rojane

16:23

Navenda Belgekirina Binpêkirinên Bakur û Rojhilatê Sûriyeyê, rapora xwe ya têkildarî "bûyerên revandinê yên li Sûriyeyê” weşand. Li gorî raporê; 2 jê zarok û 9 jê jin bi giştî 190 kes hatin revandin.

15:50

Serokwezîrê demborî yê Herêma Kurdistanê Mesrûr Barzanî, bang li Bexdayê kir ku Peymana Şengalê ya ku bê îradeya Êzîdîyan di navbera Iraq û PDK’ê de hatiye îmzekirin, were bicih anîn û îdia kir ku ger peyman pêkwere wê Êzidî hemû vegerin Şengalê.

15:12

Komîseriya Mafên Mirovan a Neteweyên Yekbûyî, ragihand ku pevçûnên di navbera artêşa Sûdanê û Hêzên Piştgiriya Lezgîn de di nava 6 mehan de bû sedema qetilkirina herî kêm 3 hezar û 384 sivîlan.

15:05

Şaxa ÎHD a Amedê û xizmên windayan di hefteya 867'emîn a çalakiyên "Bila winda bên dîtin, kiryar bên darizandin" de li aqûbeta Îbrahîm Gundem pirsîn.

14:45

Koalîsyona Demokratîk a Jinên Rojhilata Navîn û Efrîkaya Bakur (NADA) kuştina mudura Fona Xweşikbûn û Paqijiyê ya li bajarê Taizê Eftihan el-Meşherî şermezar kir û vê yekê weke êrîşeke li dijî pêşengiya jinên Yemenê nirxand.

14:11

Beşdarên konferansa Hevgirtina Jinan tekez kirin ku têkoşîna jinên Sûriyeyê ji bo bidestxistina mafên xwe û avakirina paşerojek demokratîk û nenavendî berdewam dike ku tê de jin di biryardan û pêşkeftinê de şirîkên biryardanê ne.

14:01

Mamosteyê dibistana seretayî Ferûg Xusrewî bi tohmetên giran ên propagandaya dijî dewletê, heqaretkirina ol û parvekirina agahiyên nepenî, ji bo Dozgeriya Komarê û Şoreşê ya Behbahanê hate gazîkirin.

13:57

Dayikên Şemiyê di çalakiya xwe ya vê hefteyê de ragihandin ku adalet bêyî eşkerekirina rastiyê nayê bidestxistin. Avakirina Komîsyonên Heqiqetê pêviyeke ku divê neye bipaşxistin e.

13:55

Sendîkaya Rojnamevanên Sûdanê bertek nîşanî biryara Wezareta Turîzm û Enformasyonê ya dûrxistina ji kar a Lîna Yaqûb da û diyar kir ku biryar derbeke li dijî mafê gel ê xwegihandina agahiyan e.

13:16

Înisiyatîfa Mala Penaberan bi Jineolojiyê re li Îskenderiyeyê panelek li dar xist. Di panele de bal hat kişandin ser edaleta jinan a di warê xwezayê û li ser rola wan a domdar a di warê pêşxistinê de nîqaş hatin kirin.

12:07

Li Helebce 2’yemîn Mihrîcana Wêje û Helbestên Jinan hate lidarxistin. Piştî pêşkêşiya huneran xelatên rêzdariyê pêşkêşî jinên nivîskar û helbestvanan hatin kirin.

11:36

Rêxistina Kongra Star û Kombûna Jinan a Zenûbiya li bajarê Hesekê konferansa "Hevgirtina jinan bingeha avakirina edalet û demokrasiyê ye li Sûriyeya ne navendî û yekgirtî" li dar xistin.

11:28

Di konferansa ku bi beşdariya akademîsyen û aktivîstên mafên mirovan û siyasetmedaran ji aliyê Koordînasyona Jinan a Guherîna Bingehîn ve li ser zagona malbatê li Rabatê hat lidarxistin de rola parlamentoyê hat nîqaşkirin.

09:29

Bi fermana serokê Talîbanê Molla Heybetullah Ahundzade, li çend bajarên Efganistanê, înetnet an bi temamî yan jî bi qismî hat birîn. Ev biryar di navbera welatî, xwendekarên dibistanan û yên zanîngehê de bû sedema fikaran.

09:13

Rênas Cebar ku tevî nebûna çavên xwe zêdetirî salekê di warê ragihandinê de xebitî û niha jî karê dirûtinê dike, got ku “Tu astengiyeke tenduristî an fîzîkî nabe hinceta astengkirina pêşketina karên min.”

08:20

Şêwirmend û derûnnasa Navenda Şehîd Amara Fadiya El-Ewed balkişand ser xwekuştinên ku di demên dawî de li herêmê çêdibin, got ku bi dayîna mafan dikarin kuştinan kêm bikin û banga “bi destên hev bigirin” li jinan kir.

20:43

Komeleya Mafên Mirovan a Îranê diyar kir ku girtiyeke li Girtîgeha Qerçakê Cemîla Ezîzî, bi guman jiyana xwe ji dest daye. Hate diyarkirin ku Ezîzî ji nexweşiyên giran dikişand û dermankirina wê hatibû astengkirin.

19:56

Nûçegîhana JINNEWS’ê Şehrîban Aslan ku nûçeya ‘Malbata ku zaroka wan hat revandin: Ewlehiya canê me tuneye’ çêkir, ji aliyê gumanbarê ku zarok revand ve bi mirinê hat tehdîdkirin.

15:31

Bi dorpêça berdewam a li ser Zîvala Xezayê, 800 hezar Filistînî bi karesateke mirovî re rû bi rû ne.

14:43

Dewleta Tirk a dagirker îro li gundên Sikêro û Elî Bacelî yên Girê Spî ku ji 2019ˊan ve dagirkirî ye, zêdetirî 20 kes revandin.