ڕۆزا ئۆتونبایڤا، نوێنەری تایبەتی نەتەوە یەکگرتووەکان بۆ یارمەتیدانی ئەفغانستان لە پێگەی فەرمی خۆی لە تۆڕی کۆمەڵایەتی فەیسبووک بە بۆنەی ڕۆژی جیهانی پەروەردە پەیامێکی بڵاوکردەوەو وتی: چوار ساڵ تێدەپەڕێت بەسەر قەدەغەکردنی خوێندنی ژنانی گەنجی سەروو تەمەن ١٢ ساڵ کە لە مافی خوێندن بیبەش کراون.

 

وتیشی، قەدەغەکردنی خوێندنی کچان و ژنانی ئەفغانستان لە لایەن تاڵیبانەوە تراژیدیایە و داوا لە تاڵیبان دەکەم دەستبەجێی کۆتایی بە فەرمانی قەدەغەکردنی خوێندنی کچان و ژنان بهێنێت.

 

جەختی لەوە شکردەوە، هیچ وڵاتێک بە جێهێشتنی نیوەی دانیشتووانەکەی پێشکەوتنی بەدەست نەهێناوە.