civak/jiyan

11:34

Jinên kedkarên Helepçe di roja 8’ê Adarê de daxwaz ji jinan dikin ku di têkoşîna xwe ya ji bo bi destxistina mafê xwe de berdewam bikin û rê nedin mafê jinê were binpê kirin.

11:56

Di konferansa rêxistinên navxwyî û Hevbendiya Amal a navbera herêmên Filistînê Ramallah û Xezayê de hatî lidarxistin de jinên ji welatên cuda tecrubeyên xwe par kirin û dan zanîn ku ji bo lezkirina derxistina zagona parastina malbatê ji tundutujiyê li Filistînê daxwaz zêde dibin.

09:51

Ebîr Hemdî diyar kir ku rewş berê gelek xerabtir bû lewma axaftina li ser roja jinên cîhanê ji bo gelek kesan bû cihê tinazê lê niha rewş bi pêş ketiye û nirxek zêde ji bo jinan heye. Her wiha ew dibîne ku psîkolojiya civakê tundtir bûye, ev yek li dijî hewldanên kêmkirina rewşa tundutujiyê ye, ji ber ku ew ziman heta radeyek mezin serdest bûye. Çanda baviksalarî jî roleke xwe ya girîng di bandorkirina neyînî ya rastî de li ser pirsgirêkên jinan dilîze.

09:39

Leyla El-Ewjalî dirûşma xwe ya “Na ji piran re” di her komcivîn û her şahiyê de dianî ziman. Ew ji wan kesên ku mirovên xwedî hewcedariyên taybetî ji bo xwe wekî pirek bidestxistina destkeftiyên madî yan manewî ji bo xwe yan rêxistina ku tê de kar dikin dibînin nefret dike. Piştî çar komcivînan, Leyla El-Ewjalî "Na ji Piran re" weke dirûşma xwe hilbijart û navê wê li rêxistineke ku wê damezirandiye ji bo xizmeta kesên xwedî pêdiviyên taybet danî.

08:34

Jinên Xezayê însiyatîfa bi navê "Difei" ji bo çêkirina cilên orlon û belavkirina wan li malbatên xizan, zarokên nexweşên penceşêrê û Komeleya Kesên Temenê wan Mezin ava kirin da ku kêfxweşiyê bixin dilê wan.

09:59

Endama Desteya Damezrandina Pirojeya “Jin jiyane nekujin” Kejal Abdulqadir têkildarî kuştinên jinan ên her roja diçe li Başûrê Kurdistanê zêde dibe got: “Di dema xebata ji bo pirsa jinê de pêwistî bi azadî, yekrêzî û yek dengiya jinan heye. Ne tenê çalakî divê ji ber kuştina jinekê tenê, hemû jin dakevin qadan û daxwaza azadiyê bikin. Li herêma Kurdistanê tû tiştek nabe sembol, diviyabû dema Sêwan bi zarokên xwe ve hatî şewitandin jin dabiketan qadan.”

13:02

Li Idlibê, ji ber zehmetî û kêmbûna lênêrîn û paşguhkirinê, kategoriya zarokên astengdar êşên mezin dikşînin. Ji ber vê rewşê hejmarek jin û mêrên li Idlibê bi armanca pêşkêşkirina karûbaren bijîşkî û dermankirina fizîkî ji bo vê kategoriya paşguhkirî, di 13'ê Îlona 2021'ê de dest bi kampanyayeke bi navê "Lemset Şîfa" kiribûn. Ev kampanya heta roja îro jî didome her wiha cara yekem e ku ev kampanye li herêmê tê destpêkirin.

08:51

Dayika sê zarokan Barîn Hecî ya 30 salî ku di temenê 20 salî de bi mêrek deh salan ji xwe mezintir re zewiciye û gelek zorî dîtiye da zanîn ku bi nasîna Mala Jinê re jiyana wê guherî û got: “Wesiyeta min ew e ku rojekê tiştek bi min bê, cenazeyê min li Jinwarê veşêrin. Ji ber ku min li vir his kir ku ez dijîm û ez hebûnek im. Min li vir zanî ka heskirin û jiyana bi hev re çi ye, min li vir dît ku jin bi qedir û qîmet e.”

08:25

Navenda Lêkolîn, Şêwirmendiya Hiqûqî û Parastina Jinan a Xezayê di çarçoveya projeya "Kar di navbera herdu zayendan de bê cudakarî" kampanyayek ji bo perwerdekirina jinan li ser xetereyên şantajên zayendî da destpêkirin.

08:02

Rêvebera Ofîsa Jinan di Meclisa Sûriyeya Demokratîk de Necla Hemza li ser rola jinên Ereb di şoreşa Rojava de axivî û wiha got: "Tevî asta zanebûna jinên Ereb, ew her dem ji aliyê civaka xwe ve dihatin înkarkirin. Jinên Ereb li kêleka jinên Kurd xwe îsbat kirin. Di roja me ya îro de em dibînin ku jinên Ereb cihê xwe di hemû qadan de digrin. Jinên Ereb nema weke berê tiştan li ser xwe qebûl dikin ji ber êdî bi mafê xwe dizanin. Gelek jinên Ereb ji bo parastina xaka xwe canê xwe feda kirine û destanên dîrokî bi xwîna xwe nîvisandine."

14:53

Dayikên Şemiyê vê hefteyê ji bo aqûbeta xwendekarê zanîngehê Cuneyt Aydinlar ê 28 sal berê hat windakirin û doza wî ji ber demborî hat girtin, hatin cem hev. Dayika Cuneyt Menekşe Aydinlar di çalakiyê de wiha got: “Em, edaletê dixwazin. Çi bi kurê min kiribin bila bê eşkerekirin.”

08:34

Tundiya li dijî jinan bi hemû şêwe û cureyên xwe, tawaneke hovane û binpêkirineke eşkere ye, ev yek jinan ji mafên wan bêpar dike, azadiya û beşdarbûna wan a di civakê de sînordar dike. Beşek ji tundiyê bêguman a zayendî ye ku li herêma Xezayê pir belav bûye û li ser vê mijarê axaftin û nîqaşkirin pir kêm e ji ber bêdengiya piraniya jinên ku rastî tundiya zayendî hatine.

09:17

Li kampên penaberan ên Idlibê zarokên keç li ser daxwaz û li hev kirina malbatê bi lawê ap û xizan re tên zewicandin, ev yek dibe sedema zêdebûna zarokên astengdar ên ji ber zewaca xizman ji dayikbûnê seqet tên diniyayê.

08:41

Jinên Tûnisî di piraniya qonaxên siyasî, civakî, rewşenbîrî û têkoşîna jiyanê de hebûnek çalak nîşan dane. Bi têkoşîna zayendî re weke her qadê cihê xwe diqada lêkolînên zanistî de jî girtin û li gorî daneyan ji sedî 55 lêkolînerên Tûnisî jin in.

07:54

Rêvebera Meclisa Jinên Sûriyeyê Heyfa Hesen li ser 8'ê Adarê û rewşa jinan di herêmên dagirkirî de axivî û wiha got: “Ev roj ji bo jinan rojeke pîroz e û xwedî wateyek pir cuda ye. Lê di herêmên dagirkirî de kiryarên herî qirêj li ser jinan tê kirin û hewl didin jinan bê rol û sînordar bikin û fikra DAIŞ'ê belav bikin. Jinên ku di herêmên dagirkirî de ne roja 8'ê Adarê ji bo wan tune ye û jiyana wan hatiye tarîkirin."

13:11

Dema ku çeteyên DAIŞ'ê gundewarên rojhilatê Dêrazorê Bakur û Rorjhilatê Sûriyeyê kontrol kirin, dest bi sepandina kontrol û pêdiviyên xwe li ser gelê herêmê kirin, gelek şêniyên herêmê jî dîl hatin girtin, jinan êş û azarên mezin dîtin, dayik û hevjînên windayan diyar kirin ku piştî nemana DAIŞ'ê jî êşên wan didomin.

09:12

Feryal El-Mexrabî bal kişand ser tundiya li ser bingeha zayendî ku dikare gelek kategoriyan bigire nav xwe û wiha got: "Me bi taybetî girîngî da ser jinan, ji ber ku ew jinên herî mexdûr in ji tundutujiyê û lêkolînê zêdetirî 100 jin di nav komên baldariyê de ji bilî anketek serhêl a li ser 300 jin girt nav xwe yanî bi giştî nêzî 400 jin. Di nêzîkatiya me ya li hemberî jinan de, em hewl didin şîdet û cureyên wê pênase bikin.”

10:19

Bûyerên qetilkirina jinan bi awayekî hovane didomin. Şinyar jî yek ji wan jinan e ku ji aliyê hevjînê xwe ve ji sedî 85’ê bedena wê hatiye şewitandin. Parêzera bajarê Silêmaniyê Rojgar Îrahîm dibêje bûyera Şinyarê dubarebûna bûyera Sêwanek din e. endama RJAK’ê Jinû Reşîd bang li rêxistinên jinan kir ku li hemberî tewanên wisa dijmirovane bêdeng nemînin.

07:55

Der barê feydeyên kivarkan û çawaniya cudakirina cureyên wan de, pispora xwarinê Dalia Hac Humêdan da zanîn ku kivark wek xwarineke kêmkalorî, çavkaniyeke baş a fîber û proteîn û dewlemend e bi potasyûm û vîtamîna B tê hesibandin û wiha berdewam kir: "Ew bergiriya bedenê zêde dike û pêşî li nexweşiyên bêhnê digre. Her wiha şiyana wê heye ku li dijî penceşêrê şer bike û şaneyên anormal di bedenê de têk bibe.”

07:51

Endama desteya rêveber a kombûna Jinên Zenobiya li Bakur û Rojhilatê Sûriyeyê Şehrezad El-Casim pişterast kir ku projeya Rêveberiya xweser projeyek niştimanî ye ku yekitiya xaka Sûriyeyê dixe bin temînatê, aştiyê pêk tîne, îradeya hemû beş û pêkhateyan temsîl dike û teqez kir ku hevgirtina gel a bi Rêveberiya xweser û Hêzên Sûriyeya Demokratîk re hemû komployan pêç dike.