ناوەندی هەواڵ

 

هەڵبژاردەی نیشتمانیی ژنانی ئێران، بە بردنەوەی پاڵەوانێتیی ساڵی ٢٠٢٥ی ئاسیا کە لە بەحرەین بەڕێوەچوو، بڕگەیەکی مێژوویی بەدەستهێنا، ئەمەش دوای سەرکەوتنێکی سەرنجڕاکێش بەسەر چین لە یاری کۆتاییدا.

 

یاری کۆتایی ڕۆژی ٢٩ی تشرینی یەکەم بەڕێوەچوو، کە هەردوو گێمەکە بە یەکسانبوون بەبێ گۆڵ کۆتایی هات، پاشان ئێران بە لێدانی سزا سێ گۆڵ بەرامبەر بە دوو گۆڵ سەرکەوتنی مسۆگەر کرد و نازناوی پاڵەوانێتی بەدەستهێنا.

 

بە درێژایی پاڵەوانێتییەکە، ئێران ڕووبەڕووی هەڵبژاردەکانی هۆنگ کۆنگ، بەحرەین و چین بووەوە، کە پێنج سەرکەوتن و یەک یەکسانبوونی بەدەستهێنا، بەمەش شایستەیی خۆی بۆ نازناوی ئاسیا سەلماند.

 

ئەم سەرکەوتنە گەورەیە ڕەنگدانەوەی پێشکەتنی تۆپی پێی ژنانە لە ئێران و هاندەرێکی گەورەشە بۆ نەوەی داهاتووی یاریزانان بەرەو دەستکەوتە کیشوەری و نێودەوڵەتییەکان.