rojane

09:40

Kongra Star komkujiyên dewleta Tirk ên li Sirîn, Zirgan û Eyn Îsayê şermezar kir û bang li raya giştî û saziyên navnetewî kir û got: “Bêdengî beşdariya pêkanîna wan tewanan e û hevkariyeke nayê qebûlkirin e.”

07:58

Werîşe Muradî ya ku li Îranê girtiyek siyasî ye û cezayê darvekirinê lê hatiye birîn, bi rêya nameyek peyamek da hemû dinyayê. Werîşe diyar kir ku rabûna li hember darvekirinê, perçeyek hêja yê mirovahiyê yê têkoşîna gihîştina jiyanek azad û dilpak e.

07:39

Li Şaredariya Sêrtê ya DEM Partiyê qeyûm hate tayînkirin.

07:33

Koordînatora giştî ya Hevbendiya NADA’yê Buşra Elî têkildarî rewşa jinan a li Rojhilata Navîn axivî û got: “Bêyî azadiya jinan, azadiya gelan ne pêkan e. Hevkarî û piştevaniya tevgerên jinan li herêmê, wê têkoşîna jinan zêdetir bi hêz bike.”

07:00

Hunermend û rewşenbîrên jin ên bal kişandin li ser êrişên dewleta Tirk û peyama piştgiriya bi YPJ û QSD re anîn ziman, ev bang kirin: “Pêwîst e em weke hunermendan bibin yek û piştgiriyê bidin hêzên xwe.”

05:30

Fatima Hisên a 60 salî li Zirganê dijî, dibêje ku dewleta Tirk bi êrişan mafên mirovan binpê dike û bi kiryarên xwe terora mezin ew bi xwe ye, Fatima peyama “Heta pîr û kalek hebe ew ê dest ji Rojava, warê şehîdan bernedin” da.

05:00

Kongra Star a Kantona Hesekê, piştî banga seferberiyê ji bo komîteyên xwe dewreyek fêrkirina çekê da vekirin û beşdarên dewreya perwerdeyê tekez kirin ku bi hêzkirina qada parastinê bersiva pêvajoyê ye.

21:54

Hejmara sivîlên di êrîşa dewleta Tirk a li ser bazara gel a Sirînê de hatin qetilkirin bû 12.

21:42

Desteya Jinan a Bakur û Rojhilatê Sûriyeyê û Nivîsgeha Parastina Zarokan êriş û komkujiyên ku dewleta Tirk li dijî jinan û zarokan didomîne, şermezar kirin.

17:34

Di encama êrişa hewayî ya dewleta Tirk a dagirker li dijî bajarê Sirînê de komkujiyek pêk hat, li gorî agahiyên destpêkê 6 kes hatin qetilkirin.

14:37

TJA di encamnameya 5'emîn Konferansa xwe de bal kişand ser mezinkirina têkoşîna azadiya jinê û biryardariya avakirina konfederalîzma demokratîk a jinan.

14:03

Hevseroka Giştî ya DEM Partiyê Tulay Hatîmogûllari hûrguliyên hevdîtina Îmraliyê parve kir û got: “Birêz Ocalan diyar kir ku çareseriya mayînde ya pirsgirêkê bi riya demokratîk û hiqûqê pêkan e.”

13:12

Ji 50 welatan 650 jinênku akademîsyen, siyasetmedar, parêzvanên mafên mirovan, rojnamger û nivîskar di nav wan de hebûn; nameyek ji saziyên navneteweyî re şandin, xwestin Rêveberiya Xweser a Bakur Rojhilatê Sûriyeyê binasin.

12:55

Bîlançoya birîndarên bombebarana dewleta Tirk a dagirker a li ser gundê Um Hermel ê Zirganê bû 8.

12:27

Hevşaredara Sêrtê Sofya Alagaş a bi hinceta xebatên wê yên rojnamegeriyê ceza lê hat birîn wiha got: “Ev êrîşek li dijî vîna gelê Kurd e. Ev dadgeh, carek din piştrast kir ku dijminatiya Kurdan dike.”

11:44

Komara Îslamî ya Îranê, piştî çil salan jî nikaribû pergala perwerdeyê ava bike. Di vî alî de Urmiye bûye herêmeke ku herî zêde ziyanê bibîne. Kêmaniya dibistan, mamoste û tesîsên perwerdeyê, dibe sedem ku jin ji mafên perwerdeyê bêpar bimînin.

10:47

Ji doza ku hevşaredara Sêrtê Sofiye Alagaş jê dihat darizandin 6 sal û 3 meh ceza lê hat birîn.

10:01

Dewleta Tirk duh bi şev êrişî gudê Um Hermela ya Zirganê kir. Di êrişê de yek jê zarok 3 welatî jiyana xwe ji dest dan û 4 jin jî birîndar bûn.

08:54

Parlementera DEM Partiyê Ceylan Akça diyar kir ku Tirkiye ji ber bêdengiya navneteweyî cesaret digre û êrîşên li ser Bakur Rojhilatê Sûriyeyê didomîne û got: “Tirkiye, li polîtîkayên Îsraîlê dinêre û sûcên xwe didomîne.”

08:46

Jinên koçber ên li kampa Newroz ku li bajarê Dêrika Bakur û Rojhilatê Sûriye dijîn, bi hêviya ku wê rojekê vegerin bajarê xwe Serêkaniyê yê dibin dagirkeriyê de jiyana xwe didomînin.