Navenda Nûçeyan – Polîsan li navçeya navendî ya Eyyubiye ya Rihayê gefa “Em ê we kevil bikin” li xwişk û birayên Azîz û Dîlber Beyaztaş xwaribûn. Piştre jî polîsekî giliyê Beyaztaşan kir. Azîz Beyaztaş (36) û xwişka wî Dîlber Beyaztaş (38) ên hatin binçavkirin bi şertê kontrala edlî hatin berdan. 

Xwişk û birayan duh bi şev li Amirtiya Polîsan a Sarayonuyê îfade dan. Li vir bi îdiayên “milet, komar, sazî û dezgehên tirk biçûk xistine” û “ji bo astengkirina peywira cemaweriyê li ber xwe dane” hatin tawanbarkirin. Xwişk û birayan ev tawanbarî red kirin û ji ber êrişî wan kirin giliyê polîsan kirin. 

Bi şertê kontrola edlî hatin berdan

Piştî karûbarên li emniyetê jî îro sewqî edliyeyê hatin kirin. Dozger, Azîz Beyaztaş bi daxwaza girtinê û Dîlber Beyaztaş jî bi şertê kontrola edlî sewqî dadgeriyê kir. 2’yemîn Dadgeriya Cezayên Sulhê ya Rihayê xwişk û bira bi şertê kontrola edlî berda.