Navenda Nûçeyan- Li Îranê serhildanên ku piştî Jîna Emînî di 16’ê Îlona 2022’yan de hat qetilkirin dest pê kirin, dikevin meha şeşan. Tevî hemû zext, girtin û êrîşên rejîma Îranê jî gel dest ji daxwaza xwe bernane û çalakiyên xwe didomîne.

Daxwazên xwe yên azadiyê anîn ziman

Li Rojhilatê Kurdistanê şervanên azadiyê li Sine, Seqiz, Mahabad, Kirmanşah, Takab, Dehgolan, Ciwanro, Îlam, Urmiye, Baneh, Bûkan, Merîwan û Kamyaranê çalakiyên xwe didomîne. Gel di çalakiyan de agir vêxist û bi dirûşman dengê xwe bilind kirin.

‘Bila rejîm biguhere’

Li Sistan û Belûcistanê, Yezd, Neishabur, Meshkinshahr, Minab, Bojnord, Tahran, Karaj, Sari, Rasht, Mazandaran, Meşhed, Îza, Kûm, Kerman, Îsfahan, Tebrîz, Erdebîl, Şîraz, Ahwaz û gelek bajarên din çalakiyên protestoyî hebûn. Çalakgeran, bi dirûşman, biryargehên rejîma Basijê dan ber agir, wêneyên çalakgerên hatine qetilkirin hilgirtin û ji bo çalakiyên mezintir bang kirin. Bal hat kişandin ku dê çalakî heta hilweşîna rejîmê bidomin.