rojane

15:33

Li gorî Çavdêriya Mafên Mirovan a Sûriyeyê, ji serê salê ve li Sûriyeyê 29 jin hatine kuştin. Gelek ji wan bi bûyerên tundiya nava malê û tundiya civakî hatine kuştin.

15:15

Krîza avê ya li Tehranê û derdora wê ne tenê bi hişkesaliyê ve girêdayî ye, di heman demê de bi avakirina bêkontrol, bîrên neqanûnî û wêrankirina ekolojîk ve jî girêdayî ye. Pispor hişyar dikin ku bajar ketiye qonaxa herî giran a "hişkesaliyê".

13:46

Hat ragihandin ku mamoste û blognivîsa Kurd Forûzan Îslamî ku li bajar ê Ûrmiyeya Rojhilatê Kurdistanê hatibû binçavkirin, piştî lêpirsînê hatiye girtin û niha di girtîgeha navendî ya bajêr a jinan de ye.

13:33

Îran dikeve roja 86’emîn a astengkirinên gihîştina înternetê û ragihandin li welêt bi piranî asteng bûye. Girêdana sînorkirî û sîstema "lîsteya spî" girîng in û bandorên wê hem li ser azadiya derbirînê û hem jî li ser jiyana aborî zêde dibin.

12:55

Di çalakiyên ku li herêma Tolima ya Kolombiyayê hatin lidarxistin de, li ser tevgera jinên Kurd, rizgariya jinan û hevgirtina navneteweyî nîqaş hatin kirin.

12:44

Artêşa Rizgariya Belucistan ev cara yekeme wêne û nasnameya jinek a Fermandar a bi navê Şehnaz Beluc li gel komek jinên din ên ku çek hilgirtîne belav kir.

12:07

Parêzvanên mafên jinan ên ku li parêzgeha Takhar a Efganistanê kom bûn, li dijî rêziknameyên nû yên Talîbanê yên derbarê qanûna malbatê de, xwepêşandan lidar xistin.

11:28

Di salvegera 14’an a mirina Hunermend Werda el-Cezayîrî de, çalakiya ‘Şevên Werda el-Cezayîr’ hat lidarxistin. Di çalakiyê de konserek taybet ji bo mîrateya wê û pêşangehek taybet ku ji berhemên wê pêk hat.

11:02

Rêxistina Tenduristiyê ya Cîhanê ragihand ku heta niha herî kêm 177 kes di şewba Ebolayê ya li Komara Demokratîk a Kongo de mirine.

10:43

Hejmara 169’an a Kovara Jin bi sernavê “Hilberîna Civakî ya ji Nû ve û Serdestiya Baviksalar” derket.

08:55

Endama Ofîsa Siyasî ya Partiya Yekîtiya Ermen Sîlda Sîmon dûrxistina pêkhateya Ermen ji hilbijartinên Meclîsa Gel rexne kir û diyar kir ku Sûriyeya demokratîk bi hevkariya hemû pêkhateyan ava dibe.

08:26

Dayê Xoxê ku ji Şengalê ye û kurê wê di encama balafira keşfê ya dewleta Tirk de bûye cangorî, li hember guhertina rêveberiya Şengalê bertek nîşan da, diyar kir ku Şengal bi xwîna wan hatiye avdan û got ku “Tiştek ku ne bi dilê şehîdên me be, em ê nekin.”

22:05

Bi boneye yekemîn salvegera damezirandina Hevpeymaniya Doza Êzidiyan li Şengalê şahiyek hate li dar xistin. Di şahiyê de endama TAJÊ Riham Hico axivî û got: “Divê her kes beramberî civaka xwe, xwe berpirsiyar bibîne.”

18:24

Komeleya Cîhanî ya Behayî bi daxuyaniyekê ragihand ku çar jinên Behayî rûbirûyî binpêkirinên mafên mirovan tên û ji alîkarî û lênêrîna bijîşkî bêpar mane.

18:07

Girtina parêzerên jin di hundirê Koşka Edaletê ya bajarê Hamayê ya Sûriyeyê de û veguhestina wan bo Gerînîdeya lêkolîna Dadwerî, her wiha belavbûna agahiya ku di lêpisînê de pirsên mezhebî derketine, bûye sedema nîqaşeke berfireh.

16:27

Yekîneyên Paratina Jinan (YPJ) bal kişand ser girîngiya berdewamiya piştgiriya werzîşa jinan û parastina mafên lîstikvanên jin.

16:06

Di nav tundkirina ewlehiyê li Îranê û zêdebûna zextên li ser çalakvanên civaka sivîl û medyayê de, dadgeha Komara Îslamî Leyla Ramazanî û Fatma Malakahmedî bi tohmeta hevkariya bi medyaya opozîsyonê re bi tevahî 53 sal cezayê girtîgehê hat cezakirin.

15:39

Dayîkên Şemiyê di hefteya 1104’emîn de li aqûbeta Pîro Ay ê ku di 15'ê Gulana sala 1994'an de hatibû binçavkirin û windakirin, pirsîn. Pervîn Buldan diyar kir ku ew dixwazin yekîneya ku Wezareta Dadê ava kiriye bi mijara windayan re mijûl bibe."

15:33

Di nava aloziyên siyasî û civakî yên berdewam ên li Tirkiye û bakurê Kurdistanê de, dengê jinan her diçe bilindtir dibe û bangên ji bo vejandina pêvajoya aştiyê û vekirina deriyekî nû ji bo çareseriyên demokratîk her diçe zêde dibin.

14:40

Di çarçoveya lêpirsîna doza Gulîstan Doku de qeydê dengê Umut Altaş ê li DYE’yê hatibû binçavkirin û li bendê ye ku radestê Tirkiyeyê were kirin derketin. Umut Altaş dibêje: “Hemû tiştên ku dosyayê bigrin di dest min de ne. Ez dizanim kujer kî ye.”