بەیروت

 

لە میانەی بەشداریکردنی لە سیمینارێکی دیالۆگدا، حەنان عوسمان، سەرۆکی لیژنەی ژنان، جەختی لە تێپەڕاندنی سیستەمی ئێستای دابەشکردنی دەسەڵاتی خێڵەکی بەرەو هاوپەیمانیەکی کۆمەڵایەتی نوێ  لەسەر بنەمای هاوڵاتیبوون و یەکسانی و شەفافیەت لە لوبنان کردەوە، هەروەها ئەزموونی خۆبەڕێوەبەری لە باکوور و ڕۆژهەڵاتی سووریا وەک نموونەیەکی دیموکراتیکی بەشداربوو خستەڕوو کە دەتوانرێت لێوەی فێرببن.

 

کۆمەڵەی "جەنگاوەران بۆ ئاشتی" ڕۆژی ٥ی کانوونی یەکەم ، سیمینارێکی دیالۆگیان بە ناونیشانی "بەرەو نوێکردنەوەی هاوپەیمانی کۆمەڵایەتی لە لوبنان: توانا و بەربەستەکان" ڕێکخست، کە لە سیمینارەکەدا توێژەران و چالاکوانان و شارەزایانی کاروباری کۆمەڵایەتی و سیاسی، هەروەها ژمارەیەک لە ئەندامانی پەرلەمانی لوبنان بەشدارییان تێداکردبوو.

 

کۆمەڵەی نەورۆز لە سیمینارەکەدا بە نوێنەرایەتی حەنان عوسمان، سەرۆکی لیژنەی ژنان بوو کە بە ناوی شاندەکە وتارێکی پێشکەش کرد و وەڵامی ئەرێنی لەلایەن ئامادەبووانەوە وەرگرت، ئاماژەی بەوەدا، کە قەیرانی ئێستای لوبنان سستی هاوپەیمانی کۆمەڵایەتی ئاشکرا دەکات کە لەسەر بنەمای هاوسەنگی خێڵەکی و دابەشکردنی دەسەڵات دامەزراوە، هەروەها جەختی لەسەر پێویستی هەنگاونان بەرەو نموونەیەک کردەوە کە هاوڵاتیبوون و یەکسانی و شەفافیەت بچەسپێنێت.

 

لە درێژەی قسەکانیشیدادۆخی لوبنانی بەراورد کرد لەگەڵ ئەزموونی خۆبەڕێوەبردن لە ناوچەی باکوور و ڕۆژهەڵاتی سووریا،  کە لەسەر بنەمای دیموکراتی بەشدارانە و یەکسانی و فراوانکردنی ڕۆڵی پێکهاتە ناوخۆییەکان لە بڕیاردان دامەزراوە، وتیشی: ئەم نموونەیە وانە گرنگەکان پێشکەش دەکات کە دەتوانرێت لە هەر پرۆسەیەکی دووبارە بونیادنانەوەی هاوپەیمانی کۆمەڵایەتی لە لوبناندا سوودی لێ وەربگیرێت، بەتایبەتی سەبارەت بە بەشداریکردنی گەل، جیاکردنەوەی دەسەڵاتەکان و بەهێزکردنی لێپرسینەوە.

 

لە کۆتاییدا، حەنان عوسمان پرسیارێکی ئاراستەی وتاردەران کرد سەبارەت بەو هەنگاوە کردارییانەی کە دەتوانرێت بنرێت بۆ دامەزراندنی هاوپەیمانیەکی کۆمەڵایەتی نوێ لە لوبنان، هەروەها  گرێبەستێک کە دادپەروەرتر و گشتگیرتر بێت و مافی هەموو هاوڵاتیان بپارێزێت، بەجۆرێک لە دابەشبوونە خێڵەکەیەکان تێپەڕێت.