تل تەمر 

 

بەهۆی هاندانی پشێوی و ڕق و کینەی ڕەگەزپەرستی لەلایەن ڕژێمی بەعسەوە، لە ١٢ی ئاداری ٢٠٠٤ لە قامیشلۆی ڕۆژئاوای کوردستان ڕاپەڕین دەستیپێکرد، لایەنگرانی تیمی فەتوا هێرشیان کردە سەر تیمی جیهاد و لە ئەنجامدا دەیان گەنجی کورد کوژران.

 

لە ٢٢یەمین  ساڵیادی ڕاپەڕینی ١٢ی ئاداردا، ئەنجومەنی شاری تل تەمر بە بەشداری ژنان و لایەنە سیاسییە کوردییەکان لە ئەنجومەنی بنەماڵەی شەهیدان ڕاگەیاندراوێکی بڵاوکردەوە.

 

ڕاگەیاندراوەکە لەلایەن نالین سیدۆ، ئەندامی ئەنجومەنی شار خوێندرایەوەو وتی: ڕاپەڕینی ١٢ی ئاداری ٢٠٠٤ بەهۆی هاندانی ئاژاوەگێڕی و ڕق و کینەی ڕەگەزپەرستی لەلایەن پارتی بەعسەوە بوو. ئەمەش کاردانەوەیەک بوو بەرامبەر بە ڕاپەڕینی گەلی کورد لە باشووری کوردستان و بەدەستهێنانی مافەکانی دامەزراندنی سیستمی فیدراڵی لە عێراقدا. حزبی بەعس بۆ هاندانی توندوتیژی لە نێوان لایەنگرانی تیمی فەتوا و تیمی جیهاد لە قامیشلۆ کاریان کرد. لایەنگرانی فەتوا هەر لەو ساتەوەختەی بە حەسەکە تێپەڕین، کۆنتڕۆڵیان نەدەکرد و دروشم و سوکایەتییان بە هێما کوردییەکان دەوت و وێنەی سەدام حوسێنیان بەرز دەکردەوە. لە ئەنجامی ئەو ئاژاوەگێڕییەدا، بەشێکی زۆر لە دانیشتوانی قامیشلۆ شەهید بوون.

 

تەڤگەرەکەمان درێژە بە هەوڵەکانی بونیادنانی سووریایەک بۆ هەموو گەلەکەی دەدات، بە ڕۆحی ڕاپەڕینەکانی ١٢ی ئادار و ١٩ی تەمووزبۆ چەسپاندنی مافەکانی گەلی کورد و هەموو پێکهاتەکانی دیکە لە دەستووری سووریادا تێدەکۆشین، بە هەموو هێزی خۆمانەوە، بە ڕێنمایی بیرۆکە و فەلسەفەی ڕێبەر ئاپۆ و درێژەدان بە ڕێگای شەهیدان و درێژەدان بە ڕێگای شەهیدان تێدەکۆشین.

 

قامیشلۆ

ئەنجومەنی گەلی قامیشلۆ بە ڕاگەیاندراوێک یادی ٢٢ ساڵەی ڕاپەڕینی قامیشلۆی ١٢ی ئاداری ٢٠٠٤ی کردەوە کە ەدان کەس لە دانیشتووانی شار، نوێنەری خۆبەڕێوەبەری، ڕێکخراو و تەڤگەرەکانی ژنان، ئەنجومەنی بنەماڵەی شەهیدان، ڕێکخراوەکانی کۆمەڵگەی مەدەنی، لایەنە سیاسییەکان و تیمە وەرزشییەکان ئامادەبوون.

 

دوای خولەکێک بێدەنگی، بە نوێنەرایەتی ئەنجومەنی گەلی قامیشلۆ ڕاگەیاندراوێک لە لایەن حەنان ئەحمەد خوێندرایەوە کە تیایدا ھاتبوو: ئەمڕۆ ساڵڕۆژی ١٢ی ئادارە، ڕۆژێک کە بە یادی گەلی کورد و هەموو گەلانی سووریا نووسراوە. لە ڕۆژێکی وەک ئەمڕۆدا ساڵی ٢٠٠٤ ڕژێمی بەعس لە شاری قامیشلۆ تاوانێکی تری دژی گەلەکەمان ئەنجامدا. بە تەقەمەنی زیندوو هێرشی کردە سەر هاوڵاتیانی مەدەنی بێ چەک و لە ئەنجامدا دەیان شەهید و سەدان بریندار و دەستگیرکردن هەبوون، ئەم کۆمەڵکوژییە ڕووداوێکی گۆشەگیر نەبوو، بەڵکو دەرئەنجامی ئەو سیاسەتە وەدەرنانی و چەوساندنەوەیە بوو کە ڕژێمی بەعس دەیان ساڵە دژی گەلی کورد پەیڕەوی کردووە. لە نکۆڵی ناسنامەیانەوە تا دەگاتە زەوتکردنی مافە سەرەتاییەکانیان و هەوڵدان بۆ گۆڕینی پێکهاتەی دیمۆگرافیای ناوچەکانمان.

 

"١٢ی ئادار بووەتە هێمای خەباتی گەلەکەمان بۆ دادپەروەری و دانپێدانان و مافی ژیانی ئازادی لەسەر خاکەکەی"

خوێنی شەهیدانی ١٢ی ئادار بوو بە ئاگری بەرخۆدان و شارەکانی کوردستانی جزیرە و کۆبانێ و عەفرین بۆ بەرگری لە کەرامەت و ئازادی خۆیان هەڵسان. لەو ڕۆژەوە ١٢ی ئادار بووەتە هێمای خەباتی گەلەکەمان بۆ دادپەروەری و دانپێدانان و مافی ژیانی ئازادانە لەسەر خاکەکەی. ئەمڕۆ دوای ڕووخانی ڕژێمی بەعس و کۆتایی هاتنی سەردەمێکی دوورودرێژی ستەم و ستەمکاری، لە لێواری قۆناغێکی مێژوویی نوێداین. ئەم قۆناغە داوا دەکات کە هەموومان – کورد، عەرەب، سریانی، ئاشووری و پێکهاتەکانی سووریا – پێکەوە کاربکەین بۆ بونیادنانی سووریایەکی دیموکراتیک لەسەر بنەمای دانپێدانانی ماف و دادپەروەری و یەکسانی.