ZEYNEB XELÎF

Dêrazor- Rêberê Gelê Kurd Abdullah Ocalan li dijî paradîgmaa kapîtalîst, otorîter, netewdewletê weke alternatîf paradîgmaya neteweya demokratîk pêşniyar kir. Der barê mijarê de hevseroka Konseya Rêveberiya Sivîl a Dêrazorê Duha Al-Salah nirxandin kir.

Duha Al-Salah da zanîn ku li dijî guherîna demokratîk girîng e paradîgmaya neteweya demokratîk bikeve meriyetê û got: “Paradîgmaya neteweya demokratîk, bingeha rizgariya gelan û gihandina cihên baştir e. Mîrasa dîrokî ya gelan bi vê paradîgmayê dikare bikeve bin temînatê.”

Duha Al-Saleh diyar kir ku ev paradîgma ji bo pêwîstiyên gelê ku di nava şer de ye û hêviyên wan hatiye destpêkirin û got: “Li dijî rêveberiyên din, gel li dora paradîgmaa neteweya demokratîk kom bûne, bi reng, ziman û çanda xwe jiyanê berdewam dikin. Ev proje ji bo parstina destkeftiyên dîrokî yên neteweyan sûdek e, di heman demê de hêzê dide.”  

‘Jin bingeha civakê ne’

Duha Al-Saleh destnîşan kir ku jin bingehên civakê ne û wiha domand: “Jin ji bo pêşxistina civakê ketine rê. Hêzên qirker ji dîrokê ve heta niha di ferqa bandora jinan a li ser civakê de ne û ji ber vê jî her dem jinan dikin hedef. Di dîrokê de em dibînin welatên qirker her dem hewl didin rola jinan vala derbixin û wan tune bikin. Rêber Abdullah Ocalan her dem balê dikşîne ser rola jinan di rêveberiya civakê de, rewşenbîrî û ronesansa siyasî. Jin li vê derê ne tenê dayik in, di her warî de di nava kar û xebatan de ne. Dema em li çeperên şer dinêrin dibînin ku jin gelek bikêrhatî ne û di heman demê de em dibin şahid ku çavkaniya jiyanê ne.”  

‘Ev paradîgma modeleke nû ye’

Seroka Komîteya Jinan ya Konseya Sivîl a Dêrezorê Fatîma Huseyîn bal kişand ser girîngiya vê paradîgmayê û got: “Paradîgmaya neteweya demokratîk li gel modelek nû ye, li hemû welatên cîhanê modeleke mînak e. Xala herî bi hêz a projeyê rola bingehîn digre dest. Li gel vê projeyê di hemû saziyan de û di her qadê de paradîgmaya hevserokatiyê pêk anî. Di dîroka jinan de weke vecinîqînekê em dinirxînin. Jin di aliyê aborî, leşkerî û siyasî de di rewşa pêşketinê de ne. Jin li aliyekî di çeperên şer de gel û civakê diparêzin, li aliyê din jî di her qada jiyanê de rêxistinbûna xwe mezin dikin.” 

Fatîma Huseyîn da zanîn ku paradîgmaya neteweya demokratîk destpêkê hemû Sûriye û Bakur Rojhilatê Sûriyeyê, ji bo Rojhilata Navîn modela çareseriyê ye û got: “Bi paradîgmaya ku ketiye meriyetê, jinên li herêmên Bakur û Rojhilatê Sûriyeyê di kesayeta wan de pêşketinek girîng çêbûye. Jin bê parastin û cihêkar bûn lê belê niha hemû jinên di saziyan de em dibînin ku gihîştine asteke baş û dikarin biryaran didin.”