ڕۆژانە

22:52

کۆردیناسیۆنی پاژک ڕایگەیاند، پێویستە لەم ٨ی ئادارەدا داواکاری ئازادیی جەستەیی ڕێبەرری گەلی کورد عەبدوڵا ئۆجالان لە لایەن ژنانەوە بە بەهێزترین شێوە بەرز بکرێتەوە.

21:10

ڕێبەری گەلی کورد عەبدوڵا ئۆجالان لە پەیامێکدا بۆ تەڤگەری ژنانی کورد دەڵێت: لە ڕووی مێژووییەوە بونیادنەری کۆمەڵگە ژنانن و هێزی بنڕەتی پرۆسەکەمان ژنانن و پڕۆژەی ژنانم تەواو بووە، بەڵام ئێستا پراکتیکێکی گەورە و ئەرکە ژیانییەکانمان لە پێشە.

15:49

مەکەگە ڕاپۆرتی پێشێلکردنی مافەکانی ژنانی ڕۆژنامەنووسی لە مانگی شوباتدا بڵاوکردەوە و ڕایگەیاند کە لە مانگی شوباتدا لە تورکیا پێنج ژنە ڕۆژنامەوان دەستگیرکراون و داوای کۆتاییهێنانی بە توندوتیژی دژی ڕۆژنامەوانان کرد.

15:28

کۆردیناسیۆنی کەژەکە لە ڕاگەیاندراوێکدا بەبۆنەی ٨ی ئادار ڕۆژی جیهانی تێکۆشانی ژنان دەڵێت: ئامانجمان ئەوەیە کە سەدەی ٢١ بکەینە سەردەمی ئازادی ژن و بە جێهێنانی شۆڕشی دووەمی ژنان.

15:14

تەژەکە-ئەوروپا دەلێت: ٨ـی ئادار بە ڕەنگ، جۆش و خرۆش و درووشمی ‘کاتی ژنە’وە لە گۆڕەپانەکان دەبین، زۆر هۆکار و ئامانجمان بۆ تێکۆشان هەیە و مکوڕین لەسەر ئەوەی کە ببینە ڕێبوار و داهێنەری ئەم ڕێگەیە دژی هەموو جۆرە زیهنییەتێک کە سنووردارمان دەکات.

14:33

ڕێکخراوەکانی ژنانی ڕۆژهەڵاتی کوردستان دەربارەی ٨ـی ئادار ڕایانگەیاند، بەشداریی سەرەکیی ژنان لە خۆپیشاندانی مەدەنی، چالاکی سیاسی و دامەزراوە مەدەنییەکان سەلمێنەرە کە ژن سەرکردە و داهێنەری داهاتووە.

10:21

لەگەڵ نزیکبوونەوەی ٨ی ئادار ڕۆژی تێکۆشانی ژنان، ژنانی پێکهاتە کورد و عەرەب و سریانییەکانی شاری قامیشلۆ ڕایانگەیاند، کە بە فەلسەفەی ژن و ژیان و ئازادی و هاودەنگی پێکهاتەکان خەبات و داکۆکی لە مافەکانیان دەکەن.

09:02

دوای ٥٥ ڕۆژ، ڕۆیا ڕەئیسی و پەریسا سەدیقی، دوو هاووڵاتی بەلووچ کە لە کاتی ناڕەزایەتییەکان کە ئێران و ڕۆژهەڵاتی کوردستانی گرتەوە، دەستبەسەر کرابوون، ئازاد کران.

08:28

دوابەدوای ناڕەزایەتییەکانی ئەم دواییە لە زیندانی مهاباد، لانیکەم ١٨ زیندانیی سیاسی کورد بەبێ ئاگاداری پێشوەختە بۆ زیندانی میاندوئاب گواسترانەوە.

07:18

شنۆ میهرپەروەر، ڕاگەیاندنکار دەڵێت: ژینا ئەمینی سەرەتای شۆرشی ژن، ژیان، ئازادی بوو، دروشمی مەرگ لەسەرگۆڕی ژینا بۆ خامنەیی وترایەوە، یەکگرتن لە ئێستادا بژاردە نییە و پێویستیە کی نەتەوەییە.

22:41

شاناز ئیبراهیم ئەحمەد، ڕایگەیاند، ئەزموونەکانی پێشوو و بەڵێنەکان شاهیدن، زۆربەی کات کە پێویستی بەهێز و قوربانیدان دەبێت پەنا بۆ کورد دەبرێت، بۆیە داوا لە هەموو لایەنە بەشەڕهاتووەکان دەکەم، واز لەگەلی کورد بهێنن، ئێمە داردەستی کەس نابین.

16:15

هاوپەیمانیی هێزە سیاسییەکانی ڕۆژهەڵات ڕایگەیاند، بۆردوومانکردنی بارەگای حزبەکانی ڕۆژهەڵات نەک هەنگاوی تێکۆشان و بەردەوامیمان پێ شل ناکات، بەڵکوو ئیرادەمان بۆ تێکۆشان و لەپێناو ڕووخاندنی کۆماری ئیسلامی و ڕزگاریی کوردستان بەهێزتر دەکات.

16:02

بە بۆنەی ٨ی ئادار، کۆنگرە ستار بە دروشمی "بە فەلسەفەی ژن، ژیان، ئازادی، شۆڕشی ژنان دەپارێزین" هاوکاری یەکینەکانی پاراستنی ژنان و هێزەکانی ئاسایشی ناوخۆی ژنانی کرد.

15:52

ئەندامانی بزووتنەوەی ژنانی ئەفغانستان لە ئیسلام ئاباد داوایان لە کۆمەڵگەی نێودەوڵەتی کرد هەنگاوی بناغەی لەدەرەوەی لێدوان و کۆبوونەوە بۆ کۆتایی هێنان بە پێشێلکردنی مافەکانی ژنان لە ئەفغانستان بنێن.

15:50

ڕەحا لە باکووری کوردستان لە ماوەی دوو ساڵی ڕابردوودا شایەتی زیادبوونی بەرچاوی توندوتیژی ڕاگەزی بەخۆیەوە بینیوە، بەپێی ڕاپۆرتێکی تۆکمە کە سەدان پێشێلکاریی بەڵگەدار کردووە لەوانە توندوتیژی خێزانی، هەراسانکردن، دەستدرێژی سێکسی، هەوڵی خۆکوژی.

15:47

کژار پەرەسەندنی خەباتی ژنان و فراوانبوونی شۆڕشی “ژن، ژیان، ئازادی” لە ئێران و ڕۆژهەڵاتی کوردستان، کە ژنان لە پێشەنگدان دووپاتکردەوە، داوای پێکهێنانی بەرەیەکی یەکگرتووی ژنانی بە ڕۆحی ٨ی ئادار کرد.

12:18

لە ئێستادا ئەفغانستان یەکێک لە ئاڵۆزترین قەیرانەکانی بەخۆیەوە دەبینێت، کە زلهێزەکانی ناوچەکە لەگەڵ میراسێکی دوورودرێژی شەڕ و دەستێوەردانی دەرەکیدا یەکتر دەبڕێت، لەگەڵ چڕبوونەوەی ڕووبەڕووبوونەوەی نێوان پاکستان و تاڵیبان.

12:13

لەگەڵ نزیکبوونەوەی ٨ی ئادار، شەپۆلێکی شەرمەزراکردنی نێودەوڵەتی توندتر بووە لە دوای کوشتنی یەنار محەمەد، چالاکوانی عێراقی لە بەغدا، تاوانێک کە وتەبێژی نەتەوە یەکگرتووەکان بە "کوشتنێکی قێزەون" پێناسەی کردووە.

11:55

کۆمەڵەی "منداڵان و ژنان لە سەرەتادا" دەڵێت: کەمتەرخەمی دامەزراوەیی هۆکارێکی یەکلاکەرەوە بووە بۆ مردنی فاتمە نور شیلیک و کچەکەی، هەیفا ئیکرا، هەروەها دەسەڵاتی دادوەری و تەندروستی و کۆمەڵایەتی نەیانتوانیوە ڕێوشوێنی پێویست بۆ پاراستنیان بگرنەبەر.

10:35

لە ماوەی ٢٤ کاتژمێری ڕابردوودا بەهۆی هێرشەکانی ئیسرائیل و ئەمریکا بۆ سەر ڕۆژهەڵاتی کوردستان و ئێران ٥٦ هاوڵاتیی مەدەنی کوژراو و بریندار بوون، هەروەها بنکەکانی ڕژێمی ئێران، لە ٢٣ پارێزگا کراوەتە ئامانج.