rojane

14:59

Koordînasyona Kongra Star komkujiya li gundê Um Tîna yê Dêr Hafirê yê kantona Tebqayê bi tundî şermezar kir û got: “Em ê teqez hesab bixwazin û em ê her deverê bikin cihê têkoşîn û hevgirtina jinên Sûriyeyî.”

14:36

Endamên Mala Jin û endamên Kongra Star li pêşiya avahiya Mala Jin a li taxa Xerbî ya bajarê Qamişloyê kom bûn û bi daxuyaniyekê daxwaza azadiya fîzîkî ya Rêberê Gelê Kurd Abdullah Ocalan kirin.

13:20

Êrîşên bênavber ên Îsraîlê li dijî Zîvala Xezayê, rê li ber mirina bi dehan mirovan û koçberiya girseyî vekir. Di êrîşên du salan de, hilweşîn û felaketa mirovî ku mînaka wê tune ye tê jiyîn.

11:54

Şandeya jinên Bakur û Rojhilatê Sûriyeyê bi Rêxistina Efûyê ya Navneteweyî re civiya da ku binpêkirinên berdewam ên li dijî Sûriyeyê, bi taybetî jinan û rêbazên belgekirina wan nîqaş kir.

11:40

Li Îranê di demên dawî de dersînorkirina Efganan, careke din ket rojevê. Efganiyên ku bi salan e li Îranê bûn û ji welat hatin derxistin, neçar man ji serî ve dest bi jiyana xwe bikin.

11:31

Rama Zein a Suweydayî ku ji komkujiya HTŞ’ê ya li Xaniyên Mêvanan ên Cebel El-Druz bi saxî filitiye, dibêje ku xortek li ber çavê wênhatiye gulebarankirin, xwîna wî bi lingê wê de rijiyaye.

10:36

Beşdarên Konferansa Hevgirtina Jinan a li bajarê Hesekê hatibû lidarxistin diyar kirin ku di pêvajoya Sûriye tê re derbas dibe de yekbûn, dengê jinan û hevgirtina wan pêdiviyeke lezgîn û girîng e.

10:04

Hejmara nû ya kovara Jin bi berga “Di pergala perwerdeyê de krîz û pêdiviya bi veguherînê” derket pêşberî xwendevanên xwe.

09:56

Li bajarê Silêmanî Rêxistina Çardoz, ji bo piştgirîkirina jinên xwedî pêdiviyên taybet yekem panela xwe lê dar xist. Armanca panelê başkirina rewşa jinên xwedî pêdiviyên taybet û guncandina wan a bi jîngeh û jiyana bi hevreye.

09:40

Nûçegihana ajansa me bi riya dîmenekê yek ji komkujiyên cîhadîstên Heyet Tehrîr El-Şam (HTŞ) li bajarê Suweydayê ya Sûriyeyê li dijî sivîlan belge kir.

09:10

Aştî ne peymanek e ku were îmzekirin, kêliyek hembêzkirinê ye, biryarek ji bo negerîna tolhildanê ye û îradeya berdewamiyê ye tevî her tiştî. Guhertin mimkun e û ew bi jinekê dest pê dike ku biryar dide ku nekeve.

09:01

Lîbya di nava nakokiyên navxweyî û têkçûna aborî de krîzeke siyasî ya bi aloz de ye. Lêkolîner Zahiya Salih tekez kir ku hilbijartin çareseriya herî baş e û pêşniyara mîsyona NY’ê ji bo avakirina hikûmetek nû bi bandor e.

08:34

Dayîkên pakrewanên YPJ’ê û gerîlayên YJA Star’ê û jinên Ereb ên Çiyayê Kizwanan, bi nameyên xwe beşdarî kampanyaya “Ez dixwazim bi Abdullah Ocalan re li derveyê Îmraliyê hevdîtin bikim” bûn.

08:27

Hevseroka Meclîsa bajarê Qamişloyê Hêvî Ehmed da zanîn ku armanc bi lidarxistina konferansên komînan ew e ku hêzeke çareseriyê ji bo pêşxistina komînan aktif bibe û zêdetir bikaribin xwedî li komînan derkevin.

21:24

Rêberê Gelê Kurd Abdullah Ocalan, di nameya xwe ya ku ji bo merasîma 32’emîn Xelatên Rojnamevaniyê yê Mûsa Anter û Şehîdên Çapemeniya Azad şand de, berpirsyartiya dîrokî ya xebatkarên çapemeniyê bi bîr xist.

21:03

Jinên Iraqî, guhertinên di Qanûna Rewşa Kesane de şermezar kirin û daxwaza parastina mafên jinan kirin. Çalakvanan, diyar kirin ku pêwîste biryarên zewac, hevberdan û welayetê, li şûna rayederên dinî, ji aliyê dadgehê sivîl ve bên dayîn.

20:56

Di tevahiya rûniştinên Konferansa Hevpeymaniya Jinan de, jin li ser mijarekî li hev kirin; Demokrasî bêyî beşdariya jinan a pêvajoyên biryargirtinê ne mimkun e û parastina jinan ne vebiharkek e, li dijî tundî û înkarê neçariyek jiyanî ye.

19:48

Qada Karamê ya bajarê Suweydayê, dibe qada xwepêşandana malbatên êşa xwe ya kesên hatine revandin û windabûnê tînin ziman. Xwepêşandêran, balkişandin li ser pirsgirêkên mirovî yên rû bi rû dimînin û xwestin dengê xwe bidin bihîstin.

17:56

Xelkê wargeha penaberan a Mexmûrê bi meşekî girseyî bertek nîşanî biryara Komîteya Wezîran a Konseya Ewropayê ya li ser ‘Mafê Hêviyê’ dan û diyar kirin ku biryara hatî girtin ne hiqûqî ye.

17:51

Dengê jinên ji pêkhatiyên cûda yên Sûriyeyê, di Konferansa Hevpeymaniya Jinan de bû yek. Di konferansê de peyamên berxwedanê hate dayîn û hate destnîşan kirin ku jin ne tenê aktorek civakî, di avakirina Sûriyeyek nû de hêzên damezrîner in.