سوەیدا

 

ڕۆژی ٣٠ی حوزەیران، شاری سوەیدا شایەتحاڵی کوشتنی ژنێکی تەمەن ١٩ ساڵان بوو بە ناوی سیدرا وەسیم عەزیز بە دەستی برا بچوکەکەی کە تەمەنی ١٧ ساڵە، خوشکەکەی دەستبەند کردووە و لە بەردەم دایکی و کچە دوو ساڵانەکەی سەری بڕیوە.

 

دوای دوو کاتژمێر لە تاوانەکە، کاتێک هێزەکانی ئاسایش و تاوان و پزیشکی دادوەری چوونە شوێنی تاوانەکە، دواتر تەرمەکەی گواسترایەوە بۆ نەخۆشخانە بۆ تەواوکردنی لێکۆڵینەوە و ڕێکارە پێویستەکان، هاوکات بکوژەکە خۆی ڕادەست کرد.

 

بنەماڵەی ژنە کوژراوەکە خەڵکی شاری سەلخادن و لە کێڵگەیەکی شارۆچکەی ئەلقەرەییە نیشتەجێن و لە بەخێوکردنی ئاژەڵدا کاردەکەن، تا ئێستا پاڵنەرەکانی ئەو کوشتنە قێزەونەی کە لە دژی ژنێکی گەنج ئەنجامدراوە، ڕوون نەبووەتەوە.