سلێمانی

 

 ئەمڕۆ، لە سەکۆی ئازادی، لە پارکی ئازادی، لە شاری سلێمانی، بە مەبەستی پابەندبوونی کۆمیتەی وەزیرانی ئەنجوومەنی ئەورووپا، بە بڕیاری مافی هیوا، بۆ ڕێبەری گەلی کورد عەبدوڵا ئۆجالان، کۆمیتەی ئازادی ئۆجالان، بە بەشداری ئەندامانی کۆمیتەی ئازادی ئۆجالان و چالاکوانای مەدەنی و ڕۆژنامەنووسان، پارتە سیاسییە کوردییەکان و ڕێکخراوەکانی کۆمەڵگەی مەدەنی لە هەرێمی کوردستان،  لە چوارچێیوەی جێبەجێکردنی مافی هیوا  بۆ  ڕێبەری گەلی کورد عەبدوڵا ئۆجالان، هەروەها یاداشتێک ئاڕاستەی هەریەک لە :- گابریێل ڕێڤێل، باڵیۆزی مۆناکۆ لە ئەنجومەنی ئەوروپا، سە رۆکی کۆمیتەی  وەزیرانی  ئەنجومەنی ئەورووپا، لە کۆنگرەیەکی ڕۆژنامەوانیدا ئەنجامدرا. 

 

نەورۆز فازڵ، ئەندامی کۆنگرەی ئازادی ئۆجالان راگەیاندراوێکی خوێندەوە و ڕایگەیاند، بەڕێز گابریێل ڕێڤێل، باڵیۆزی مۆناکۆ لە ئەنجومەنی ئەوروپا، سە رۆکی کۆمیتەی وەزیرانی  ئەنجومەنی ئەوروپا، وەک ئاگادارن،  شەڕێکی وێرانکەر تەواوی ڕۆژهەڵاتی ناوەڕاستی گرتووەتەوە، ئەم شەڕە  کاریگەرییە ئابووری و سیاسییە قورسەکانی لێ کەوتووە و پەیوەندییە کۆمەڵایەتییەکانی ناوچەکەی بە تووندی تێکداوە، لە کاتێکدا هەندێک لە هێزە هەرێمایەتی و جیهانییەکان بە ناوی چارەسەرکردنی ململانێ، ئێستا خۆیان بۆ شە ڕ وململانێی زیاتر ئاماددە دەکەن.

 

وتیشی: لە دۆخێکی ئاوادا دەنگێکی نوێ لە ڕۆژهەڵاتی ناوەڕاست  بەرزبووەتەوە کە بانگەشە بۆ چارەسەرکردنی کێشەکان بە ڕێگای ئاشتیانەو بێ توندوتیژی دەکات، ئەم دەنگە کە لەبانگەوازی ” ئاشتی و کۆمەڵگای دیموکراتیک” دەنگی داوەتەوە، ئەویش پڕۆژەی ڕێبەری گەلی کورد، عەبدوڵا ئۆجالانە و بینینێکی نوێ بۆ چارەسەرکردنی ململانێکانی ڕۆژهەڵاتی ناوەڕاست پێشکەش دەکات، بانگەوازی ” ئاشتی و کۆمەڵگای دیموکراتیک ” کە لە ٢٧ـی شوباتی ٢٠٢٥ ڕاگەیەندرا، تا ئێستا کاریگەرییەکی زۆر ئەرێنی لەسەر ناوچەکە هەبووە، لە دوای ئەو بانگەوازی پەکەکە یەکسەر ئاگربەستی ڕاگەیاند، پاشان بڕیاری هەڵوەشاندنەویە ڕێکخراوەکە، وازهێنان لە ستراتیژی خەباتی چەکداری، سوتاندنی چەکەکان و کشانەوەی هێزە گەریلاکانی لە تورکیا ڕاگەیەندرا، بە ئەنجامدانی ئەو هەنگاوانە، دوژمنکارییەکان لە تورکیا، باکووری سوریا و باکووری عێراق وەستان و تورکیا بووبە یەکێک لە وڵاتانەی ناوچەکە کە بەشێوەیەکی ڕاستەوخۆ نەکەوتوەتە شەڕی ناوچەکە، هەروەها لەگەڵ ڕووبەڕوبوونەوەی لەگەڵ ئاڵۆزییەکانی سووریا، ئۆجالان پەیامێکی ئاراستەی هەموو لایەنە پەیوەندیدارەکان کرد و گرنگی  کەمکردنەوەی ئاڵۆزی و چارەسەری سیاسیی بۆ بەدەستهێنانی ئارامییەکی هەمیشەی خستەڕوو.

 

ئاماژە بەوەکرا، لە شوباتی ٢٠٢٦، کۆمسیۆنی پەیوەندیدار ڕاپۆرتی کۆتایی خۆی بڵاوکردەوە، سەرەڕای ئەوەی ڕاپۆرتەکە جەخت لەسەر گرنگی جێبەجێکردنی تەواوی بریارەکانی دادگای مافی مرۆڤی ئەورووپا و دادگای دەستووری تورکیا دەکات و پێسنایری بەهێزکردنی میکانیزمە بەردەستەکان دەدات، بەردەوامبوونی تێڕوانینی دژەتیرۆر وەک چوارچێوەی سەرەکی، هێستا بەربەستێکە لەبەردەم گفتوگۆو ئاشتبوونەوەی ڕاستەقینە، هەروەها ڕاپۆرتەکە ئاماژە دەدات کە حکومەتی تورکیا تەنها تێبینییەکانی کۆمیتەی وەزیرانی ئەنجومەنی ئەورووپای لە ئەیلوولی ساڵی ڕابردوو وەرگرتووە، بەڵام هێستا هەنگاوێکی کرداری بۆ جێبەجێکردنیان نەدراوە، لەبەر ئەوە، ئێمە وەک پارتە سیاسییە کوردییەکان و ڕێکخراوەکانی کۆمەڵگەی مەدەنی لە هەرێمی کوردستان، داوا لە کۆمیەتی وەزیرانی ئەنجومەنی ئەورووپا دەکەین جێبەجێکردنی بریاری ساڵی ٢٠١٤ی دادگای مافی مرۆڤی ئەوروپا لە بارەی کەیسی عەبدوڵا ئۆجالان، دڵنیابکاتەوەو مافی هیوا بناسێنێت، ئەمە یەکەم هەنگاوی گرنگە بۆ چارەسەرکردنی دۆخی یاسایی ئۆجالان و ڕێگەدان بەوەی بەتەواوی لە پڕۆسەی ئاشتی بەشداربێت، هەروەها بانگەوازی دەکەین بۆ ئازادکردنی عەبدوڵا ئۆجالان و دابینکردنی دەرفەتێکی تەواو و بێ سنوور بۆ ئەوەی بتوانێت بە شێوەیەکی کردارەکی لە قۆناغەکانی داهاتووی پڕۆسەی ئاشتی بەششداری بکات.

ئاڤان کەریم، ئەندامی کۆمیتەی ئۆجالان وتی: پارت و لایەنە سیاسیەکان بریتین لە (حزبی زەحمەتکێشانی کوردستان، حزبی شیوعی کوردستان،ڕەوتی هەڵوێستی نیشتمانی،بزوتنەوەی دیموکراتی گەلی کورد،،یەکێتی دیموکراتی کوردستان،یەکێتی نەتەوەیی دیموکراتی کوردستان،پارتی سەوزیی کوردستان،پارتی پارێزگارانی کوردستان) ڕێکخراوەکانی کۆمەڵگەیی مەدەنی بریتین لە(ڕێکخراوی ئازادبوون،ڕێکخراوی دابین،ڕێکخراوی پەیوەندیەکانی ئافرەتانی کورد،تۆڕی ڕێکخراوەکاوە کوردستانیەکان دژ بەجینۆساید و تاوانی نێودەوڵەتی، ڕێکخراوی هەڵمەتی ژیاندژ دژ بەلەسێدارەدان لەکوردستان، ڕێکخراوی چاودێری کوردۆ سایدچاک کوردستان،ڕێکخراوی یەسنا بۆ گەشەپێدانی فەلسەفەیی زەردەشتی،ڕێکخراوی سەربەخۆی ژنان).

" لەپێناوی ئاشتی شەهیدمان داوە" 
بەیان فەرەج، بنەماڵەی شەهید، وتی: پێویستە تەواوی لایەنە سیاسییەکان ئامادەی هەبوونی ئەم کۆنگرانەیان هەبێت، تا پرسی ئاشتی لە ڕۆژهەڵاتی ناوەڕاستدا سەربگرێت، ئەمڕۆ هەموومان بۆ ئازادی ڕێبەر ئاپۆ ڵێرەین، سەرەڕای ئەوشەهیدانەی دامان لەپێناو ئاشتیدا بەڵام ئێمە نەوەستاین و ئاشتیمان دەویست، ئەو هەموو شەڕەمان بەرامبەر دوژمنکرد بەڵام دوژمن نەیتوانی ئێمە ببەزێنێت، ئێمە ئەمانوت بێ سەرۆک ژیان نابێت و ئاشتیمان دەویست، ئێستە وا بە ئامانج دەگەین و کۆڵنادەین، ئێمە وەک خێزانی شەهید بەڕۆحیەتی سەفەربەریەوە بۆ پڕۆسەی ئاشتی و مافی هیوا تێدەکۆشین، داواکارم لە خانەوادەی شەهیدان بۆ مافی هیوا دەنگ هەڵببڕن تا خوێنی شەهیدان بەفیڕۆ نەڕوات.