civak/jiyan

08:15

Hêzên Ewlekariya Hundirîn Jin ango Asayîşa Jin ku prensîba “jiyana azad û pêkanîna edaleta civakî” ji xwe re esas digre, hewl dide jinên Bakur û Rojhilatê Sûriyeyê ji her cure tundiyê biparêze. Her wiha ji ber şert û mercên dijwar ên li herêmê, ewlekarî û aramiyê ji wan re peyda bike.

11:51

Zeyneb El-Gûnêmî şêwirmenda hiqûqî û lêkolîner e ku di Wezareta Kar a Filistînê de wek Rêvebera Giştî ya Karûbaran kar kiriye, di warê têkiliyên navneteweyî de jî kar kiriye û endama Meclisa Îdarî ya Yekitiya Giştî ya Jinên Filistînî ye. Piştre di sala 2006'an de wek lîsteyeke serbixwe tevli hilbijartinên qanûnî yên Filistînê bû, piştre bi avakirina Navenda Lêkolîn û Şêwirmendiya Zagonî ya Jinan, xebatên xwe yên di karên hikûmetê de bi dawî kir.

08:28

Li Idlibê jinên temenê wan mezin di nava koçberî, windakirin û bê ewlehiyê de ne. Gelek ji wan zarokên wan hatine kuştin, gelek ji wan hevserên wan. Tevî êşa ku ji ber koçberiyê dijîn, xemgîniya derketina ji war û malên xwe, mercên xirabtirîn ên madî û manewî jî; jiyanê li wan herimandiye û di nava bêçariyê de hewl didin rojên xwe biborînin.

08:19

Li berpesarên Çiyayê Hîmalayan yek ji şopên çanda kevnare ku zarokek keç weke sembola xudawendiyê hildibijêrin. Sedema hilbijatina zaroka keç ew e ku li gor baweriya wan jiyan ji malzaroka jinê çêdibe.

08:00

Madlên Şêx Xidir Berdevka rehenda qada civakî ya herêma Firatê, behsa xebatên jinan di nava Rêxistina Kongrera Star de kir û wiha got: "Pêkhateyên jinan ên rêxistinkirî di biniya Kongreya Star de li gorî rêgezên konfederalîzma demokratîk dixebitin. Di rehendên bîrdozî, rêxistinî, siyasî, parastina rewa û mijarên stratejîk de biryarên hevbeş werdigre û dixe meryetê."

10:43

Li Misrê şideta li beramberî jinê çi bi devukî çi bi fizîkî zêde bûye, Şêwirmenda Têkiliyên Malbatê Nadiya Cemal bi bîr xist ku armanca wan ewe bi xebatên perwerdê hişmendiyê biguherin û civakek bi tendurist ava bikin.

10:38

Parêzvana mafê jinan û endama damezrîner a Înîsiyatîfa Harass Tracker a bi boneya parêzvaniya mafê jinan hatî vekirin Nay EL-Raaî li ser tiştên ku di Yasaya Lubnanê ya têkildarî tacîzê de hatiye gotin nirxandinên giring kir û got: “Di van demên dawiyê de jinan ji hev cesaret girtin û gelek bûyerên tacîzê derxistin. Herî zêde jî piştî Haştaga ‘Tacizkar eşkere bike’ gilî tên ber destê me û bi qasî ji destê me tê dibin alîkar.”

07:59

Seroka Desteya Jin a Herêma Firat’ê Cîhan Derwîş destnîşan kir ku di nava civîna salane de gelek piroje û xalên girîng hatin nirxandin û wiha got: "Projeya herî girîng ya em li ser rawestiyane, vekirina navenda derunî û mala parastinê ya jinan bû, bi van projeyan dê rewşa jinan a aborî û derunî ber bi başbûnê ve biçe."

09:13

Der barê Komeleya Horiya ya Jinên Cezayîrî de seroka wê Atîqa Herîşan ji ajansa me re axivî û got: "Komeleya Horiya ya Jinên Cezayîrê yek ji komeleyên jinên Cezayîrê ye ku bi pirsgirêkên jinan, malbat û civakê re têkildar e. Di sala 2013'an de ji aliyê komek ji rêveberên jin ên ku di saziyên xwendekar ên berê de xwedî tecrubeyên komeleyê û xebatên xwe bûn ve, hat avakirin.”

08:41

Ji ber şer û pevçûnên ku bi salan e li Sûriyeyê didomin, bi sedhezaran mirov ji cih û warê xwe bûne. Zarokên ku tu wateyê nadin vê rewşê, di ser de bi barên herî giran re rûbirû dimînin. Zarokan ku ji neçarî dixebitin di dema xebata xwe ya li atolyeyê de neçar dibin barên giran ên hesin, gule û fuzeyan hilgirin. Ev bar li gorî bedena wan a biçûk nîn e, li gorî bedena mezinan e lê zarok bi lawaziya bedena xwe neçarî barên giran dibin, digel xebata li ser paqijkirina depoyê, veqetandina hesin û barkirina wesayîdan.

08:14

Yekitiya komîteyên jinên Filistînê bi armanca gihîştina civakeke demokratîk û dûrî hemû cureyên tundiya li dijî jinan, dixebite û her wiha xizmet û piştgiriyê ji bo jinên paşghuhkirî, xizan û yên ku rastî tundûtûjiyê hatine pêşkêş dike, di heman demê de yekitî ji bo pêşkêşkirina alîkariya ji bo zarokan jî dixebite.

08:32

Fatime Nezîr der barê jiyana xwe ya li gundan û rewşa çandiniya li gund de got: “Ji dema ku min çavên xwe li dinê vekiriye ve ez li gundan dijîm û rojekê jî nefikirîme biçim li bajaran bijîm. Ji ber ku gund xweza, ked û mirov hevpar in û di nava ahengekê de hev temam dikin. Gundê me pir xweş e, jiyana me hêsan û dilnizm e. Li gundan jiyan weke fêkiyên salê yên gihîştî ye her diçe bitam û bedew dibe. Di gundê me de hemû jin çandiniyê dikin û di pîvanên wê de pispor in. Bi xwe du bexçeyên min hene dema ez yekî diçînim, axa yê din rehet dikim ev jî yek ji rêbazên qîmetdayina axê ye.”

08:33

Endama Serdozgeriya Giştî ya Dadgeha Kobanê Ilham Silêman, behsa dozên jinan û pirsgirêkên ku rojane di nava civakê de diqewimin sedemên wan çine û wê çawa bê çareserkirin kir û wiha got: "Bi rêka zagonên em hewl didin ku hemû pirsgirêkan çareser bikin, lê divê em bi wijdan û exlaqî van pirsgirêkan çareserbikin."

10:02

Weqfa Adwar ku 11 sal e bi xebatên xwe hewl dide rewşa jinan di warê civakî, aborî û siyasî de baştir bike; di sala 2022'an de jî dê hewl bide bernameyên xwe bi pêş bixe da ku hemû qadan bigre nava xwe.

09:36

Zaroka bi navê Nahla Osman a 6 salî ji aliyê bavê xwe ve bi rojan di qefeseke hesinî de bê nan û vexwarin hatibû hiştin, jiyana xwe ji dest da. Ji bo ku tolê ji dayika wê ya ku daxwaza hevberdanê kiribû û çûbû, her dem îşkence li zarok dikir û ji ber wan îşkenceyan gelek nexweşî pê re çêbûbûn.

07:57

Jinên gundê Girkê Selma yê girêdayî bajarê Dêrikê ye dibêjin ku jiyana gundan komînal û xwezayî ye û ji jiyana bajaran xweştir e. Jinan destnîşan kirin ku girêdana wan bi gundê wan ve heye û rojeke jiyana li gund nadin bi sed rojên li bajaran.

09:18

Di nava hêzên Meclisa Leşkerî ya Minbicê de, gelek çîrokên jinan ên ji pêkhate û zimanên cuda, bi armanca hevpar a rizgarkirina jinan ji zîhniyeta civakê û parastina xakê ji êrîş û komployan hatin berhevkirin.

09:04

Cemîla Ebdellah a ku tevî malbata xwe li gundê Şêx Elî dijiya, neçar dimîne ku ji ber êrîşên dijwar yê dewleta tirk a dagirker ji gund derkeve û li gundê Til Şinan di konekî de bijî. Cemîla behsa rêwîtiya koçberiya xwe kir û da zanîn ku were xwestin wê di cihê mirîşkan de jî bijî lê tenê li ser axa xwe û di gundê xwe de be.

08:19

Yekitiya jinan di hemû waran de û di warê siyasî de jî roleke sereke di bihêzkirin û piştgirîdayîna jinan de dilîze ji ber ku sîwanek e û bingehek ji wan re peyda dike ku zanyarî û hişyariyê dide wan û siyasetên giştî yên girêdayî jinan di civakê de pêk tîne. Her wiha yekitî ji ber ku rêxistin û saziyên jinan di nav xwe de dihewîne, bingehek mezin ji hewcedariyên jinan re ava dike.

08:16

Li Bakurê Sûrî ya ku rojane bûyerên revandin û wendakirinê diqewimin, her diçe zêdetir dibe. Ji ber şert û mercên şer û bê ewlehiya ku li herêmê tê jiyîn, gelek jin û zarok tên revandin ji ber mercên zor jiyana xwe ji dest didin.