ڕۆژانە

12:47

 حەمیدە زارعی، چالاکوانی مەدەنی لە زیندانی لاکان لە ڕەشت مانگرتن لە خواردنی ڕاگەیاند.

12:33

ڕێکخراوی پزیشکانی بێ سنووری نێودەوڵەتی ڕایگەیاند، لە سەرەتای ئەمساڵەوە زیاتر لە ٦٣ هەزار حاڵەتی تووشبوون بە نەخۆشی کۆلێرا لە ٢٠ شاری یەمەن تۆمار کراوە.

11:59

لە ئەنجامی ئۆپەراسیۆنێکی تایبەتی هێزەکانی ئیسرائیل لە کامپی نوسیرەت لە ناوەڕاستی کەرتی غەززە، زیاتر لە ٢٠٠ کەس گیانیان لەدەستدا و ٤٠٠ کەسی دیکەش بریندار بوون.

11:01

 دوو پزیشکی ژن پەرتوکخانەیەکیان بە ناوی "أطراس وأكثر" لە بەغدای پایتەختی عێراق کردەوە، زۆربەی ئەو کەسانەی سەردانی دەکەن ژنن، چونکە ئەم پەرتوکخانەیە لەلایەن ژنانەوە بەڕێوەدەبرێت.

10:41

کورتە فیلمێک لە نووسین و دەرهێنانی سۆنیا جەلیل، لە ئەڵمانیا خەڵاتی باشترین سیناریۆی بەدەستهێنا، کە باس لە بەرەنگاربونەوەی توندوتیژی دەکات.

09:23

هەنگاوی خوێندنەوەی پەرتوکەکانی ڕێبەری گەلی کورد، عەبدوڵا ئۆجالان کە لەلایەن تەڤگەری گەنجان و ژنانی گەنجی کامپی پەنابەرانی شەهید ڕۆستەم جودی "مەخموور" دەستیپێکرد، لە هەفتەی پێنجەمدا بەردەوامە.

09:17

ژنان لە دژی توندوتیژی و کۆمەڵکوژی دژی ژنان لە باکوور و ڕۆژهەڵاتی سووریا تێدەکۆشن، تیشک دەخەنەسەر یاسا و بەڕێکخستبوونیان و ڕایانگەیاند، خەبات فراوانتر دەکەن و ڕێکاری خۆپارێزی زیاتر دەگرنەبەر.

08:48

ژنێکی گەنجی دووگیان لە سلێمانی لەلایەن هاوژینەکەیەوە سووتێندرا و بارودۆخی تەندروستی ناجێگیرە، پۆلیسی سلێمانیش ئاماژەی بەوەکرد، هاوژینەکەی تۆمەتبارە و دەستبەسەرکراوە.

16:01

ژنێک لە گوندی تارتووسی شارۆچکەی حەمیدییە، پاش ئەوەی هاوسەرگیری کردووە، لەلایەن ئامۆزایەکییەوە کوژرا.

15:41

لە چەمچەماڵ کۆنفرانسی "ئەنفال و ژیانەوە" بەڕێوەچوو، تیایدا باس لە گۆڕە بە کۆمەڵەکانی ئەنفالی گەلی کورد و گرنگی قەرەبووکردنەوەی زیانلێکەوتووان و کەسوکاری ئەنفالکراوان کرا.

14:52

سوپای ئیسرائیل لە ڕێگەی پێنج فڕۆکەی جەنگی و چەندین تانک و تۆپهاوێژەوە بۆردوومانی چادری ئاوارەکان و نەخۆشخانەی شوهەداى کرد.

14:35

شارەوانی ڕێزان لە ئامەد، بە ئامانجی ئامادەکردنی پلان و پڕۆژەکانی بەپێی پێویستی و خواستی ژنان، کۆبوونەوەی ژنانی دەستپێکردووە.

14:23

سەوسەن محەمەد زادە، مامۆستای زمانی کوردی، ماوەی زیاتر لە سێ هەفتەیە لەلایەن هێزەکانی ڕژێمی ئێرانەوە لە ڕۆژهەڵاتی کوردستان دەستبەسەرە و تا ئێستا چارەنووسی نادیارە.

13:44

ڕێکخراوی کۆچبەری نێودەوڵەتی ئاماژە بەوەدەکات، ڕەنگە ژمارەی ئاوارەکانی ناوخۆی سودان لەگەڵ بەردەوامی شەڕ لەو وڵاتە ١٠ ملیۆن کەس تێپەڕێنێت.

13:29

زۆرێک لە ڕێکخراوەکانی گەنجان لە ڕۆژهەڵاتی ناوەڕاست و باکووری ئەفریقا بەشداری کۆنفرانسی گەنجانی ڕۆژهەڵاتی ناوەڕاست دەکەن، کە ئامانج لێی بونیادنانی کۆبوونەوەی گەنجان و پەرەپێدانی چارەسەرەکانە لە خەباتی هاوبەش و زاڵبوون بەسەر مۆدێرنیتەی سەرمایەداریدا.

12:29

بە هەڵگرتنی لقی زەیتون، سەدان کەس لە دانیشتووانی شاری سوەیدای سوریا لە مەیدانی کەرەمە کۆبوونەوە و داوای ئازادی و سووریایەکی یەکگرتوو بەبێ دابەشبوونیان کرد.

11:55

فاتمە ئۆزبای کە نەخۆشی سەختی هەیە، لە زیندانی ژنانی شاکران ڕاگیراوە، هەرچەندە شێرپەنجەی هەیە، بەڵام پشکنینە ڕۆتینییەکانی ئەنجام نادرێت.

10:24

توێژینەوەیەكی نوێ ئاشکرایدەکات، پلەی گەرمای بەرز بەهۆی گۆڕانی كەشوهەواوە دەتوانێت ئاستی ئۆزۆن لەسەر زەوی تا ساڵی ٢٠٥٠ بەرز بكاتەوەو دەبێتە هۆی دروست بوونی گرفت بۆ هەناسەدانی مرۆڤ.

14:59

ڕێکخراوی تەندروستی جیهانی پشتڕاستی کردەوە کە ٤٦٤ هێرش بۆ سەر دامەزراوە تەندروستییەکانی کەرتی غەززە کراوە و لە ئەنجامدا ٧٢٧ کەس گیانیان لەدەستداوە.

14:32

ئەفسانە شاهی، شاخەوانێکی دانیشتووی شاری بۆکان، سەرەڕای تێپەڕبوونی هەشت ڕۆژ بەسەر دەستگیرکردنیدا، هێشتا لە زانیاری لەبارەیەوە نییە و بنەماڵەکەی بێ ئاگان لێی.