rojane

13:41

Sendîkayên li Spanyayê bi daxuyaniya bi sernavê "Ber bi çareseriya siyasî û demokratîk a li Kurdistanê ve: Azadî ji Abdullah Ocalan re" bal kişandin ser tecrîda li ser Rêberê Gelê Kurd Abdullah Ocalan û ji bo aştiyek adil bang kirin.

11:28

DEM Partiyê di encamnameya civîna Meclîsa Partiyê de diyar kir ku perspektîfa çareseriyê ya Abdullah Ocalan ji bo demokratîkbûn û pêkhatina aştiyê firsendeke dîrokî ye û ji bo çareseriyê 4 xal rêz kir.

10:30

Endama KJAR’ê Denîz Derya diyar kir ku şoreşa “Jin, jiyan, azadî” destpêka riyeke nû ye û got: “Armanca me Îrana demokratîk a xwe dispêre bihevrebûna gelan e. Ger rejîma Îranê vê riyê hilnebijêre dê ji ber xwe ve hilweşe.”

09:53

Dewleta Tirk danê sibehê êrişî gundê Zêdîyê yê rojhilatî bajarê Zirganê kir. Di topbaranê de jinek jiyana xwe ji dest da, du lawên wê jî birîndar bûn.

09:52

PAJK’ê di daxuyaniya xwe de got: “Em bang li jinên dilxwazên azadiyê dikin ku pêşengiyê ji pêvajoya demokratîk re bikin ku ji aliyê Rêber Apo ve bê destpêkirin û roja qirkirina Kurdan bikin roja azadiya Kurdan, bi vê têgihiştinê dakevin qadan.”

09:27

Hevberdevka HDK’ê Meral Daniş Beştaş anî ziman ku divê daxwaza aştiyê ji aliyê hemû gelan ve bê bilindkirin û dawî li polîtîkaya avêtina qeyîm were û got: “Îro di çareseriya mijara Kurd de muxatab ne tenê gelê Kurd e, hemû gelên Tirkiyeyê ne.”

08:55

Rojnamevanên jin ên Sûdanî tekez kirin ku bi pevçûnên li Sûdanê rû dane re zehmetiyên di dema çêkirina nûçeyan de, zêdetir bûne û gotin: “Divê ji rojnamevanan re derfet werin avakirin da ku bi azadî tevbigerin û bixebitin.”

07:15

Endama Akademiya Jineolojiyê Elîf Kaya, têkildarî Komploya 15’ê Sibatê ya li hember Rêberê Gelê Kurd Abdullah Ocalan pêk hat, ji ajansa me re axivî û got “Bersiva ku jinan û gelan dan vê komployê, pêşxistina lêgerîna jiyana azad bû.”

05:50

Jinên ji bajarê Kobanê bal kişandin ser fikr û paradîgmaya Rêberê Gelê Kurd Abdullah Ocalan a di guhertina hişmendiya mêr de û gotin: “Ocalan ne tenê ji bo Kurdan, ji bo hemû gelên Rojhilata Navîn ên tiyê azadiyê ne rêber e.”

05:30

Jinên Cezayîrê ji ber ku hesab ji kiryaran nayê xwestin û û zagon pêk nayên, bi tundiyên wek qetilkirin, destdirêjî û zewacindina zarokan re rûbirû dimînin.

05:00

Hêva Erebo ya ku di 27’ê Çileyê de di êrîşa a dewleta Tirk de li Ranyayê hat qetilkirin, bi şoreşa jinan a Bakur û Rojhilatê Sûriyeyê xemilî û bû nîşana şoreşê. Dayika wê Zekiye Erebo got: “Ez bi keça xwe serbilind im.”

21:50

Kampanyaya Parastina Şerîfe Mihemedî ragihand ku cezayê darvekirinê yê çalakvana mafê kedkaran Şerîfe Mihemedî cara duyemîn hatiye erêkirin.

18:37

Foruma mafnasî ya şêwermendiyê ya li Hesekê hat lidarxistin, piştî nîqaşên dewlemend ên jinan bi encamnameyek bidawî bû.

16:21

Li Reqayê bi hezaran jin ji bo azadiya fîzîkî ya Rêber Abdullah Ocalan û şermezarkirina komploya 15’ê Sibatê meşiyan.

16:04

Rêxistina Perwerde, Zanist û Çandê ya Netewên Yekbûyî ji aliyê Talîbanê ve girtina radyoya 'Begum' şermezar kir û diyar kir ku ev girtin tê wateya binpêkirina dengên jinên Afxanistanê.

14:39

Jinên beşdarî foruma mafnasî ya şêwermendiyê bûn tekez kirin ku di nivîsandina destûra Sûriyeyê de pêwistî bi esasgirtina Hevpeymana Civakî heye.

14:23

Li gorî daneyên ku duh Çarşemê ji aliyê Komîteya Parastina Rojnamegeran (CPJ) ve hatin weşandin, di sala 2024’an de 124 rojnameger li cîhanê hatine kuştin û ev sal bûye sala herî zêde ya rojnamegeran ku jiyana xwe ji dest dane.

13:52

Çavkaniyek ji medya Iraqê re ragihand ku Serokkomarê Iraqê, guhertina Zagona Rewşa Kesane jî di nav de, sê projeyasayên nakok, erê kir.

12:57

Însiyatîfa Nûn a Azadiya Ocalan bi boneya salvegera 26'emîn a komploya navneteweyî daxuyanî da û diyar kir ku azadiya Rêberê Gelê Kurd Abdullah Ocalan misogeriya çareseriya pirsgirêkên Rojhilata Navîn û cîhanê ye.

12:38

Wezareta Tenduristiyê, Saziya Malbatên Şehîdan û tîma gorên komî, nasnameya 32 qurbaniyên gundê Koço ên di encama êrîşa çeteyên DAIŞ’ê de hatin qetilkirin ragihandin û diyar kirin ku di demeke kin de wê radestî malbatên wan bên kirin.