ناوەندی هەواڵ

 

دەستپێشخەری نون لە ٢٦ ەمین ساڵیادی پیلانگێری نیودەوڵەتی دژی ڕێبەر ئاپۆ ڕاگەیەندراوێکیان بڵاوکردەوەو تێیدا هاتووە، ئازادیی جەستەیی ڕێبەر ئاپۆ گەرەنتی سەرەکییە بۆ ژنان بۆ بەدەستهێنانی مافەکانیان و بەرزکردنەوەی دەنگیان لە کۆمەڵگەدا.

 

ئاماژە بەوەشکراوە، ڕێبەر ئاپۆ نوێنەرایەتی ناسنامەی گەلێک دەکات کە دیلی ئاواتەکانی پیلانە نێودەوڵەتییەکانن کە خەڵکیان کردووەتە قوربانی بەرژەوەندییە سەرمایەدارییەکان و هەژموونی دیکتاتۆرییەت.

 

باس لەوەشكراوە، ئێمە بانگەوازمان بۆ ژنانی ئازاد و دیموکراسی و ڕۆشنبیر نوێ دەکەینەوە بۆ ئەوەی تێکۆشان چڕتر بکەنەوە.

 

ئەوەشی تێدا هاتووە: داوا لە دامەزراوە و ڕێکخراوە نێودەوڵەتییەکانی مافی مرۆڤ دەکەین کە ڕۆڵی یاسایی خۆیان دوور لە بەرژەوەندییە سیاسییە نێودەوڵەتییەکان جێبەجێ بکەن و بڕیاری لیژنەی وەزیرانی ئەنجوومەنی ئەوروپا پەسەند بکەن کە بڕیاری ساڵێک دەدات بە تورکیا بۆ هەمووارکردنەوەی پێگەی یاسایی سەرکردە بەپێی مافی جیهانی “مافی هیوا”.