hiqûq

11:38

Hevseroka KCD'ê Leyla Guven der barê gardiyana ku gef lê xwaribû de serlêdana sûc kir.

14:46

Doza ku sê sal berê ji 11 Dayikên Aştiyê û 2 rojnamegerên ku ji ber îfadeya ji bo piştgiriyê bidin Leyla Guven û xizmên xwe yên di greva birçîbûnê de hatibû vekirin, danişîna wê hat dîtin.

13:22

Parêzer Dalia Zachary ku di gelek saziyên pêşxistina civaka sivîl û mafên mirovan de dixebitî, got ku biryara dawî ya li Aswanê û ya berê ya li Şubrayê hêjayî pîrozkirinê ne, ji ber ku wan di pêkanîna qanûna têkçûyî de ji nû ve hêviyê di dosyayên bi vî rengî de zindî kirine.

14:30

Der barê Mertcan Avci yê têkildarî qetilkirina Pinar Gultekîn serbest dihat darizandin de, biryara girtinê hat dayîn. Parêzerê malbata Gultekîn Rêzan Epozdemîr ku biryar nirxand, wiha got: “Ger me pêvajoyê qebûl kiribûya dê îro dosya bi bersûcek bihata meşandin. Di rewşa heyî de veguherî darazîndina 6 bersûcan.”

12:41

Komeleya Ciwanan a ku di sala 2011'an de hat avakirin û li gelek bajarên Tûnisê xebatên xwe dimeşîne, bi ciwanên 13-18 salî re eleqedar dibe. Ew xebatên li ser pêşketina şiyanên wan ên çandî û fizîkî dike da ku bibin parêzvanên doza xwe.

09:14

Li Mexribê quraleke di qanûna Malbatê de hatiye destnîşan kirin ku mîrasgirên jin ên ku hevjînên wan jiyana xwe ji dest dane, mecbûr dike ku mal û milkê xwe bi xizmên hevjînê xwe re par bikin. Ji ber vê yekê jî tevgerên femînîst vê yekê di derheqê jinan de weki neheqî dinirxînin ku nirxên jinan di nav civakê de kêm dike.

09:03

Komeleya Jinên Demokratîk a Tûnisê bang kir ku darizandinên bêserûber û sûcên sexte yên li dijî çalakvana mafên mirovan Turkiya El-Şayibî û jinên cotkar ên xwepêşandanê li Silyana, kirine bi dawî bibin.

08:45

Parêzer Berfîn Polat bal kişand ku li Tirkiyeyê mirina jinan a di bin navê 'întiharê’ de baş û rast nayê lêkolînkirin, diyar kir ku di bûyerên wekî întihar hatine nîşandan de, kiryarên ku weke gumanbar nehatine dîtin û binçavkirin, dikarin bi tunekirina delîlan bûyerê di lehiya xwe de biguherînin û rastiyê veşêrjin. Berfîn Polat got: “Mijar çi dibe bila bibe, cihê ku em lê digerin û careke din dibînin dîsa Peymana Stenbolê û qanûna bi hejmara 6284’an e.”

09:58

Ji Baroya Amedê Hatîce Demîr bertek nîşanî rapora "dikare di girtîgehê de bimîne" ku Saziya Tiba Edlî (ATK) ji bo siyasetmedara Kurd Aysel Tûglûk a teşhîsa nexweşiya demansê danîne ser amade kir da, diyar kir ku di raporê de di îdianameya derbarê Aysel Tugluk de dirêj cih nedayîn sî avêtina ser zanista raporê ye û balkişand ku sedema rewşa bingehîn ya vê jî nasnameya siyasî ya Aysel Tugluk e.

09:53

Cezayê li xwediyê marketê Mehmet Şîrîn Bîngol ê ku li Amedê du salan îstîsmara zayendî li dijî zarokan kiribû, ji aliyê Dadgeha Bilind ve bi hinceta "Gotinên zarokan bi nakok in" ve hat betalkirin. Danişîna doza ku ji nû ve hat vekirin dê di 31'ê Adarê de li 3'yemîn Dadgeha Cezayê Giran a Amedê bê dîtin.

08:54

Bi dehan herêmên Cezayîrê hene ku hê jî jin ji mafên xwe yên rewa yên weke mîras bêpar mane, di bin navê urf û edetan de hejmarek mezin ji wan mîrateyên jinan di kategoriya tabûyan de bi nav dikin û divê qet ji nîqaşan re neyê vekirin. Ev yek jî dibe sedema nakokiyên malbatî û heta nakokiyên kolektîf û dibe sedema kuştinê jî.

08:47

Parêzera OHD'ê Seda Zengîn diyar kir ku mirina girtiyên nexweş ku roj bi roj li girtîgehan zêde dibe di wijdanê civakê de birînên kûr vedike, bal kişand ku her çend di nava qanûnê de cih digre jî girtiyên nexweş heta rojen xwe yên dawî nayên berdan. Seda Zengîn diyar kir ku girtiyên nexweş bi raporên dozgerî, nexweşxane û ATK'ê mehkûmê mirinê dimînin.

14:59

Doza di derheqê Emîne Şenyaşar de bi hinceta heqaret li parlamenterê AKP’ê Îbrahîm Halîl Yildiz kiriye hatibû vekirin bi encamp bû û cezayê pêre li Emîne hat birîn.

09:51

Parlementerên û rêxistinên jinan ên herêma Başûrê Kurdistanê hewil didin yasaya pêşîlêgirtina tundîtujiya beramberî malabatan ji nû ve were sererastkirin.

09:54

Lêpirsîna der barê rojnameger Sedef Kabaş a ku ji ber gotinên di bernameyeke televîzyonê ku beşdar bûyî de bi îdiaya "heqaret li Serokomar kiriye" hat girtin, temam bû. Ji bo rojnameger Sedef Kabaş giştî 11 sal û 8 meh cezayê girtîgehê hate xwestin.

09:49

Dayikên Aştiyê û xizmên wan ên ku ji bo qebûlkirina daxwazên grevên birçîbûnê yên di Mijdara 2018’an de li girtîgehan hat destpêkirin û di Gulana 2019’an de bi dawî bûn, çalakiya rûniştinê li dar dixistin, di çalakiya xwe de gelek caran rastî lêdan û heqaretan hatin. Dayikên ku hatin derbkirin, di vê pêvojeyê de çûn dozgeriyê û serlêdana sûc kirin. Dema ku walîtiyê bi hinceta "sûc nayê dîtin" destûr neda lêpirsînê, Dadgeha Îstînafê ya ku parêzeran serî lê dabûn jî heman biryarê girt. Parêzer dê vê carê serî li Dadgeha Destûra Bingehîn bidin.

08:47

Parêzvanên mafê mirovan ên Yemenê nerazîbûn nîşanî bûyera li parêzgeha El-Dhale ya li gundê Lakma Laşûb dan ku mêrek kujer ê ji hevjîna xwe acizbûyî zaroka xwe ya biçûk qetilkir dan gotin: “Pêdivî bi nûkirina zagona parêzvaniya zarokan û li gorî wê jî şiyariya welatiyan heye.”

11:40

Danişîna Hevseroka KCD'ê Leyla Guven a li Girtîgeha Jinan a Xarpêtê girtî ye, hat dîtin. Dema ku Leyla Guven di danişînê de hîn bû der barê wê de îdianameyeke nû tê amadekirin, parêzerê wê ji bo parastinê dem xwest. Danişîn taloqî 11’ê Nîsanê hate kirin.

08:26

Dadgeha Mexribê biryara taloqkirin doza zaroka keç Xedîce ya rastî îşkence û destdirêjiya komî hatî ku li ser medyayê bi navê "keça deqdayî" tê nasîn da. Di dozê de 15 kes sûcdarin ji wan 12 kes bi sûcê destdirêjî, revandin û bazirganiya mirovan tewanbarin.

11:32

Întîsar El-Saîd, parêzera ku piştgiriya mafên jinan dike û di serokatiya Lijneya Rêveber a Weqfa Pêşketin û Qanûnê ya Qahîreyê de ye, di wê baweriyê de ye ku diyardeya sinetkirinê bi kûrahî di giyanan de ye û bi rêjeyek mezin bi mîrateya çandî ya gelêrî û hin têgînên şaş ve girêdayî ye û dide zanîn ku yek ji qeyranên mezin ku ber bi sinetkirina jinan ve dibe, girêdana bi têgînên pakî, namûs û exlaq ve ye.