rojane

13:00

Di şewba kolerayê ya li rojavayê Sûdanê de ku bi lez belav dibe, herî kêm 75 kes mirin û zêdetirî 120 kes jî bi kolerayê ketine.

12:37

Daneyên NetBlock, nîşan dide ku Îran ji dinyaya derve ev zêdeyî 2016 saetane ketiye pêvajoya îzolasyona dijîtal. Ev rewşa bi kûrbûna zextê, binçavkirin, darvekirinan û hilweşîna çavkaniya aborî re, jiyana gel berbi krîzê ve dibe.

11:32

Ofîsa Mafên Mirovan a NY’ê, ragihand ku li Xezayê ji dema îlankirina agirbestê ve heta niha zêdeyî 880 sivîlan di êrîşên Îsraîlê de jiyana xwe ji dest dane. Saziyê diyar kir ku zarok jî dibin hedef û hişyar kir ku li Xezayê felaketa mirovî kûrtir bûye.

10:45

IFJ û Komeleya Rojnamegerên El Salvador ragihand ku li El Salvadorê, bi taybetî gef, tundî û zextên li dijî dijî rojnamegerên jin gihîştiye asta herî zêde.

09:33

Hunermend Varona Zerdeşt diyar kir ku xwerêveberiya li Rojavayê Kurdistanê bûye sedem ku ciwanên li hemû beşên Kurdistanê, ji bo parastina ax û nasnameya Kurdî bibin pêşeng.”

08:36

Endama Meclîsa Ol û Baweriyan Welîda Botî diyar kir ku naskirina YPJ’ê û garantîkirina rola jinan di destûrê de, dê Sûriyeyê ji tarîtiya hişmendiyê rizgar bike.

20:12

Li gorî rapora ku Ajansa Nûçeyan a Rêxistinên Mafên Mirovan ve hatiye weşandin, di 30 rojên dawî de li Îran û Rojhilatê Kurdistanê herî kêm 50 darvekirin, 541 binçavkirin û bi sedan binpêkirinên mafên mirovan hatine belgekirin.

19:37

Bi armanca pêşxistina hişiyariyê û hêzdarkirina jinan ji bo parastina mafên wan ji aliyê rêxistina “Tesadaq ji bo Karên Mirovî” ve li bajarê Sebha semînerek hate organîzekirin.

17:21

Koordînasyona Komeleyên Jinên Kurdistanê KJK, têkildarî pêvajoya Aştî û Civaka Demokratîk û têkoşîna ji bo azadiya fîzîkî ya Rêberê Gelê Kurd Abdullah Ocalan, daxuyaniyek belav kir û got “Em li dora Rêber Apo bicivin."

15:39

Rêxistina Neteweyên Yekbûyî ya ji bo Karûbarên Jinan, derbarê rewşa jinan a ji ber şeran de raporek belav kir. Rêxistinê diyar kir ku 676 milyon jin li herêmên metirsîdar dijîn.

14:46

Li gorî NY, bûyerên kolera, nexweşiyên meymûnan û denguyê li Sûdanê bi lez zêde dibin. Her wiha ji ber rewşa şer û pevçûnên berdewam binesaziya tenduristiyê têk çûye û bi milyonan kes bi krîza birçîbûnê re rû bi rû ne.

14:37

Neteweyên Yekbûyî li ser biryarnameyeke nû ya ji aliyê Talîbanê ve hat derxistin ku zewaca zarokan rewa dike û cudakariya li dijî jinan kûrtir dike hişyarî da.

12:12

Li rojhilatê Komara Demokratîk a Kongoyê bi sedan bûyerên gumanbar û piştrastkirî hatine tomarkirin. Ev yek bûye sedem ku Rêxistina Tenduristiyê ya Cîhanê ji ber binesaziya tenduristiyê ya qels û nebûna derziyê wê, lewra ji bo belavbûnê hişyarî dide.

11:09

Rêxistina COPINH ku nûnertiya gelê Lenca dike, nameyek ji Serokê Komîteya Wezîran a Konseya Ewropayê re şand û bangek ku ji sê xalan pêk tê kir.

11:00

Çalakiyên "Rojên Çanda Taîzê" de jin û ciwanan eleqeyek mezin nîşan dan. Di çalakiyê de her wiha pêşangehên hunerî û bernameyên perwerdeyê yên ku balê dikşînin ser bihêzkirina jinan û rola hunerê di pêşxistina civakî de hebûn.

10:50

Di demeke ku li Îranê raporên îşkence, hucreya yekkesî û înkarkirina darizandinek adilane zêde dibin de, gefa darvekirina girtiya siyasî ya Kurd û çalakvana sivîl Pexşan Ezîzî, bûye sedema pêlek nû ya fikar û hêrsê ya li ser zêdebûna zextan.

08:17

Endama Meclîsa Malbatên Şehîdan Eyşe Efendî ku rewşa pêvajoya Aştî û Civaka Demokratîk nirxand teqez kir ku dewleta Tirk ji bo derbasbûna pêvajoya hiqûqî-qanûnî tiştek nekiriye, her dem bi paş dixe û got ku ev yek jî bi xwe re gumanan çêdike.

19:00

Di lêpirsîna Gulîstan Doku de, ku di sala 2020’an de li Dêrsimê winda bû, lêpirsîneke nû li dijî Waliyê Dêrsimê yê wê demê Tuncay Sonel bi tohmeta “zirara giştî çêkiriye” hate destpêkirin.

16:30

Di doza ku li dijî rojnamevan Oznur Deger û Osman Akın hatiye vekirin de ku li ser giliyê sûc ê li dijî Fermandarê Tabûra Komando ya Leşkeran a Qoserê Kamîl Aksoy hatiye vekirin, dozger daxwaza ceza kir.

16:17

Komîteya Navneteweyî ya Xaça Sor (ICRC) eşkere kir ku ji destpêka pevçûnan ve heta niha li Sûdanê hejmara kesên winda gihîştiye 8 hezaran. Her wiha hejmara giştî ya kesên winda yên têkildarî pevçûnan gihîştiye 11 hezaran.