ناوەندی هەواڵ

 

نوقمبوونی بەلەمێک لە کەناراوەکانی جیبۆتی جارێکی دیکە تیشکی خستە سەر ئەو گەشتە مەترسیدارەی کە ئەو کەسانەی لە هەژاری و گۆڕانی کەشوهەوا و ململانێکان کۆچدەکون لە ئەسیوپیا و سۆماڵ بەرەو وڵاتانی کەنداو و ئازایەتی دەریا و بەلەمی قەرەباڵغ و ناشایستەی دەریایی و پەرەسەندنی نائەمنی لە ڕۆژهەڵاتی ناوەڕاستدا.

 

ڕێکخراوی نێودەوڵەتی کۆچبەری سەر بە نەتەوە یەکگرتووەکان ١١ی تشرینی یەکەم ڕایگەیاند، لانیکەم ١٠٩ کۆچبەر گیانیان لەدەستداوە کە ١٥ منداڵ و ٤٢ ژنی تێدایە، لەکاتێکدا زیاتر لە ١١٦ کۆچبەر بێسەروشوێنن، دوای ئەوەی بەلەمێک کە نزیکەی ٣٥٠ کەسی هەڵگرتبوو لە کەناراوەکانی جیبۆتی نوقم بوو.

 

بە وتەی ڕزگاربووان، کەشتییەکە لە جیبۆتیەوە بەرەو یەمەن لە ڕێگایدا بووە، شەوی ٨-٩ی تشرینی یەکەم لە نزیک شارۆچکەی گوهێر لە باکووری ئۆبۆک وەرگەڕا.

 

تەرمی ئەو زیانبەرکەوتووانەی دەرهێنراون بریتین لە ٥٢ پیاو و ٤٢ ژن و ١٥ منداڵ (٩ منداڵی کچ و ٦ منداڵی کوڕ)، زیاتر لە ٨٠ کەس لە مردن ڕزگاریان بووە کە هەموویان ڕەگەزنامەی ئەسیوپیان هەیە.

 

ڕێکخراوی نێودەوڵەتی کۆچبەران (IOM) لە ئێستادا لە سەنتەری وەڵامدانەوەی کۆچبەران لە ئۆبۆک چاودێری ٦٤ ڕزگاربوو دەکات و شوێنی مانەوە و خۆراک و چاودێری پزیشکی و دەروونی و هاوکاری بۆ پەیوەندیکردن بە خێزانەکانیان دابین دەکات، هاوکات دەسەڵاتدارانی جیبۆتی بەردەوامن لە هەوڵەکانی گەڕان و ڕزگارکردن بۆ دۆزینەوەی شوێنی ونبووەکان، هەروەها دابینکردنی چارەسەر بۆ بریندارەکان و دڵنیابوون لە ناشتنی بە شکۆمەندانە بۆ مردووەکان.

 

کەناراوەکانی جیبۆتی و گەرووی باب مندەب ساڵانە شاهیدی تێپەڕبوونی دەیان هەزار کۆچبەرن لە ئەفریقاوە، بەرەو یەمەن وەک خاڵی گواستنەوە بۆ گەیشتن بە وڵاتانی کەنداو بە دوای کار و پارێزراوی، بەهۆی هەژاری و ناسەقامگیری ئەمنی و کاریگەرییەکانی گۆڕانی کەشوهەوا، سەرەڕای مەترسییە زۆرەکان و بارودۆخی ناسەقامگیری ڕۆژهەڵاتی ناوەڕاست، ئەم گەشتە مەترسیدارە ئەنجام دەدەن، زانیارییەکانی ماتریکسی بەدواداچوونی ئاوارەبوون ئاماژە بەوە دەکەن، کە لە ١٠ی ئەیلوولەوە زیاتر لە ٢٠ هەزار کەس لە ئەسیوپیا گەیشتوونەتە جیبۆتی.