کەسکین بایندر، هاوسەرۆکی دەبەپە لەگەڵ شاندی یاوەری کە بە مەبەستی یەکڕیزی کورد لە باشووری کوردستانن، سەبارەت بە دۆخی گەلی کورد لە سلێمانی لە کۆنگرەیەکی ڕۆژنامەوانیدا ڕایگەیاند، داوای یەکڕیزی و یەکگرتووی لەهەموو لایەنەکان دەکەن بۆ پێشخستنی گەلی کورد.

 

وتیشێ: هاتووین بۆ سلێمانی پەیامی گەلی کورد دووپات بکەینەوە و لە ئێستادا گەلی کورد پێویستی بە یەکڕیزییە، ڕۆژئاوای کوردستان لە ئێستادا پێویستی بە پشتگیری هەموو لایەنەکانە.

 

باسی لەوەشکرد، گەلی کورد لە نێو ئاڵۆزییدایە و پێویستی بە یەکگرتووی و ڕێککەوتن هەیە بۆ ئەوەی سەرکەوتن مسۆگەر بکات، وتی: مەبەستمانە پەیوەندیمان بەهێزبکەین و پێشی بخەین بۆ یەکگرتووی گەلی کورد، هەرچی بە ئێمە بکرێت بۆ پێشخستنی یەکێتی گەلی کورد ئامادەین.