Enqere – Hevserokê KCD'ê Berdan Ozturk, parlamenterên HDP'ê Dîlan Dîrayet Taşdemîr û Şevîn Coşkun, Remziye Tosun, Sezaî Temellî û Abdullah Koç, bi daxwaza hevdîtina vekirî ya bi Rêberê Gelê Kurd Abdullah Ocalan ya li Îmraliyê di bin tecrîda girankirî tê girtin, serî li Wezareta Edaletê dan.

Di 20’ê Cotmehê de Hevserokên Giştî ya HDP’ê Pervîn Buldan û Mîthat Sancar, Berdevka Partiyê Ebru Gunay û Lîjneya Rêveberiya Navendî (MYK) Omer Ocalan ji bo pêkanîna hevdîtinê serî li Wezareta edaletê ya Tirkiyê kiribûn. Serlêdan bê bersiv hatibû hiştin. Hevseroka Giştî ya Partiya Heremên Demokratîk (DBP) Salîha Aydenîz û Parlementerên HDP’ê Nuran Îmîr, Gulîstan Kiliç Koçyîgit û Erdal Aydemîr jî di 30’ê Mijdarê de serledana Wezareta Edaletê kirin.

Parlementerên HDP’ê bi daxwaza hevdîtina parêzerên wî ya Abdullah Ocalan re di 21’ê Kanûnê de li pêşiya Wezareta Edaletê çalakî lidar xistibûn.