civak/jiyan

12:44

Komcivîna ku ji aliyê Saziya Jina Nû ve hatiye sazkirin, armanc ew bû ku awayê zextê ji bo rêgirtina li vê diyardeyê bi riya qanûnek bergiriyê were sepandin ku di encama nîqaşa li ser awayê herî baş ji bo sûcdarkirina kiryarên bi vî rengî derketiye. Bi taybetî rewşa dê ûb avan di nav komên ku dê bên cezakirin de zehmetiya meseleyê zêde dike û pêwîstî bi hizirkirina li ser riyan sepandin û cîbicîkirina zagonan heye.

08:48

Pispora civakî Selma El-Qusra ya 34 salî ya ji bajarê Idlibê, li ser sedemên ku malbatên li Idlibê zarokên xwe yên keç dizewicînin, wiha dibêje: "Gelek sedem hene ku dibin sedema zewaca di temenê biçûk de, xizanî yek ji wan sedemên herî gelemperî ye ku dihêle malbat razî bibin keçên xwe di temenê biçûk de bizewicînin da ku barê aborî ji ser wan kêm bibe. Digel bêkarî, paşketina aborî û qeyranên li pey hev û xwesteka rizgarbûna ji hin baran.”

07:58

Endama Koordînasyona Yekitiya Jinên Êzidî Hediya Şemo rewşa Êzidiyên Serêkaniyê û binpêkirinên li ser mafên wan pêk hatine nirxand û da xuyakirin ku divê ew çeteyên sûc li dijî goristanan kirine û zirar dane gundên Êzidiyan di dadgeheke navdewletî de werin cezakirin.

14:37

Gundê Eseliyê yê ku dikeve rojavayê Minbicê gundekî Kurdan e lê ji ber polîtîkayên Erebkirinê û kiryarên rejîmê nêzî nîvê nifûsa wê Kurd nizanin bi zimanê xwe yê dayikê biaxivin. Hinek ji jinên wî gundî zimanê xwe yê dayikê parastin û zarok û neviyên wan bi zimanê xwe yê resen diaxivin.

13:09

Her çendî li herêma Kurdistanê xwendekarên ku zanîngeh temam kirine û nayên tayînkirin bêhêvî bûne jî; hemû ciwan hewl didin bi xwe karek bikin û bibin xwedî pîşeya xwe.

13:05

Zagonên Cezayîrê destnîşan dikin ku zarokên sêwî heta 19 saliya xwe li navend û saziyên zarokan ji bo alîkariya yekem dimînin û yekser piştî wê sêwî dikeve hembêza jiyanê, yan digihîje asteke baş û bawernameya herî bilind digre. Yan jî nasnameya wan a winda pêşeroja wan dorpêç dike û xeyalên wan dişkîne.

08:16

Rêvebera navenda Cîhana Zaroktiyê ya zarokên xwedî pêdiviyên taybet Şîrîn Elî eşkere kir ku navend ji bo alîkarî û dermankirina zarokên xwedî pêdiviyên taybet hatiye vekirin, ji bo ku ji wan re warekî baş ava bike. Her wiha hêvî ji malbat û civakê kir ku bi wan re bibe alîkar ji ber ku rewşa wan hesas e û baldarî ji bo wan girîng e.

13:41

Ji Dayikên Şemiyê dayika Mûrat Yildiz, Hanîfe Yildiz a 27 sal in li kurê xwe digere careke dinê pirsa kurê xwe kir û got: “Ez hem bi hesreta kurê xwe me hem jî bi hesreta tunebûna gora wî mam.”

11:36

Mûna El-Qendeh ya ku li kampa penaberan a Dêr Hesan a Idlibê dimîne, tevî derfetên xwe yên kêm, destê alîkariyê dirêjî hewcedarên kampê dike û niştecihên kampê wê weke dayika giyanî ya belengaz û muxtara kampê binav dikin.

08:36

Di nava van çend salên şer de li Iraqê nexweşî û kêmendamiya fizîkî pir belav bûye, bi taybetî di zarokên ku di demên şer de dayik bûne. Amanî Mihemed jî yek ji wan zarokan e ku dema hatiye dinyayê kêmendam bûye û niha jî ew jineke ciwan a 23 salî ye. Amanî Mihemed bi hêvî, xweşbînî û îsrar li hemberî zehmetiyên jiyanê disekine.

08:45

Seroka Komeleya Amal û Karama Delîla Hoceyla da zanîn ku ew ji bo jinan di warê aboriyê de bixin nava lêhurbûnê perwerde dikin û got: "Ji 5 welatên cuda me jin di dewreyên perwerdê yên pirojeyên aboriyê de gihandin hev."

08:13

Hevseroka meclisa Ermen a Kantona Hesekê û Endama Komîteya reşnivîsa Hevpeymana Civakî a Bakûr û Rojhilatê Sûriyê Erîv Qesebiyan da zanîn ku Hevpeymana Civakî dê gelê Ermen jî weke hemû gelên dinê yên li ser vê erdnîgariyê ji komkojî, qetilkirin û helandina çandî û dîrokî biparêz e û got: "Me hem meclisa xwe avakiriye û dibiniya wê de xwe rêxistin kiriye, hem jî di aliyê parastinê de hêza me heye dibiniya QSD’ê de xwe rêxistin kiriye. Ev mîsogeriya wê yekê ye ku carekdin emê desturê nedin komkujiyan û li hemberî helandinê parastinê bikin."

09:16

Bi xirabûna rewşa aborî ya Iraqê û rewşa xirab a tendirustiyê êş û zehmetiyên jinên ku hevjînên wan jiyana xwe ji dest dane û zarokên sêwî mane, zêdetirîn bûye.

08:37

Li Xezayê bernameya xwendin û nivîsandinê ya di bin sîwana Komeleye Lênêrîna Kesên Temenê wan Mezin de hatiye aktîfkirin, ji aliyê jinên temenê wan mezin ve rastî eleqeyek pir mezin tê.

10:57

Di nav sê salên dawî de li Mexribê hejmara mexdûrên bazirganiya mirovan pir zêde bûye ku ji sedî 48 ji nav mexdûran kesên temen biçûk in, hejmara jinan gihîştiye 305’an ji wan 192 temen biçûkin û 213 mezinin.

15:09

Kampanyeya “Navê min navê dayika min e” ya ku sala 2018’an hatî despêkirin û niha ji aliyê rêxistina Xelk û Geşepêdanan ve bi xebtên nû tê mezin kirin heta niha ji aliyê 27 parlementer û kesayetên naskirî ve hatiye îmzekirin.

11:27

Rêxistina Jinên Ereb dest ji xebatên xwe yên lêkolînê bernedaye, berovajî ew girîngiyeke mezin dide wê, bi taybetî di sala borî de, xebateke lêkolînî ya mezin ku di navbera pirtûkên zanistî, lêkolîn û gotarên siyasî yên giştî de li ser jinan cuda bû, pêk anî.

07:54

Endama Komîteya Hevpeymana Civakî ya Bakur û Rojhilatê Sûriyê parêzer Beşîra Ismaîl da zanîn di dîrokê de cara yekemîne gel bi vîna xwe li ser hevpeyîmana civakî nîqaş dikin û pêşeroja xwe diyar dikin lewma hevpeymana civakî ya Bakûr û Rojhilatê Sûriyeyê wekî serkeftina dîrokî û pêkanîna mafê hemû pêkhateyên herêmê pênase dike.

10:48

Têkildarî têkiliya bi saziyê re, Hamsa Kerîm got: “Di destpêkê de me dît ku têkiliya bi çalakiyên bi vî rengî re dibe ku koma ciwan an jî civak ji bo guhertina jiyana xwe bi kêrhatî nebînin lê hêdî hêdî baweriyek bi ramanê çêbû. Divê em van salên dawî ji bîr nekin ku ji aliyê ciwanan ve li ser çand û pirtûkan baldarî heye û ev jî ji bo serkeftina kampanyayên me faktoreke girîng e.”

09:20

Der barê girîngiya zimanê ragihandinê di jiyana me ya rojane de û di warê kar de, Leyla Şems El-Dîn wiha dibêje: "Zimanê bedenê ji bo hemû mirovan, ji bo xwendekarên zanîngehê, ji bo endamên malbatê yên di heman malê de û di warê kar û têkiliyên civakî de girîng e. Gelek enstîtuyên ku bi vî zimanî tên perwerdekirin hene lê mixabin di materyalên perwerdeyê de tune ne. Gelo çima zimanê bedenê di materyalên perwerdeyê ya xwendekarên dibistana navîn de cih nagire, yan jî çima di hemû materyalên seretayî yên zanîngehê de cih nagire?”