ژیان

11:23

پیشەی چنینی خوری یەکێکە لەو پیشانەی کەلەپووری کۆن کە هێشتا ژنان لە دەشتەکانی ڕۆژهەڵاتی دێرەزۆر پێوەی پابەندن.

07:29

ژنانی چالاکوان نیگەرانن لە بڕیارەکەی دادگای باڵای فیدڕاڵی عێراق و بە پێشێلکردنی مافەکانی ژنان لە قەڵەمی دەدەن، هەروەها دەشڵێن: بڕیارەکەی دادگای فیدراڵی ئەجێندای سیاسی لە پشتە.

10:24

ل.ن. یەکێک لە خوێندکارە دەرکراوەکانی زانکۆی کابول، باس لەوە دەکات کە چۆن کچانی بەشەناوخۆییەکان ژەهراوی کراون و دەرکراون بەهۆی ناڕەزایەتی دەربڕین بەرامبەر بە کۆمەڵکوژی ناوەندی پەروەردەیی کاج.

10:03

فاتمە ئەلعەلی، کە بەهۆی هێرشی داگیرکاریەوە لە گوندەکەیان لە سەرێکانی کۆچی کردووە، لە دژی هێرشەکانی دەوڵەتی تورک دەڵێت، "بۆ ئەوەی منداڵەکانم بێ خاک نەژین، ئاستی تێکۆشانی خۆم بەرز دەکەمەوە".

07:28

سەرەڕای هەبوونی جیاوازی ئاستی ئابووری، بەهۆی کەمتەرخەمی لە قوتابخانە حکومییەکاندا خێزانەکان منداڵەکانیان دەنێرن بۆ قوتابخانە ناحکومییەکان، ئەوەش وایکردووە جیاوازی چینایەتی زیاتر بێت.

08:29

دابونەریت و زاڵبوونی ئەقڵیەتی پیاوسالاری لە گەرمیان وایکردووە توندوتیژی بەرامبەر بە ژنان ڕوو لە زیادبوون بکات لە چاو ڕابردوودا.

07:25

خاوەن پێداویستی تایبەت هەرچەندە بەشێکن لە کۆمەڵگە، بەڵام ئاستی هۆشیاری تاک نەگەیشتووەتە ئەو ئاستەی هۆشیارانە مامەڵەیان لەگەڵ بکەن، ساڤەش داوا دەکات ژنانی خاوەن پێداویستی گوێ بە هیچ نەدەن و تەنها چاویان لەسەر ئامانجەکەیان بێت.

09:29

کێشەی ئابووری، کۆمەڵایەتی، بەزۆر بەشودان و گاڵتە پێکردن لەلایەن کۆمەڵگەوە وایکردووە ژنان خۆیان بسوتێنن و چیرۆکی خۆسوتاندنی ژنان زیاد بکات.

09:03

ژنانی کانتۆنی شەهبا کۆمەڵکوژی منداڵانی تەل ڕەفعەت لە باکور و ڕۆژهەڵاتی سوریایان لەبیرە، کە لە ئەنجامی بۆردومانەکانی داگیرکەری تورکیا لە ساڵی ٢٠١٩.

08:03

ئەقڵیەتی پیاو سالاری، کێشەی کۆمەڵایەتی، ئابووی، دەروونی و نەبوونی هۆشیاری وای کردووە خۆسوتاندنی ژنان زیاد بکات و ببێتە نەریتێک، کە نەک کێشەکان چارەسەر ناکات بەڵکو قوڵتری دەکاتەوە.

07:26

بە بەراورد بە ساڵانی ڕابردوو تەماشاکردنی درامای تورکی کەمبووەتەوە، بەشێک لە هاوڵاتیان هۆشیاریان لە بارەیەوە هەیە و دەزانن کاریگەری نەرێنی دەخاتە سەر ژینگە و خێزانەکانیان.

08:44

زاڵبوونی ئەقڵیەتی پیاوسالاری، کولتووری کۆمەڵگە و سزا نەدانی تاوانباران وایکردووە کە ژنان بکوژرێن بە بیانووی شەرەف لەلایەن کەسە نزیکەکانی خێزان و خێڵ و بنەماڵەوە.

08:56

منداڵانی کامپەکانی ئیدلب ژیانیان هێندەی تر سەختتر بووە دوای ئەوەی ئازارەکانی کەمئەندامی و تاڵیی ئاوارەیی تەنگی پێهەڵچنیون، نەبوونی لایەنی پەیوەندیداریش بۆ ڕاپەڕاندنی کاروباری کامپەکانیان هێندەی تر ماف و ژیانی لیسەندونەتەوە.

08:40

چیرۆکی کاڵێ یەکێکی دیکەیە لەو گرفتانەی ڕووبەڕووی ژنان دەبێتەوە، کاڵێ دوای ئەوەی بڕیار دەدات گرێبەستی هاوسەرگیرییەکەی هەڵوەشێنێتەوە، لەلایەن هاوژینەکەیەوە ڕووبەڕووی توندوتیژی دەبێتەوە و دوای هەڵوەشاندنەوەش لەسەر توندوتیژییەکان بەردەوام دەبێت.

07:29

ژنان لە ژێر فشاری کۆمەڵگە ناچار بە هاوسەرگیری دەکرێن، دواتر بەهۆی توندوتیژییەکانی ژیانی هاوژینییانەوە نائومێد دەبن، تەنانەت دوای جیابوونەوەشیان ڕێگری لە بینینی منداڵەکانیشیان دەکرێت.

10:56

ژنانی کۆبانێ تووڕەیی و کاردانەوەی خۆیان بەرامبەر هێرشەکانی دەوڵەتی تورک دەربڕی و وتیان: "ئێمە باوەڕمان بە سەرکەوتنمان هەیە، بەتایبەتی وەک ژنان، ئێمە دەستکەوتەکانمان و وڵاتەکەمان دەپارێزین و پێشەنگایەتیی سەرکەوتن دەکەین".

08:59

هەرچەندە یاسا و دادگا بوونیان هەیە و بە پێی یاسا پێویستە ژنان لە پاش جیابوونەوە لە هاوژینەکانیان توندوتیژیان بەرامبەر نەکرێت، بەڵام بە پێچەوانەوە مافیشیان پێشێلدەکرێت و منداڵ دەبێتە زەرەرمەندی یەکەم.

08:32

پێنەدانی بەرنامەی باش  و جدی بە ژنان لە کەناڵەکانی ڕاگەیاندن و پەخشکردنی دراماو بەرنامەی کات  بەسەر بردن وای کردوە ژنان بکەونە ژێر کاریگەری دراماو بەرنامەکان و توندوتیژیان بەرامبەر بکرێت.

08:49

داهاتوی گەنج لە هەرێمی کوردستان کە بەهۆی سیستم و سیاسەتەوە ناڕون دەبیندرێت، بۆ ژنان جیاوازترە، چونکە تاکە ئامانج دەخرێتە هزریان هاوسەرگیری کردنە.

09:29

هێڤی جوان، ئەندامی بەڕێوبەرایەتی گوندی ژنوار لەبارەی دروستکردنی گوندەکەو تێکۆشانی ژنان لە دژی هەموو شێوازەکانی توندوتیژی وتی: "ژیانی گوندی ژنوار لە ژیانی دەرەوە ناچێت، زاڵبوون و کۆیلایەتی و توندوتیژی لە گوندەکەدا نییە".