زەینەب عیسا

 

حەسەکە- یەکینەکانی پاراستنی ژنان ”یەپەژە” پابەندبوونی خۆیان بۆ پاراستن دووپاتکردەوە، هەروەها شەڕڤانی کورد و عەرەبەکان نموونەیەکی ناوازەی یەکگرتوویی بەرجەستە دەکەن، خەباتیان لە ڕووبەڕووبوونەوەی هەڕەشە ئەمنییەکان زیاترە و بەرپەرچدانەوەی هەموو هەوڵەکان بۆ چاندنی ناتەبایی نێوان گەلی کورد و عەرەبیش دەگرێتەوە.

 

شەڕڤانانی یەپەژە جەختیان لەوە کردەوە، کە ئامانجیان پتەوکردنی یەکێتی گەل و پاراستنی ژنان و پاراستنی ئەو دەستکەوتانەیە کە لە ڕۆژئاوای کوردستان بەدەستهاتوون.

 

سەما کۆبانێ، شەڕڤان، ئەندامی یەپەژە ڕوونیکردەوە، گەلی کوردستان سیستەمی کۆنفیدرالیزمی دیموکراتیکی دامەزراند، گەلی کورد لە ڕۆژئاوای کوردستان خەباتێکی درێژخایەنی بۆ مافی هەموو پێکهاتەکان ئەنجامداو، هەروەها شەڕی سووریا لەم ساڵانەی دواییدا چەندین شێوەی بەخۆیەوە بینیوە، لە ئایدۆلۆژیا و کولتوور و زمانەوە تا دەگاتە هێرش و تەنانەت برایەتی نێوان گەلان، گەلی کورد لە ڕۆژئاوای کوردستان ساڵانێکی زۆرە خەباتی کردووە و دواجار سەرکەوتنی زۆری بەدەستهێناوە.

 

ڕوونیشیکردەوە، ئامانجی گروپە جیهادییەکانی وەک هەتەشە هێرشکردنە سەر سیستمی نەتەوەی دیموکراتیک، بەڵام ژنانی شەڕڤانی کورد و عەرەبەکانی یەکینەکانی پاراستنی ژنان ’’یەپەژە” پێکەوە ئەو هێرشانە بەرپەرچ دەدەنەوە و بەردەوامن لە بەرگریکردن، هەروەها ئەم هێرشانەی ئەم دواییە بە وردی پلانیان بۆ داڕێژرابوو، بەو پێیەی هەوڵی دابەشکردنی گەلانی کورد و عەرەب و هەڵگیرساندنی شەڕی نێوانیان دەدا، بەڵام شکستیان هێنا، چونکە پێکهاتەکانی عەرەب، کورد، ئەرمەنی، سریانی و ئێزدی یەکگرتوو بوون و خوێنی خۆیان پێشکەش کرد بۆ بەرگریکردن لە شوێنی خۆیان لەناو سیستمی نەتەوەی دیموکراتیکیدا. ئێمەش وەک ژنانی شەڕڤانی ناو یەپەژە، لەگەڵ یەکتر دەجەنگین بۆ ئەوەی دڵنیابین لەوەی هەموو پێکهاتەکان بە ئارامی بژین و بۆ پارێزگاریکردن لە پێکهاتەکانی گەلی کورد و ئەرمەنی و سریانی و ئێزدی و سیستەمی دیموکراتیک.

 

ئاماژەی بە خەباتی شۆڕشگێڕانەی گەلی کورد کرد، کە بە ڕۆحێکی بەهێزەوە شۆڕش و پشتیوانی لە شەڕڤانەکانیان دەکرد، شەڕی ئەم دواییە شەڕی بوون و شکۆمەندی بوو، کە لە ڕێگەیەوە دەیانویست گەلی کورد لە سووریا لەناوببەن، بەڵام شکستیان هێنا.

 

ئاماژەی بەوەشکرد، کورد لە سەرانسەری جیهان بە گیانی شۆڕشەوە بەشداری شەڕی شکۆموندیان کردووە، هەروەها ژنانی شەڕڤانی یەکینەکانی پاراستنی ژنان ”یەپەژە” هێز و مۆڕاڵی بەرزیان لە پاڵپشتی گەل وەرگرتووە، هەروەها بینینی دایک و باوک لەگەڵ منداڵەکانیان کە لە پشتی شەڕڤانانەوە وەستاون تا کۆتایی هێزێکی زیاتری پێبەخشیون، هیچ گەڕانەوەیەک بۆ دواوە لەم ڕێبازە نییە، هەروەها بەرگری لە گەل و خاک و نیشتمان تا کۆتایی بەردەوام دەبێت.

 

”تا کۆتایی بەردەوام دەبین لە شەڕ و بەرگریکردن”

سەما کۆبانێ تیشکی خستە سەر خەباتی یەکینەکانی پاراستنی ژنان ”یەپەژە”، وتی: لە ڕێککەوتنی ئەم دواییەدا، پابەندبوونیان بە شەڕی بەردەوامیان نوێکردەوە، هەمیشە بینیومانە کە توندوتیژترین هێرشەکان ژنانی کردۆتە ئامانج، هەموو جارێکیش گروپە چەکدارەکان هێرشەکانیان بۆ سەر ژنان دەستپێکرد، لە دوایین قۆناغیشدا ژنان لە هێڵی پێشەوە بوون و ڕووبەڕووی سەخترین هێرشەکان بوونەتەوە، ئێمە وەک یەکینەکانی پاراستنی ژنان”یەپەژە” کە ١٣ ساڵ لەمەوبەر دامەزراوین، بەردەوامین لە ئەنجامدانی ئەرکی بنەڕەتیمان کە پاراستنی ژنانە.

 

ئاماژەی بەوەشکرد، لە شەڕەکاندا زۆرجار تابوتی هەڤاڵانی شەهیدمان لەسەر شان هەڵدەگرین و ئەمەش دڕندەیی ئەو گروپانە دەردەخەن، کە هەرگیز قبوڵ ناکەین، بەڵام ئێمە لە یەپەژە، لە سایەی خەباتی بەردەواممان لەماوەی ساڵانی ڕابردوودا، ئەم پابەندبوونەمان لە ڕێککەوتنی ئەم دواییە قبوڵکرد، تا کۆتایی بەردەوام دەبین لە شەڕ و بەرگریکردن لە ژنان.

 

بێریتان سەرحەد، شەڕڤان لە یەکینەکانی پاراستنی ژنان ”یەپەژە” و ئەندامی عەرەب، وتی:هیچ هێزێک لەسەر زەوی ناتوانێت شکست بە سیستەمی نەتەوەیی دیموکراتیک بهێنێت. هەروەها هێرشەکانی ٦ی کانوونی دووەم، گروپە جیهادییەکانی هەتەشە هەوڵیاندا ناکۆکی لە نێوان کورد و عەرەبدا هان بدەن، بەڵام ئێمە وەک شەڕڤانانی عەرەب لە یەپەژە، ڕووبەڕووی ئەو لێدوانە پابەندبوونانەوە دەبینەوە، چونکە هەموومان وەک یەک لەسەر خاکی سووریا دەژین، هەموو گروپێک خاوەنی کەلتوور و هونەری تایبەتی خۆیەتی، دەبێت بوونی هەموو گروپەکان پارێزراو بێت نەک تەنها گروپی عەرەبی، لە سیستەمی نەتەوەی دیموکراتیکدا ، هەموو گروپەکان وەک یەک دەژین بۆیە وەک ژنێکی عەرەب لە یەپەژەدا لەگەڵ شەڕڤانانی کورد دەوەستم و وەک یەک بەرگری لەم سیستەمە دەکەم.

 

ئاماژەی بەوەشکردووە، هەر هێزێک توندوتیژی دژی ژنان بەکاربهێنێت، ئێمە دەبینین کە ڕووبەڕووی دەبینەوە، یەکینەکانی پاراستنی ژنان”یەپەژە تا کۆتایی بەردەوام دەبین لە هێڵی پاراستن.