لە بونیادنانەوەی کۆمەڵگە و بەرەوپێشبردنی چالاکی مەدەنی.

11:37

لە سلێمانی کۆبوونەوەی ژنانی چالاکوان و پارتە جیاوازەکان بۆ گفتوگۆکردن و ئامادەکاریەکان بۆ پلاتفۆڕمی یەکگرتوویی ژنانی کورد لە باشووری کوردستان بەڕێوەدەچێت.

10:48

لە سەردانێکی فەرمیدا بۆ سویسرا، شاندی ژنان لە باکوور و ڕۆژهەڵاتی سووریا زنجیرەیەک دیداری سیاسی و مافی مرۆڤیان لەگەڵ ئەندامانی پەرلەمانی سویسرا و نوێنەرانی ڕێکخراوەکانی ژنان ئەنجامدا، لە میانی دیدارەکاندا باسیان لە پێشهاتەکانی دۆخی سووریا و ڕۆڵی ژنان کرد.

10:28

هەرچەندە ١٦ ساڵ بەسەر کوشتنی جەیلان ئۆنکول بە موشەکێک لەکاتی لەوەڕاندنی ئاژەڵەکاندا تێدەپەڕێت، خێزانەکەی هێشتا چاوەڕێی لێپرسینەوە لە بەرپرسان دەکەن، لە نێوان بڕیارە دادوەرییە ناکۆکەکان و لێکۆڵینەوە ناکاریگەرەکاندا، کە ئەمە ڕەنگدانەوەی قەیرانێکی قوڵە.

09:45

کۆنگرەی ستار سەردانی ئەو خێزانانەی کرد کە لە کەناراوەکانی سووریاوە کۆچیان کردووە بۆ شاری تل تەمر لە کانتۆنی جزیرە لە ناوچەی باکوور و ڕۆژهەڵاتی سووریا ڕایانگەیاندووە کە لە ناوچەی باکوور و ڕۆژهەڵاتی سووریا ئارامیان دۆزیوەتەوە.

09:00

ڕێکخراوی مافەکانی مرۆڤی ئێران، داوای لێکۆڵینەوەی لە هۆکاری گیان لە دەستدانی زیندانییانی سیاسی قەرچەک کردو ڕایگەیاند، دەبێت بۆ زیندانییانی زیندانی قەرچەک ڕێوشوێن بگیرێتەبەر.

08:50

مەهدیە هیلال، بەڕێوەبەری هێزە ئەمنییەکانی ژنانی باکوور و ڕۆژهەڵاتی سووریا ڕایگەیاند، هێزە ئەمنییەکان کار بۆ پاراستنی ژنان و کۆمەڵگە دەکەن، هەروەها پێویستە کۆمەڵگە خۆی پڕچەک بکات بە زانابوون هێڵی خۆپاراستن بەهێزتر بکات.

15:30

شاری سوەیدا لە باشووری سوریا، لە هەنگاوێکی بێوێنەدا، شایەتحاڵی پێکهێنانی سوپای ژنان بوو، کە لە ٥٠٠ ژن زیاتر پێکهاتبوو، ئەم دەستپێشخەرییە لە وەڵامی تێکچوونی دۆخی ئەمنی دێت و ئامانجی بەهێزکردنی خۆپاراستن و پاراستنی کۆمەڵگەی ناوخۆییە.

12:51

گروپی ''تەوحیدە بن شیخ'' داوای ڕێزگرتن لە خۆسەری جەستەیی ژنان لەڕێگەی گەرەنتیکردن و پاراستنی مافی لەباربردنی سەلامەتیان بەبێ جیاوازی و پێشوەختە و دوور لە فشارەکانی پەیوەست بە چەواشەکاری کۆمەڵایەتی و ئایین و کەلێنی یاسایی کرد.

10:13

ئیهان یونس لە ئیدارەی قوتابخانەکانی شاری تل تەمر هەڵسەنگاندنی بۆ ساڵی خوێندنی ٢٠٢٥-٢٠٢٦ کرد و ڕایگەیاند، توانیان داواکاری خوێنکاران جێبەجێ بکەن و ئەمساڵ ٤ قوتابخانە بکەنەوە.

09:42

دەزگای ژنانی ئازاد لە ڕێگەی خولی پەروەردەی پیشەیی لە بواری کاری دەستیدا، هەوڵدەدات ژنانی گەنج بەهێز بکات و بەهرەکانیان پەرەپێبدات.

09:25

شەوی ڕابردوو ژنێک لە شارۆچکەی ڕانیەی ناوەندی ئیدارەی ڕاپەڕین، لە ڕووداوێکی گوماناوییدا بە سووتان گیانی لەدەستدا.

15:43

لە نێوان پەرەسەندنی توندوتیژی دژ بە ژنان لە تورکیا، پلاتفۆرمی "ژنکوژی ڕادەگرین" ئاشکرایکرد کە لە ماوەی نۆ مانگی یەکەمی ئەمساڵدا زیاتر لە ٢٠٠ ژن کوژراون، ئەمە پشتڕاستی دەکاتەوە کە ئەم تاوانانە پەیوەستن بەو سیاسەتانەی کە مافی ژنان بەرتەسک دەکەنەوە.

15:27

تاڵیبان فەرمانێکی نوێی دەرکرد و تێیدا قەدەغەکردنی چارەسەری ژنان لە کلینیکەکانی پزیشکی پیاوان لە پارێزگای قەندەهار لە باشووری ئەفغانستان قەدەغە دەکات.

14:43

تەژەئا ڕایگەیاند، بە دروشمی "بە هیواوە بەرەو ئازادی ڕێپێوان دەکەین" ژنانی تەژەئا لە ١ـی تشرینی یەکەم لە ئامەدەوە بەرەو ئەنقەرە ڕێپێوان دەکەن و داوای ئازادی جەستەیی ڕێبەری گەلی کورد عەبدوڵا ئۆجالان دەکەن.

14:33

سومەیە ڕەشیدی، زیندانی سیاسی دوای ١١ ڕۆژ لە چاودێری چڕ لە نەخۆشخانەی موفتح لە شاری ورامین، بەهۆی تێکچوونی باری تەندروستییەوە گیانی لەدەستدا.

14:03

ڕیبێکا گۆڵدشتاین، فەیلەسوفی ئەمریکی پشتگیری خۆی بۆ 'بانگەوازی ئاشتی و کۆمەڵگەی دیموکراتیک'ـی ڕێبەری گەلی کورد عەبدوڵا ئۆجالان دەربری و بە 'بوار و بنەما بۆ ژیانی هاوبەش' ناوی هێنا.