ناوەندی هەواڵ

 

پاشماوەی جەنگ لە سووریا بەردەوامە لە مەترسی ڕۆژانە بۆ سەر منداڵان، مین و تەقەمەنی نەتەقینەوە بەسەر گەڕەک و کێڵگەکاندا بڵاوبوونەتەوە و لە ئەنجامدا زوو زوو برینداربوون و گیانلەدەستدانیان لێدەکەوێتەوە.

 

پاشماوەکانی جەنگ لە سووریا وەک سەرچاوەیەکی سەرەکی مەترسی بۆ سەر هاوڵاتیانی مەدەنی دەمێنێتەوە، مین و تەقەمەنی نەتەقینەوە کە بەسەر کێڵگە و لەوەڕگاکاندا بڵاوبوونەتەوە، بەردەوامن لە گیان لەدەستدان، بەتایبەتی لەنێو منداڵان و کرێکارانی کشتوکاڵدا، لەکاتێکدا نەبوونی چارەسەری کاریگەر بۆ کەمکردنەوەی ئەم ڕووداوە دووبارەبووانە.

 

لە سەرەتای مانگی تەمووزەوە، ڕوانگەی سووری بۆ مافەکانی مرۆڤ، چەندین ڕووداوی بەڵگەدار کردووە کە بەهۆی پاشماوەی جەنگەوە لە ناوچەکانی ژێر دەسەڵاتی حکومەتی کاتی سووریا ڕوویانداوە، ئەم ڕووداوانە بەهۆی تەقینەوەی مین و تەقەمەنی نەتەقینەوە کە لە ئۆپەراسیۆنەکانی پێشوودا بەجێماوە، سێ کەس گیانیان لەدەستدا کە منداڵێکی تێدابووە و هەشت کەسی دیکەش برینداربوون کە دوو منداڵی تێدایە.

 

ڕوانگەی سووری ١١ی تەمووز ڕایگەیاند، کە ئەم ڕووداوانە لە شارەکانی سوەیدا، حەما، حومس، ڕەققە و ئیدلب ڕوویانداوە، ئەمەش ئاماژەیە بۆ ئەو مەترسییە بەردەوامەی کە ئەم پاشماوەیە بۆ سەر دانیشتووانی ناوچەکە دروستی دەکات، بەتایبەتی لە ناوچە گوندنشینەکان، بیابانییەکان و ناوچە کشتوکاڵییەکان کە ڕۆژانە شایەتحاڵی جوڵەی مەدەنین.

 

پاشماوەی شەڕ کە بەسەر ناوچە بەرفراوانەکانی سووریادا بڵاوبووەتەوە، لێکەوتەی جددی بۆ منداڵان هەیە، کە خۆیان زۆرترین زیانیان بەرکەوتووە بۆ برینداربوونی کوشندە بەهۆی مین و تەقەمەنی نەتەقینەوە کە لە گەڕەک و کێڵگە و ناوچەکانی لەوەڕگادا بڵاوبوونەتەوە، سەرباری ئەو ساڵانەی بەسەر دابەزینی ئۆپەراسیۆنە سەربازییەکاندا تێپەڕیوە، بەڵام ئەم پاشماوەیانە هێشتا هەڕەشەی ڕۆژانەن بۆ سەر ژیانی منداڵان، چونکە بەردەوامی تۆمارکردنی تەقینەوەکان کە کاریگەرییان لەسەرە لەکاتی یاریکردن یان جوڵەکردنیان لە ماڵەکانیاندا.