ئاگری نەورۆز لە شاری سنە؛ تیشکێکی هیوا و نهێنی ئاشتەوایی و ئازادی
لە قەشڵاق سنە، نەورۆز بە گەشاوەیی ئاگری ئومێد و ئازادی بەرز ڕاگیرا. لەم کۆبوونەوەیەدا، چالاکوانان و خەڵک بە وەبیرهێنانەوەی سەختییە ئابووری و کۆمەڵایەتییەکان، نەورۆزیان نەک هەر بە ئاهەنگێکی دێرین، بەڵکو بە هێمای بەرخۆدان و شوناسیشیان زانی.
ئاسۆ بەهاری
سنە- ئاگری نەورۆز لە باخچەی عەلی نەورۆز هەڵگیرسا، بە بڵێسەی هیوا و ئارەزووی سبەینێیەکی گەشاوە لە قشڵاقی سنە. کۆمەڵێک چالاکوان و خەمخۆر ئەم ئاگرەیان نەک هەر وەک سیمبولی دەستپێکی سەری ساڵ، بەڵکو وەک پەیامی ڕزگاری و یەکسانی، ئاواتەیەک بۆ جیهانێکی دوور لە چەوساندنەوە، کە گەلانی ستەملێکراو دەرفەتی یەکسانیان هەبێت بۆ ژیان.
لەم ڕێوڕەسمەدا نەورۆز بە دەرکەوتەی یەکگرتوویی ژن و پیاو دادەنرا و ئاهەنگگێڕانەکەی بە پێویستییەک بۆ پاراستنی بەهاکانی نەتەوەی کورد دادەنرا. ڕێکخەران بە ئاماژەدان بە سەختی ئابووری و سێبەری قورسی کێشەکان لەسەر ژیانی خەڵک، جەختیان لەوە کردەوە کە نەورۆز زیاترە لە ئاهەنگێک، هێمایە، ئاوێنەیەکە کە ڕەنگدانەوەی کولتوور و خەباتی نەتەوەیەکە. بێدەنگی نەورۆز بێدەنگی بەهاکانە کە ڕەگ و ڕیشەی لە مێژوو و ناسنامەی ئەم خاکەدا داکوتاوە. کوردستان، لە هەموو ئەو ساڵانەی ڕەنج و هەژاری کە سێبەری خستووەتە سەری، هەرگیز دەستبەرداری ئەو نەریتە دێرینە نەبووە.