ڕاپۆرت

10:30

بەکارهێنانی چەک و بەتایبەت چەکی بێ مۆڵەت ڕوو لەزیادبوونە، هۆکارەکەشی دەگەڕێتەوە بۆ نەبوونی یاسایەکی تۆکمە بۆ کۆنتڕۆڵکردنیان و بەرزبوونەوەی ڕێژەی کوشتن و لەناویاندا ژن کوشتن بە تایبەت، نە پەرلەمان نە لایەنی جێبەجێکاریش هەوڵێکی جدیان نەداوە بۆ کەم کردنەوەی ئەم حاڵەتانە بەڵکو لە ڕێی حیزبەکانیانەوە زیاتر چەک دەبەخشنەوە.

11:57

بۆ داواکردنی مافەکانیان و گۆڕینی پێگە و ڕۆڵیان لە کۆمەڵگادا، لە ساڵانی ١٨٠٠کان چەندین ئایدۆلۆژیا بوونی هەبوو، کە بووبوە بەربەست لەبەردەم بەشداریکردنی ژنان لە ژیانی گشتیدا، بەڵام ژنان توانیان ئەزموونێکی جیاواز بەدەستبهێنن.

09:27

نزیک دەبینەوە لە کۆتای ساڵی خوێندن، بەڵام قوتابییەکان هێشتا کەمتر لە دوو مانگ چوونەتە قوتابخانەکان و بەشێکی زۆریشیان هیچ فێر نەبوون، ئەمەش کاریگەری تەواوی کردووەتە سەر دەروونی خوێندکار و مامۆستاکان، سەرپەرشتیارێکی ئامادەییش باس لە چارەسەرەکان بۆ پڕۆسەی خوێندن دەکات. تەرزە تەها

11:15

بابل، شارستانییەتێکی کۆنی خاکی میزۆپۆتامیا بووە. ئەم شارە كە دەكەوێتە سەر ڕووباری فوڕات بە دووری ١٠٠ كیلۆمەتر لە شاری بەغداوە، بۆ ماوەی زیاد لە ٤٠٠٠ ساڵ ناوەندی ئیمپراتۆریەتی بابل بووە و مۆرکێکی تایبەتی مێژووی لەخۆیدا هەڵگرتووە.

09:45

تێڕوانینی کۆمەڵگە بۆ ژنان بە کەم سەیرکردنیەتی، بۆ ئەمەش چەندین وشەی نەشیاو و لە واتادا لاواز بەکاردەهێنن، وەک زەعیفە، یاخود بێ دەسەڵات، کەم ئەقڵ و کۆمەڵێکی دیکە، ئامانج لێیان لەناوبردنی هێز و توانای ژنانە، بۆ پیاوێكیش بیانەوێت بیشکێنن بە "ژن" بەناوی دەکەن، دکتۆر ژیا هۆکاری سەرەکی بەکارهێنانی ئەم جۆرە وشانە دەگەڕێنێتەوە بۆ نادروستی پەروەردەی خێزانی و جیاوازیکردنی کچ و کوڕ لە خێزاندا.

13:20

پاشگەزبوونەوە لە پەیمانی ئیستەنبوڵ لە تورکیا لەلایەن سەرۆک کۆمارەوە، ڕووبەڕووی هەڵوێستی توند بووەوە لەلایەن ژنانەنەوە، خاڵەکانی پەیماننامەکەدا گرنگ بوون بۆ بەگژداچوونەوەی توندوتیژییەکان و پاراستنی ژنان، سەرەڕای هەموو پاراستنەکانیش لە دوای پاشگەزبوونەوە لە پەیماننامەکە بەڕێژەیەکی بەرچاو توندوتیژی بەرزبووەوە، لەگەڵ ئەوەی مافی پاراستنی ژنان هەیە بەڵام ژنان دەکوژرێن.

10:37

لە شاری هەولێر ٨٣ ڕۆژنامەنووس و چالاکوان و هونەرمەند و بریندار لە چەند ناوەندێکدا، هەموو پێکەوە کۆمەڵکوژکران، ئەم ڕووداوە لە مێژووی دەسەڵاتدارانی هەرێمی کوردستاندا لەکەیەکی ڕەشە و تا ئێستا تەرمەکانیشیان نەدراوەتەوە بە کەسوکاریان.

09:30

پرسیارمان کرد ڕۆژنامەنووسی ئەکادیمی کێیە و تا چەند بڵاوکردنەوەی زانیاری ورد لەسەر هەواڵی کوشتن و خۆکوشتن دەچێتە بواری ڕۆژنامەوانییەوە، سەرۆکی بەشی ڕاگەیاندن لە زانکۆی هەڵەبجە وەڵاممان دەداتەوە.

09:20

10:43

کەمپەینی "هەروەها منیش- me too"، لە ساڵی ٢٠٠٦ لەلایەن تەرانا بورک دامەزراوە، دژی ئەو دەستدرێژییە سێکسیانەی دەکرێتە سەر ژنان لە تەواوی جیهاندا، بەڵام تا ئێستا ئەم کەمپەینە لە هەرێمی کوردستان و عێراقدا نییە.

10:10

ژنانی عەرەب سەرەڕای داخراوی کۆمەڵگەکەیان بەڵام بەردەوام لە هەوڵ و تێکۆشاندا بوون تا گۆرانکاری لە ئەقڵیەتی کۆمەڵگاکەیان بکەن و هەنگاوی گەورەتر بنێن بۆ بەدەستهێنانی ئامانجەکانیان، لەم ڕاپۆرتەدا باس لە ١٠ ژنی عەرەب یاخود بە ڕەچەڵەک عەرەب دەکەین کە توانیوویانە لە بوارە جیاوازەکاندا لە تێکۆشانەوە تا جوانی، زانست، وەرزش و هونەر ناویان بچێتە مێژووەوە.

11:30

دەزگا ڕاگەیاندنەکان و میدیا ئەلکترۆنییەکان بوونەتە جێگایەک بۆ لەناوبردنی شکۆی مرۆڤایەتی، لە ڕێگای پەخشکردنی بەرنامەکانی هاوکاری کردن و بەخشینەوە بە نابەرپرسیارانە، شکۆی مرۆڤ لەناو دەبەن و یاری بە هەستییان دەکەن، بەشێکیشیان لەپێناو کۆکردنەوەی بینەردا ئەمە دەکەن.

11:30

تاوانباران لەلایەنی دەسەڵاتداری و ئەو دۆخەشی کە هەیە پاڵپشتی دەکرێن، بکوژ لە دادگاکاندا پارێزگاری لە خۆیان دەکەن، سیاسەتەکانی ئاکەپە لە وڵاتدا چییە و چۆنە؟، پەرلەمانتاری هەدەپە لە ئامەد ڕەمزیە تۆسون، بارودۆخ و هۆکارەکانی کۆمەڵکوژکردنی ژنان باس دەکات.

13:40

لە ماردین، ئیلح، سێرت و ڕەحا ژنان ئەو کێشانە دەهێننە سەر زمان کە لەو شارانەدا ڕووبەڕوویان دەبێتەوە، ئاماژە بەوەش دەکەن، ئەقڵیەتی باوکسالاری نایەکسانی دەهێنێتە کایەوە، ژنانی شارە کوردییەکان هۆکارەکانی کۆمەڵکوژکردنی ژنان ڕوون دەکەنەوە.

13:00

لە ماوەی ١٨ ساڵدا لە تورکیادا ٦٧٥٩ ژن کوژراون، تەنها لە مانگی ئازاری ئەمساڵیشدا ٢٧ ژن کوژراون، لەلایەن دەسەڵات و دادگاکانەوە دۆسیەی کوشتنی ژنان بە خۆکوژی تۆماردەکەن، پارێزەرێکیش دەڵێت زیادبوونی کوشتنەکان دەگەڕێتەوە بۆ کشانەوە لە پەیماننامەی ئەستەنبوڵ و داخستنی ڕێکخراوەکانی ژنان.

08:38

لەگەڵ بڵاوبوونەوەی هەر هەواڵێکی کوشتن یاخود خۆکوشتن، بەبێ‌ هیچ گرنگیدان بە دەروونی تاک و کۆمەڵگا ڕاگەیاندنەکان لەپێناو زۆرترین بینەر ڕووداوەکان بڵاو دەکەنەوە، بەڵام ئەم کارەی بەشێک لە دەزگاکان بووەتە جێی ڕەخنەی ڕاهێنەرانی دەروونی و باس لە لێکەوتە خراپییەکانی دەکەن.

10:26

ئیلهام پاش بەشداریکردنی ٥ خولی ڕۆژنامەوانی و ئەنجامدانی چەندین کاری ڕۆژنامەوانی بەڵام بەنهێنی و دوور لە چاوی خێزانەکەی کارەکانی ئەنجام دەدات، ژنانی سەیدسادقیش باس لە ئارەزووەکانیان بۆ کاری ڕۆژنامەوانی دەکەن.

15:12

بەپێی بەدواداچوونەکانی ئاژانسی ژنها، تەنها ٪١٥.٢ ژنان بەرنامە گەرمەکان و لە ٪٨٤.٨ پێشکەشکاری بەرنامە لاوەکییەکانیان پێدەدرێت تا پێشکەشی بکەن، هەروەها سەرجەم سیاسەت و ئەجێندای ڕاگەیاندنەکانیش لەلایەن پیاوانەوە ئاڕاستە دەکرێن، ڕۆژنامەنووسانیش هۆکاری ئەمە بۆ نەبوونی پاڵپشتیی و دەرفەت نەدان بە ژنان دەگێڕنەوە.

13:36

مۆدێلکردن، لە سیستمی سەرمایەداری لە جیهانی ئەمڕۆدا فراوان بووە، میدیا و تۆڕە کۆمەڵایەتییەکان هۆکاری سەرەکی دەرکەوتن و بوون بە مۆدێلن، ئەمەش کاریگەری زۆری نەرێنی لەسەر چین و توێژە جیاوازەکانی کۆمەڵگا بەتایبەت کچانی گەنج و بوارە جیاوازەکانی ژیانیان دروست کردووە . سارا ارومیه

12:18

لە ساڵیادی ڕۆژنامەگەری کوردیدا ژنانی ڕۆژنامەنووس لە هەڵەبجە باس لە دۆخی ڕۆژنامەنووسان دەکەن، کە ئازادییەکی زیاتر فەراهەم کراوە و ژنان باشتر کارەکانیان ڕادەپەڕێنن. میهرەبان سەلام کاکەیی