rojane

11:10

Desteya Jinan a Rêveberiya Xweser, bi Komîsyona Sûriyeyê ya Karûbarên Malbat û Nifûsê re, li ser çend mijarên têkildarî pêvajoya entegrasyonê û her wiha rêbazên pêşxistina mekanîzmayên hevkariya hevbeş, nîqaş kir.

10:27

Li Efganistanê krîza koçberiyê di salên dawî de bûye yek ji krîzên mirovî yên herî kûr. Vegera ku bi hezaran li Efganiyan tê ferzkirin di demeke ku welat bi gelek krîzan re rû bi rû ye, her wiha rewşek mirovî ya nîgeran derxistiye holê.

09:22

Jinên li Wanê ser gavneavetina dewletê di Pêvajoya Aştî û Civaka Demokratîk de axivîn û tekez kirin ku divê pêvajo zêdetir neyê derengxistin û dewleta Tirkiyeyê di demeke zû de gavên berbiçav bavêje.

09:02

Li Wargeha penaberan a Mexmûrê îsal 110 xwendekaran xwendina xwe ya 12 salan temam kirin û bi şahiyek qedandina dibistana amadeyî pîroz kirin.

08:00

Rojnamevan Dîlan Osman li ser peymana 29’ê Çileyê di navbera hikûmeta demkî û QSD’ê de çêbû axivî û got: “Eger ev peyman rast neyê pêkanîn wê xeterên mezin li ser destkeftiyên Şoreşa Rojava çêbibin.”

21:51

Laleş Çelîker, di destpêka meha Gulanê de ji gertîgehê derket. 30 sal di girtîgehên dewleta Tirk de ma. Dema çû bajarê xwe Tetwanê bi awayekê girseyî hat pêşwazîkirin.

21:27

Rêxistinên jinan û derdorên akademîk ên li Brezîlyayê, ji bo pişgiriya bi hêzên parastina jinan (YPJ) li Rojavayê Kurdistanê, tevlî kampanyaya “Em hemû YPJ ne” bûn .

16:17

Federasyona Rojnamegerên Navneteweyî, ragihand ku li Îranê herî kêm 9 rojnameger û xebatkarên medyayê di girtîgehan de ne. Di raporê de hat diyarkirin ku zexta li dijî rojnamegeran zêde bûye û aqûbeta hinek girtiyan nayê zanîn.

15:52

Egitim-Îş (Sendîkaya Kedkarên Perwerdehiyê) bi sernavê “Çîrok û Rastiyên Derbarê Navendên Perwerdehiya Pîşeyî (MESEM)"de raporek weşand.

14:31

Li Îranê qutbûna înternetê û pirsgirêkên xwegihandinê ket roja 81’an. Rejîma Îranê tenê qadên zext û sansurê giran nake, di heman demê de hewl dide bandorê li ser bînesaziyên peywendiyên herêmê û şîrketên mezin ên teknolojiya dinyayê bike.

13:24

Li Komara Kongo ya Demokratîk (KKD) ji ber şewba Ebolayê 131 kesî jiyana xwe ji dest dan, 513 nexweşên bi gumana şewbê hatin tespîtkirin. WHO fikarên xwe derbarê leza belavbûna vîrusa Ebolayê de anî ziman.

12:13

Kampanyaya ‘Sêşema na ji darvekirinan re’ li 56 girtîgehan dest bi greva birçîbûnê kir; Girtiyan ji bo roja Sêşemê ya 121’emîn dest bi greva birçîbûnê kirin.

11:53

Koçberên ji bajarê Efrînê ku li Kobanê dijiyan, îro bi merasîmek girseyî ber bi bajarê xwe Efrînê ve rêketin.

11:32

Di lêpirsîna li Fransayê ku piştî weşandina belgeyên Epsteîn, hat destpêkirin de navê nû derketin holê. Dozgeriyê ragihand ku hinek kes têkiliya wan bi rêveberên berê yên ajansên mankenan re hebûye.

10:41

Parêzerek ku di çîroka dozên siyasî ya Rojhilatê Kurdistanê de wêneyek zindanên li Îranê pêşkêş dike, nîşan dide ku girtin, îşkence, girtina bi tenê û gefên li ser malbatan ne tenê bi heyama girtîgehê ve sînordar in.

09:56

Rêvebera Giştî ya Şaredariyên Helebceyê Xêlan Abdulrahman, ji welatiyan xwest ku hişmendiya jîngehê ji zarokatiyê ve zêde bikin û got: “Ji ber ku jîngeh pir qirêj e û kampanyayên berdewam ên ji bo paqijkirina tevahî deveran têr nakin.”

09:17

Tevgera Azadiya Jinên Êzidî (TAJÊ) kongreya xwe ya 3’yemîn bi dirûşma “Bi Jin Jiyan Azadî ber bi jiyana komînal ve” li Şengalê li dar xist.

08:13

Encamnameya kongreya 3’yemîn a Tevgera Azadiya Jinên Êzidî hate ragihandin. Li gorî encamnameya kongreyê TAJÊ avakirina komînên jinan weke xebata xwe ya herî stratejîk a demê diyar kir.

08:00

Jinên li bajarê Kobanê li dijî înkarkirina hikûmeta demkî ji hebûna jinan re bi helwesteke hevpar gotin: “Mafê tu hêzê tuneye ku hebûna me înkar bike û bi guman tevbigere.”

18:44

Berdevka DEM Partiyê Ayşegul Dogan diyar kir ku divê Rêberê Gelê Kurd Abduallah Ocalan bikaribe bi hemû beşên civakê re danûstandinê bike, bang li Meclîsê kir ku ji bo pêşvebirina pêvajoyê mekanîzmayeke nû bi beşdariya partiyên siyasî bê avakirin.