rojane

09:00

Di dema xwepêşandanên belavî seranserê Îranê bûyî de, li Zahîdan, Çabahar û Îranşehrê jin, zarok, xwendekar û esnaf di nav de, bi sedan kes ji aliyê yekîneyên ewlehiyê ve hatin binçavkirin.

08:11

Meclîsa Îştar a Wargeha Penaberan a Mexmûrê li dijî bêrêziya mele Mehzer ya li hemberî şervana jin a li dijî êrîşên li ser Şêx Meqsûd û Eşrefiyê de şer kir, şehîd bû û piştre cîhadîstên HTŞ’ê cenazeyê wê ji avahiyê avêtin, daxuyaniyek da.

08:06

Taxên Şêx Meqsûd û Eşrefiyê yên Helebê bi rojan li hember bi hezaran çeteyên HTŞ’ê û dewleta Tirk berxwedanek meşand. Ji fermandara taxê Tolhildan Cûdî behsa kêliyên berxwedanê kir û got: “Hemû heval û gel bi keleşên xwe li dijî tanqan sekinîn.”

08:05

Hovîtiya li dijî şervanên jin tê nîşandan, nîşaneya herî eşkere ya vê zîhniyetê ye. Armancgirtina jinan, nîşandana laşên wan û hewldana binpêkirina rûmeta wan ne tenê sûcê şer e, di heman demê de êrîşeke îdeolojîk a li dijî azadiya jinan e jî.

08:01

Li Helebê sûcên li dijî mirovahiyê tên kirin. Ji Tora Mafên Zarokan a Amedê Gulîzar Ayyildiz, bal kişand ser tiştên jin û zarok dijîn, bi van gotinan bang kir: "Korîdora mirovî kêm dimîne, divê demil dest êrîş ben rawestandin.”

07:21

Jinên ji bajarê Kobanê helwest nîşanî êrîşên li ser taxên Kurdan ên Helebê û bêrêziya li dijî cenazeyên şervanên jin li Şêx Meqsûd û Eşrefiyê dan. Jinan bi gotina “Em ê nehêlin kes destê xwe bavêje nirxên me” soza xwe ya tolhildanê dan.

19:02

Cîhadîstên Heyet Tehrîr El-Şam (HTŞ), bi piştgiriya Tirkiyeyê bi çekên giran Bendava Tişrînê bombebaran dike.

19:01

Hejmara kesên ku di xwepêşandanan de tên qetilkirin roj bi roj zêde dibe Li gorî hinek dezgehên medyayê yên bi zimanê Farisî, 3 hezar û 500 kes û li gorî hinek dezgehên din jî hejmara kesên jiyana xwe ji dest dane di navbera 7 hezar û 12 hezar de ye.

18:43

Pitikê 8 mehî Mihemed Ebdurehman Berekat ê ku di êrişên li ser Nexweşxaneya Şehîd Xalid Fecr a li taxa Şêxmeqsûd a Helebê de birîndar bûbû, jiyana xwe ji dest da.

15:06

Xwepêşandanên li seranserê Îranê ketin roja xwe ya 17’an. Raporên der barê qutkirina înternetê de, dorpêça leşkerî û qetilkirina sivîlan, nîşan didin ku li welat zexta sîstematîk û pêvajoya komkujiyan didome.

14:47

Ofîsa Medyayê ya Hikûmetê ya li Xezayê, ragihand ku ji ber şert û mercên hewayê nêzî 127 hezar kon zirar dîtine û êdî nayên bikaranîn. NY, ragihand ku ji destpêka agirbestê ve herî kêm 100 zarokan di encama bombebaranê de jiyana xwe ji dest dane.

14:33

Pêkhateyên bajarê Til Temir û Zirganê Kurd, Ereb û Aşûr berxwedana fermandarê berxwedana Şêx Meqsûd û hevalên wî bi meşeke girseyî silav kirin û komkujiyên li ser herdu taxan şermezar kirin.

14:26

Şêniyên bajarê Qamişlo yên Bakur û Rojhilatê Sûriyeyê, ji bo berxwedana taxên Şêx Meqsûd û Eşrefiyê û ji bo bîranîna şehîd Ziyad Heleb meşiyan. Meşvanan anîn ziman ku ew ê li dijî her cûre dagirkeriyê rêxistinbûna xwe xûrtir bikin.

14:11

Şêniyên bajarê Hesekê, li dijî êrîşên li ser taxên Şêx Meqsûd û Eşrefiyê meşek li dar xistin. Ji bo şehîdên Şêx Meqsûd û Eşrefiyê jiyan deqeyek rawestiya.

14:06

Gelek parêzer, aktîvîst û pêşmergeyên jin, li dijî bêrêziya li beramberî şervanên jin ya ji aliyê hin melayên Başûr ve li ber serokatiya Dadgeha Silêmaniyê kombûn û ragihandin ku der barê Mela Mezher Xuresanî de gilî kirine.

13:18

Li navçeya Dalaho ya girêdayî eyaleta Kirmaşanê ya Rojhilatê Kurdistanê ji malbatek 3 kes bi hinceta beşdarî xwepêşandanan bûne, hatin binçavkirin. Binçavkirin bêyî biryara darazê hatine pêkanîn û derbarê malbatê de ti agahî nahetin parvekirin.

13:16

Meclîsa Jinan a PYD’ê, diyar kir ku êrîş û dorpêça li ser taxên Şêx Meqsûd û Eşrefiyê yên Helebê perçeyek ji polîtîkaya îmhakirinê ye û bang li civaka giştî ya navneteweyî kir ku bi lezgînî lêpirsîn vekin û berpirsan bidarizînin.

13:15

Xwediya Xelata Aştiyê ya Nobelê Malala Yusufzay, diyar kir ku xwepêşandanên li Îranê encama zextên ku bi salan e li ser jinan in û banga naskirina mafê gel ê diyarkirina pêşeroja siyasî ya bi awayek azad kir.

13:13

Di xwepêşandanên Îranê de jin di çeperên herî pêş de cih digrin. Şukriye Novabî ya Afganî anî ziman ku pirsgirêkên wan hevpar in û got: “Berxwedana jinên Îranê hêviyê dide me. Ev hêviyek e ku di nava şertên giran ê zextê de bi zorê nefes digre.”

12:28

Dayîkên Aştiyê ku li dijî êrîşên li ser taxên Şêxmeqsûd û Eşrefiyê berê xwe dan Enqerê, diyar kirin ku çeteyên HTŞ berdewamiya çeteyên DAÎŞ'ê ye û dê ev çete di demên pêş de bibin belaya serê Tirkiyeyê jî.