هەڵەبجە

 

لە چوارچێوه‌ی چالاكی هاوبه‌شی نێوان ڕێكخراوی كه‌مئه‌ندامانی هه‌ڵه‌بجه و زانكۆی هه‌ڵه‌بجه‌ و ڕێكخراوی نێوده‌وڵه‌تی كۆچ بە دروشمی (ئاشتی، له‌بابه‌ته‌وه‌ بۆ پێویستی) لە ڕۆژانی ٢٦-٣٠ی مانگ بەردەوام دەبێت، ئەمڕۆ کۆتا چالاکی بەڕێوەچوو.

 

چالاکییەکە پێکدێت لە سیمپۆزیۆمی ئاشتی لەلایەن هونەرمەندانی شێوەکاری هەڵەبجەوە، ڤانیا سوڵتان، لە ڕێکخراوی کەمئەندامان لقی هەڵەبجە وتی: وەکو ڕێکخراوی کەمئەندامان چەندین چالاکی و پانێڵ پێشکەشکرا و ئەمڕۆش کۆتا ڕۆژە کە بە پێشانگایەکی شێوەکاری کۆتایی بە هەفتەی ئاشتی لە بابەتەوە بۆ پێویستی دەهێنین، کە تیایدا باسمان لە ئاشتی و پێکەوە ژیان کرد و هەروەها، دەمانەوێت خاوەن پێداویستی تایبەت لەگەڵ خەڵک ئاشت بکەینەوە و گشتگیریان بکەین، تاوەکو بتوانین کۆمەڵگەیەکی تەندروست بەرهەم بهێنین.

 

مونا عەزیز، هونەرمەندێکی هەڵەبجەیە و وتی: لە چەندین چالاکی جۆراوجۆر بەشداریمان کردووە و ماوەی دوو ڕۆژیشە پێکەە کار دەکەین و کارەکانمان نمایش کردووە.

 

ڕوخسار ڕەحمەت وەک هونەرمەندێکی گەنج توانیویەتی تابلۆکانیان بنەخشێنێت و مەبەستیەتی ئاشتی بەرپا بکەن و چەندین رەمزی ئاشتی لە تابلۆکانیدا بەکارهێناوە.