Navenda Nûçeyan – Partiya Wekhevî û Demokrasiya Gelan (HEDEP) derbarê şewata ku li navçeya Soran a Hewlêrê ya Başûrê Kurdistanê di malekê de derket û di encamê de 14 kesan jiyana xwe ji dest da, daxuyaniyek da. Di daxuyaniya ku li ser hesabê medyaya dîjîtal ya partiyê hat dayîn de wiha hat gotin: "Ji ber şewata ku duh li maleke navçeya Soran a Hewlêrê derket 14 xwendekar û mamosteyan jiyana xwe ji dest dan û 7 xwendekar jî birîndar bûn." 

Di daxuyaniya ku sersaxî ji malbatên kesên jiyana xwe ji dest dane re hat xwestin wiha hat gotin: “Em diyar dikin ku em êşa we parve dikin. Sersaxiyê ji gelê Kurdistanê re dixwazim. Eger di şewatê de lawaziyeke ewlehiyê hebe divê were eşkerekirin û berpirsyar bên dîtin.”