Navenda Nûçeyan – Doza parêzer Loua Xelef di nav nîqaşeke mezin de li ser bikaranîna hêza dîsîplînê di nav Komeleya Baroyê de tê, piştî ku wê ji ber "xuyabûneke ne guncav" piştî ku wê gilînameyek derbarê cudakariyê de pêşkêş kir ji kar hat dûrxistin. Bûyer bû sedema nîqaşeke berfireh ji ber ku ew wekî berfirehkirina pratîkên ku jinan hedef digirin bi pîvanên ku li ser mêran nayên ferzkirin tê dîtin, di nav bangên ji bo reformkirina rêziknameyan û misogerkirina hawîrdorek pîşeyî ya dadperwer ku parêzerên jin ji muameleya keyfî û wesayetê diparêze.

Piştgiriya berfireh ji bo parêzer Loua Xelef

Di vê çarçoveyê de, hejmarek rêxistin û saziyên jinan, digel parêzvanên mafên jinan, hevgirtina xwe bi parêzera Misrî Loua Xelef re ragihandin û daxwaza betalkirina tavilê ya rawestandina wê ji pratîkkirina parêzeriyê kirin. Wan ew wekî gavek ku bikaranîna hêza dîsîplînê di nav Komeleya Baroyê de nîşan dide da ku jinan bêdeng bike û ceza bike li şûna ku wan ji cudakariyê biparêze û mafê wan ê xebata bi rûmet garantî bike.

Xuyabûna ne guncav: Amûreke kontrolê ya li dijî jinan

Daxuyaniyên saziyên jinan tekez kir ku laş û xuyabûna jinan di nav gelek saziyan de bûye qadeke domdar a çavdêrî û kontrolê û wiha dewam kir: "Di heman demê de pirsgirêkên bingehîn ên edalet û wekheviyê têne marjînalîzekirin. Karanîna gotinên nezelal ên wekî 'xuyabûna ne guncav' ji bo rewakirina tedbîrên dîsîplînê li dijî parêzerên jin ne li ser xuyabûnê bi xwe ye, lê belê li ser wê yekê ye ku kî xwediyê desthilatdariyê ye ku diyar bike ka çi 'guncav' e, ev pîvan li ser kê tên ferzkirin û çima ew ewqas caran li dijî jinan têne bikar anîn?"

Di daxuyaniyê de ev yek hat zêdekirin ku serlêdana parêzerek jin ji bo dezgehek neteweyî ya pispor ji bo parastina ji cudakariyê û dû re jî tedbîrên cezakirinê li dijî wê, pêşketinek xeternak temsîl dike û peyamek tirsnak ji bo her jinek ku difikire li dijî neheqiyê derkeve an jî mekanîzmayên qanûnî yên berdest bikar bîne, dişîne.

Cudakariya avahîsaziyê û serxwebûna Baroyê

Di berdewamiya bertekan de hate tekez kirin ku serxwebûna pîşeya hiqûqî ne tenê bi parastina parêzeran ji destwerdana rêveberiyê tê bidestxistin, lê di heman demê de bi redkirina her cure keyfiyet an cudakariyê di nav Komeleya Baroyê de jî dest pê dike. Her wiha piştrast kir ku Komeleya Baroyê nikare bibe kelehek azadiyan dema ku desthilatdariya wê ya dîsîplînê wekî amûrek ji bo kontrolkirina jinan an bêdengkirina dengên ku cudakariyê eşkere dikin tê bikar anîn.

Di daxyaniyê de hat ravekirin ku tiştê Loua Xelaf pê re rû bi rû dimîne ne bûyerek tenê ye, beşek ji şêwazek berfirehtir a pratîkan e ku pîvanên exlaqî, tevgerî û xuyabûnê li ser jinan ferz dikin ku li ser mêran nayên ferzkirin. Ev cudakariya avahîsaziyê nîşan dide ku hebûn û beşdariya wekhev a jinan di qada giştî û di gelek pîşeyan de, bi taybetî jî di pîşeya hiqûqê de, sînordar dike.

Ji bo reformê banga navneteweyî û destûrî

Daxuyaniyê tekez kir ku rûmeta parêzerên jin nayê nîqaşkirin; mafê xebatê, wekhevî û gihîştina mekanîzmayên parastina li dijî cudakariyê mafên ku ji hêla Destûra Misrê û peymanên navneteweyî ve têne garantî kirin in û divê wekî bingehek ji bo cezakirin an tolhildanê neyên bikar anîn.

Saziyên mafên jiyanê di dawiyê de daxwaza betalkirina tavilê ya biryara rawestandina parêzer Loua Xelaf û vegera wê ya pîşeyê ya bê sînorkirin kirin.

 Daxwazên bingehîn ên ku di daxuyaniyê de hatin ser ziman ev in:

"*Lêpirsînek serbixwe: Vekirina lêpirsînek serbixwe û zelal li ser îdiayên wê yên cudakariyê û hesabpirsîna rayedarên berpirs.

*Dawîanîna li têgehên nezelal: Bidawîanîna karanîna têgehên wekî "xuyaniya guncav" wekî hincetek ji bo hedefgirtina jinan.

*Reforma rêziknameyê: Ji nû ve nirxandina rêzikname û prosedurên dîsîplînê yên di nav Baroyê de da ku ew bi prensîbên wekhevî û ne-cudakariyê re lihevhatî bin.

*Mekanîzmayên ewle: Dabînkirina mekanîzmayên bibandor ji bo wergirtina giliyên cudakarî, tacîz û tundiya li ser bingeha zayendî.''