ناوەندی هەواڵ

 

بارانبارین لە ماوەی دوو ڕۆژی داهاتوودا لە ژمارەیەک ناوچەی چین بووەتە هۆی کۆچکردنی ٤٠ هەزار کەس لە پارێزگای سێچوان، لە جیهانیشدا چەندین ناوچە بارانی بەخوڕی تیادا باریوە و کە بووەتە هۆی بارانبارینی کارەساتبار، ئەمەش نیگەرانییەکانی لە خێرایی گۆڕانی کەشوهەوا دروستکردووە.

 

بەگوێرەی ئەوەی کە لەلایەن بەرپرسانی کەشناسیەوە بڵاوکراوەتەوە، پێشبینی دەکرێت سبەی ١٣ی تەمموز لە ژمارەیەک ناوچەدا بارانبارین ڕووبدات و سەنتەری نیشتمانی کەشناسی ڕایگەیاندووە، ڕەنگە لە ماوەی یەک کاتژمێردا زیاتر لە ٧٠ ملیمەتر باران ببارێت لە هەندێک ناوچە، جگە لە ڕەشەبا و بای توند و سارد، بەرپرسانیش هۆشدارییان دا لە کەشوهەوای ناجێگیر و کارەساتی جوگرافی لە ماوەی مانگی تەمموزدا.

 

ئەو بارانە زۆرە نائاساییانەی لە چەند هەفتەی ڕابردوودا لە چین باریوە، بووە هۆی لەرزین و زیانی ماڵان و ژێرخانی وێرانکرد و چەندین کەس گیانیان لەدەستداوە، شاری ژێنگژۆی پایتەختی پارێزگای هێنان هۆشداریی سووری بڵاوکردەوە.