ناوەندی هەواڵ

 

پ.ی.د. د. شەبنەم کۆرور فینجانچی. سەرۆکی پێشووی ئەنجومەنی ناوەندی کۆمەڵەی پزیشکی تورکیا (TTB) و ئەندامی دەستەی بەڕێوەبەری دامەزراوەی مافی مرۆڤی تورکیا (TİHV)، بە تۆمەتی "سووکایەتیکردن بە دەوڵەت و دامودەزگاکانی دەوڵەت" دادگایی کراو دانیشتنی سێیەمی دۆسیەکە لە دادگای گشتی تاوانەکانی ئەستەنبوڵ ٦٩ بەڕێوەچوو.

 

شەبنەم کۆرور فینجانچی و پارێزەرەکەی ئۆیا مێریچ ئەیوبۆغڵو بیانوویان هێنایەوە و ئامادە نەبوون. مەتین بەکالچی سەرۆکی گشتی تەحڤ، ئومیت ئیفێ نوێنەری ئیستانبوڵ، ڕێکخراوی لێبوردنی نێودەوڵەتی، MLSA و زۆرێک لە ڕۆژنامەنووسان بەشداری دانیشتنەکەیان کرد.

 

داواکاری گشتی لە کاتی دانیشتنەکەدا ڕایگەیاند کە هیچ توخمێکی تاوانێک نییە و داوای بێتاوانی دەکات، هەروەها بەو داواکارییە شرۆڤەی خۆی ئامادە کردووە.

 

دادگا لە چوارچێوەی بۆچوونی داواکاری گشتیدا مامەڵەی کردو بێتاوانی بۆ شەبنەم کۆرور فینجانچی دەرکرد.