ناوەندی هەواڵ- بەڕێوەبەرایەتی پۆلیسی پارێزگای سلێمانی لە ڕاگەیەندراوێکدا ئاماژەی بەوەکرد، دوای ئەوەی هاووڵاتییەك ئامادەی بنكەی پۆلیسی ڕاپەڕین بوو و سكاڵای تۆماركرد، كە كچەكەی دیارنەماوە، هێزەكانی پۆلیس لێكۆڵینەوە و بەدواداچوونەكانیان دەستپێكرد، دوای وەرگرتنی بڕیاری دادوەر، شوێنی تۆمەتباران دۆزرایەوە و توانرا سەرجەمیان دەستگیربکرێن.

ئاماژە بەوەکراوە، دوای تەواوكردنی ڕێكارە یاساییەكان بەبڕیاری دادوەر ژنە گەنجەکە رادەستی كەسوكاری دەكرێتەوە.

تۆمەتباران تەمەنیان لەنێوان١٩ بۆ ٢٤ ساڵە و پێکهاتوون لەمانە: ژ. أ. أ.  لەدایكبووی ٢٠٠٤، هـ. یـ. حـ. لەدایكبووی ١٩٩٩, ش. ع. م. لەدایكبووی ٢٠٠١, ر. ر. أ.  لەدایكبووی ٢٠٠٣, پ. ج. ح. لەدایكبووی ٢٠٠٢, بەبڕیاری دادوەر و بەپێی ماددەی ٤٢١ لە یاسای سزادانی عیراقی، تۆمەتباران راگیراون و لێكۆڵینەوە لەگەڵیاندا بەردەوامە."