ناوەندی هەواڵ

 

هێرشە ئاسمانییەکان و تۆپخانەکانی ئیسرائیل چادرەکانیان کردە ئامانج کە شوێنی نیشتەجێبوونی هاوڵاتیانی ئاوارە و شوێنی نیشتەجێبوونیان تێدابووە، لە ئەنجامدا زیانی گیانی لێکەوتەوە، لەنێویاندا منداڵان.

 

ڕۆژی ٢٩ی حوزەیران بە تۆپباران و تەقەی هێزەکانی ئیسرائیل بۆ سەر شاری غەززە لە باکووری کەرتی غەززە و پارێزگاکانی خان یونس و ڕەفەح، ٢٠ هاوڵاتیی مەدەنی فەڵەستینی لەوان هاوڵاتیانی ئاوارە و منداڵ و ژمارەیەک کەس کە چاوەڕێی یارمەتییەکان بوون، کوژران.

 

سەرچاوە پزیشکیەکان ڕایانگەیاند، لە ئەنجامی تۆپبارانی خوێندنگەی "عەدنان علمی"، کە لە باکووری ڕۆژئاوای شاری غەززە ئاوارەکانی تێدایە، دوو هاوڵاتی مەدەنی کوژراون و ژمارەیەکی دیکەش برینداربوون.

 

سەرچاوەکان ئەوەشیان خستەڕوو کە ٦ فەڵەستینی کوژراون کە ٣ خوشک و برایان تێدایە، ژمارەیەکی دیکەش بە شێوازی جۆراوجۆر بریندار بوون، ئاماژەیان بەوەدا کە دوو منداڵ کوژراون و ژمارەیەکی دیکەش بریندار بوون بەهۆی تەقەی تۆپخانەکانی ئیسرائیل بۆ سەر دوو خانوو لە شاری جەبالیە (باکوور).

 

لە ناوەڕاستی کەرتی غەززە، دوو فەڵەستینی لە ئەنجامی تۆپبارانی کۆبوونەوەی هاوڵاتیانی مەدەنی لە ڕۆژهەڵاتی دێر بەلح کوژران. هێزەکانی ئیسرائیل هێرشە ئاسمانییەکانیان لە ڕۆژهەڵاتی کەمپی پەنابەرانی "بریج" چڕکردەوە. لە شاری غەززە و ڕەفعەت لە باشووری کەرتی غەززە بەهۆی تەقە و تۆپبارانەوە چوار هاوڵاتی مەدەنی کوژران و ژمارەیەکی دیکەش برینداربوون.

 

پەیامنێری ئاژانسی هەواڵی فەڵەستین بە پشتبەستن بە سەرچاوە پزیشکییەکان، هەواڵی کوژرانی سێ کەسی مەدەنی لە هێرشێکی فڕۆکەی بێفڕۆکەوانی ئیسرائیل بۆ سەر ناوچەی بازنەی سەفتاوی لە باکووری شاری غەززەی ڕاگەیاند، بەهۆی تەقەی هێزەکانی ئیسرائیل لە نزیک ناوەندێکی فریاگوزاری لە باکووری شاری ڕەفەح کەسێک کوژراوە و کەسانی دیکەش برینداربوون.

 

شەڕی قڕکردنی بەردەوام لە کەرتی غەززە کە ماوەی ٢١ مانگ بەردەوامە، نزیکەی ١٨٩ هەزار فەڵەستینی کوژراو یان برینداری لێکەوتووەتەوە کە زۆربەیان منداڵ و ژنن. زیاتر لە ١١ هەزار کەس بێسەروشوێنن، ئەمە جگە لەوەی سەدان هەزار ئاوارە و برسێتییەک کە ژیانی زۆر کەسی لێ کەوتەوە، لەنێویاندا منداڵانیش.

 

بارودۆخی مرۆیی

ئونروا هۆشداریدا لە داڕمانی خزمەتگوزارییە تەندروستییەکان بەهۆی کەمی سووتەمەنی و پێداویستییە پزیشکییەکان، سەختی جووڵەی پارێزراو لەناو کەرتەکەدا. ئاماژەی بە مردنی ٦٦ منداڵ کردووە بەهۆی بەدخۆراکی لەنێوان داڕمانی نزیکەی کۆی گشتی کەرتی تەندروستی، هەر لە هەمان چوارچێوەدا، ژان نۆیل بارۆت، وەزیری دەرەوەی فەرەنسا ڕایگەیاند، وڵاتەکەی هاوشانی ئەوروپا ئامادەیە بەشداری بکات لە دڵنیابوون لە دابەشکردنی پارێزراوی خۆراک لە کەرتی غەززە کە بەدەست قەیرانێکی مرۆییەوە دەناڵێنێت.