ناوەندی هەواڵ- دوێنێ پێنجشەممە، ٦ی ئاداری ٢٠٢٥، لە سەروبەندی ڕۆژی جیهانیی ژنان، هێزەکانی فەرەج (فەرماندەیی جێبەجێکردنی یاسای کۆماری ئیسلامیی ئێران) چەندین چالاکی مەدەنی و ژنانی سوننەیان بانگهێشت کرد و بەڵێننامەیەکی نووسراویان لێ وەرگرت کە بە بۆنەی ٨ی ئادار لە هیچ کۆبوونەوە و کۆنفڕانسێکدا بەشداری نەکەن.

 

بە پێی ڕاپۆرتە بڵاوکراوەکان، سورەیا وخدری، سیمین چایچی و بەهار زەنگیبەند لەو کەسانەن کە دوێنێ پێنجشەممە ٦ی ئادار بانگهێشتی فەرماندەیی پۆلیسی کۆماری ئیسلامی ئێران کران. ئەم چالاکوانانە دوای هەڕەشە و بەڵێننامە ئازاد کران.

بانگهێشتکردنی چالاکوانانی ژن لە سەروبەندی ٨ی ئاداردا دێت، لە کاتێکدا لە ساڵانی ڕابردوودا فشارە ئەمنییەکان بۆ ڕێگریکردن لە مەراسیمەکانی پەیوەست بەم ڕۆژە زیادی کردووە.