سۆرگوڵ شێخۆ

 

حەسەکە-زۆربەی گوندە سنوورییەکانی باکوور و ڕۆژهەڵاتی سووریا ڕووبەڕووی هێرشی دەوڵەتی داگیرکەری تورکیا دەبنەوە، لەوانە گوندەکانی ناوچەی تیل تەمر لە کانتۆنی حەسەکەی هەرێمی جزیرە، تیل گەرابێت، کە نزیکەی ٦ کیلۆمەتر لە ڕۆژئاوای ناوچەکەوە دوورە، زیاتر لە چوار ساڵە ڕووبەڕووی بۆردومانی داگیرکاری بووەتەوە، هەروەها بنکەی سەربازی دەوڵەتی تورکیا لە گوندی داودیە و عەزیزیە لە گوندەکەوە دیارە و هێرش بۆ سەر هاوڵاتیانی مەدەنی گوندەکە ئەنجام دەدرێت، کە زۆربەیان ژن و منداڵن.

 

ئەو هێرشانەی دەکرێن و ئەو تۆپانەی کە دەکەونە خوارەوە و بوونەوەرە شین و وشکەکان دەسووتێنن، هەروەها زیان بە ژنانی دووگیان و منداڵانی خاوەن پێداویستی تایبەت و  کەسانی بەتەمەن دەگەیەنن کە نەخۆشی درێژخایەنیان هەیە. لەگەڵ هێرشەکاندا.

 

شەمسا سالم ئەلحەشی دایکی پێنج منداڵە و یەکێک لە کوڕەکانی خاوەن پێداویستی تایبەتە باسی ئەو بارودۆخەی کرد کە بەهۆی داگیرکارییەوە دروست بووە.

 

بارودۆخی منداڵان لە هێرشەکاندا

شەمسا سالم وتی: بە هێرشەکان ناڕەحەتین کاتێک منداڵەکان دێنە خوارەوە بۆ یاری کردن، دەڵێین ئێستا بۆردومان دەکرێت و بە خێرایی منداڵەکانمان دەگەڕێنینەوە ماڵەوە، کە دەڕۆین بۆ شوێنێک دەترسم یان دەبێت منداڵەکانم لەگەڵ خۆم ببەم یان ناتوانم هەنگاوێک لە دەرەوەی ماڵەوە بمێنمەوە، دۆخی منداڵان و باری دەروونییان بەهۆی شەڕ و هێرشەوە خراپە، وەک پێشتر، ئەوان چیتر ناتوانن یاری بکەن، یان ئێمە دەترسین شتێک ببینین وەک مینێک، یان بۆمبێک لەسەر زەوی،  کاتێک منداڵەکان مەڕەکان دەبەن بۆ خۆراک پێدان (نزیک خاڵەکانی پشکنینی چەتەکان و بارەگا سەربازییەکانی دەوڵەتی تورکیا) ، دەبێت بچینە لایان چونکە منداڵن و مەترسییەکان نازانن.

 

"شەو و ڕۆژ بۆردومان و فڕینی فڕۆکەی گەڕان و شەڕ بەردەوامە"

شەمسا وتیشی: چوار ساڵە شەوەکانمان شەو نین، بەپێی بۆردومانەکان و گەشتی فڕۆکەی گەڕان و فڕۆکە جەنگییەکان، کات و شوێنی خەومان لە گۆڕاندایە، جاری وایە بەشەو ناخەوین، هەندێک لە ژنانی دووگیان ناتوانن لە گوندەکە بمێننەوە، بەڵام کاتێک دۆخەکە ئاساییە دێنەوە، هەروەها گەورە و منداڵانی خاوەن پێداویستی تایبەت زیانیان بەرکەوتووە.

 

"بکوژی کچەکەم دەوڵەتی تورکە"

شەمسا سالم وتی: ئێستا دەبێت چارەنووس ڕوون بکرێتەوە، لەنێو زۆر وڵاتدا ونبووین، چیتر نازانن دەستی کام وڵات لە دەستی ئەواندایە و هەموو شتێک ئاڵۆزە، بێگومان داهاتوو ڕوون نییە، تەنانەت ئەگەر برسیش بین، ئەوە کێشە نییە، بەلایەنی کەمەوە ئەو دۆخەی ئەمڕۆ تێیدا دەژین ئەوەیە کە منداڵەکانمان ناژین و ناخوێنن هەمووان کار دەکەن، هەروەها ئەگەر کۆچکردنمان لەکاتی داگیرکارییەوە ڕووی نەدایە بێگومان کچە ١٨ ساڵانەکەم بە کارەبا گیانی لەدەست نەدەدا، هەموو ئەمانە تاوانن و من دەمەوێت دەوڵەتی تورک لەو بارەیەوە سزا بدرێت، بۆچی کچە ١٨ ساڵانەکەم بەم شێوەیە گیانی لەدەستدا، بەرپرسیاری یەکەم دەوڵەتی تورکە، ئەو کەسانەی بەهۆی تۆپباران و لە ئەنجامی ئەو هێرشانەدا گیانیان لەدەستدا هیچ گوناهێکیان نەبووە.

 

"سەرباز نەبوون کرێکار بوون"

شەمسا سالم ئەلحەشی تیشکی خستە سەر ئەوەی کە ژنانی کرێکاری پەموو دەکەنە ئامانج و لە کۆتایی قسەکانیدا وتی: بۆچی ئەو کرێکارانەی دەچنە ناو کێڵگەکان و پەموو کۆدەکەنەوە بۆردومان دەکرێن؟ بۆچی قاچەکانیان ببڕدرێن و بریندار بن؟ ئەمانە سەرباز نین، ئەوان کرێکارن و پەموو کۆدەکەنەوە، بەهۆی داگیرکارییەوە گەیشتۆتە ئەو ئاستەی کە ئەوانەی برسییانە لە ماڵەوە دانیشتوون و کار ناکەن، هەموو ئەمانە تاوانن، بۆچی خەڵک بەم شێوەیە ژیانیان لەدەست دەدەن؟ ئەگەر وڵاتانی بیانی گوێیان لە دەنگمان بووایە، خوێنمان نەدەڕژا، کەس ناپرسێت ئەم کەسانە چۆن لەو هێرشانەدا دەکوژرێن؟ دەبێت وڵاتان خوێنمان ئەوەندە هەرزان نەبینن و ئەو جۆرە هێرشانە قبوڵ نەکەن.