Navenda Nûçeyan- Nobeta Edaletê ku bi pêşengiya Komeleya Alîkariya bi Malbatên Girtiyan re (TUHAY-DER) re bi armanca piştgirîdayîna çalakiya greva birçîbûnê ya ji bo azadiya fizîkî ya Rêberê Gelê Kurd Abdullah Ocalan ku li Girtîgeha Tîpa F a Ewlekariya Bilind a Îmraliyê tê girtin û çareserkirina pirsgirêka Kurd, ji aliyê girtiyên siyasî ve li girtîgehan dest pê kir, di roja xwe ya 9’emîn de ye.

Delegasyona Jinan a Navneteweyî, serdana çalakiya Nobeta Edaletê ya li avahiya Partiya Wekhevî û Demokrasiyê ya Gelan (DEM Partî) a navçeya Rezana Amedê didome, kir. Malbatan, ji heyeta ku daxwazên wan guhdar kirin re, gotin ku ew dixwazin tecrîda li ser Rêberê Gelê Kurd Abdullah Ocalan bê rakirin û aştî pêk were.

‘Ez dixwazin der barê pêvajoyê de agahiyê bigrim’

Li ser navê heyetê jî siyasetmedar Paula Martin Ponz axivî û wiha got: "Em çîrokên girtiyan meraq dikin. Ez dixwazim der barê vê pêvajoyê de û ev tişt çawa derketin holê de agahî bigrim. Tiştekî biçûk be jî em dixwazin bikin.

Di serdanê de malbatan dirûşmên "Bijî berxwedana zindanan" û "Jin jiyan azadî" berz kirin û tilîlî kişandin.