ڕەنج و ئابوری

09:45

نەرمین لە سەیدسادقدا بە تەنها دوکانێکی کولێرە بەڕێوە دەبات، لە پێشتردا چەندین کاری دیکەی ئەنجام داوە، دوکانێک بۆ دروستکردنی کولێرە دواین کاریەتی کە لە ئێستادا دەیکات.

13:45

لاوازی سیستمی بەرێوەبردنی هەرێمی کوردستان ئابورییەکەی پەک خستووە، بە قۆرخکردنی داهاتی نەوت و سامانە سروشتییەکانیش تا دێت ژێرخانی ئابوری لاوازتر دەبێت، دەوڵەتانی دراوسێش بە ڕێگەی جیاواز کۆنتڕۆڵی بازارەکانی هەرێمیان کردووە، ئابوریناسێکیش دەڵێت کە ئاڕاستەی سیاسی لە هەرێم ئاڕاستەیەکی هەڵەی هەیە.

10:33

نەرمین ئەو ژنەی بە هۆی کیمیابارانی هەڵەبجەوە نەیتوانی خوێندن تەواو بکات و بڕوانامە بەدەستبهێنت، بەڵام خولیای بۆ خوێندن وای لێدەکات لە بواری ژمێریاریدا لێهاتوو بێت.

10:47

ژنان بۆ بەدەستهێنانی بژێوی ژیان و دابینکردنی ژیانێکی شایستە بەخۆیان، بەردەوام لە ڕەنجدان، سەرباری زەحمەتیەکان ژنێکی خاوەن پێداویستی تایبەت لە شاری هەڵەبجە دوکانێکی کوتاڵ بەڕێوە دەبات.

10:20

لە هەڵەبجەدا ژنان دەست دەکەن بە کاری خۆیان و بە ڕەنجی شانی خۆیان بژێوی ژیانی خۆیان دابین دەکەن، بوشراش یەکێکە لەو ژنانە و داواکارە ژنانی دیکەش پشت بە تواناکانی خۆیان ببەستن و ببنە خاوەن کاری خۆیان.

11:26

ژنێکی فارس، لە پێناو پەیداکردنی پارەی نشینگەکەیدا شەوانە لە شەقامی سەهۆڵەکەی شاری سلێمانی کار دەکات، دەڵێت سلێمانی جیاوازە، خەڵکی ئێرە و کەلتورەکەیان تایبەتن، هەست بە نزیکی و ئارامی دەکات لەگەڵ خەڵکی سلێمانیدا.

14:55

سێ ژنی گەنجی خەڵکی ئوردن، کاری ئەندازیاری میکانیکی لەسەر ئامێرەکان دەکەن، پیشەکەیان بووەتە سەرچاوەی بژێوی ژیانیان، سەلام عەبادی و نور ئەلئالان و تەسەنیم ئەلبار، توانیویانە هەموو ئەو بەربەستانە ببڕن کە کۆمەڵگە بۆ کارکرنی ژنان دایناوە. دانا ئیبو ئەیاس

09:30

دوکانێکی بچووک، لەسەر شەقامێکی گشتی شاری کەرکوک، بۆ ماوەی زیاتر لە ساڵێکە بووەتە پەناگە و شوێنکاری سێ ژن کە هەریەکەیان لە سێ ناوچەی جیا جیای عێراقەوە لە دەستی داعش هەڵهاتوون و ئێستا لە کەرکوک گیرساونەتەوە.

11:35

هاوڵاتیانی هەرێمی کوردستان لە دۆخێکی ئابوری سەرختدا دەژین، ئابوری ئەم هەرێمە پێنج ملیۆن کەسییە بە ڕادەییەک خراپ بووە، ئابوریناسەکان دەڵێن هیچ جێیەکی دیکە هاوشێوەی ئابوری ئەم هەرێمە نییە، کەرتی کشتوکاڵ کە مەرجی سەرەکی بەهێزبوونی هەر حکومڕانییەکە لەم هەرێمەدا لەژێر سفردایە.

12:10

ژنێکی کورد وەک یەکەم خوێندکار بەشی ئەندازیاری فڕۆکەوانی دەخوێنێت و دەبێتە پێشەنگ بۆ ژنانی دیکە تا بتوانن ئەو بەشانە بخوێنن و کاری تێدا بکەن کە بە کاری پیاوان ناسراوە.

12:00

لەدوای دانانی قەیوم لەجێگەی سەرۆکی شارەوانیی باغلەر لە ئامەد، بەبڕیارێک دەیەوێت پیاوان لە یەکەم بازاڕی ژنانی تورکیا بە ناوی "بازاڕی ژنانی ناوچەی ژیان" دابنێت، بەڵام ئەو ژنانەی لە بازاڕەکەدا کار دەکەن نایانەوێت پیاوان لەو بازاڕەدا لەگەڵیاندا کار بکەن، دەشڵێن ئێمە لێرە کار دەکەین بۆئەوەی بژێوی ژیانی خێزانەکانمان دابین بکەین و لێرە ناڕۆین، هەروەها تا کۆتایی خۆڕاگر دەبین لە بەرهەڵسی کردنی بڕیارەکە.

12:00

کۆمەڵەی زامی کوردستان ١٠ ژنی چالاکوان و کاسبکاری شاری سلێمانی هەڵبژارد و لە مەراسیمێکدا خەڵاتی ڕێزلێنانیان پێشکەشكردن.

15:44

کۆمەڵەی ئافرەتانی کوردستان لە شارۆچکەی کەلار، بە بەخشینەوەی شیرینی، پیرۆزبایی هەشتی مارسیان لە ژنانی خاوەنکار و ڕەنجکێش کرد.

11:19

ژنان بە پشتیوانی خۆیان کاری ڕاگەیاندن ئەنجام دەدەن، لە کارکردندا جیاوازییەکیان نەهێشتووەتەوە لە نێوان خۆیان و پیاواندا.

13:10

ڕازاوە یەکێکە لەو ژنانەی لە دوای تەواوکردنی خوێندنی دەستی بەکارکردن کردووە و چەندین کاری جیاوازی کردووە، زۆرینەی کارەکانیشی بۆ خزمەتی منداڵ و بێلانەکان بووە، ئەو ژنە باس لەوە دەکات، کاتێک منداڵێکی بێلانە پەروەردە دەکەین و هەستی دایکایەتیان بۆ ئێمە دەردەبڕن، ئاسوودەی بە دڵ و دەروونمان دەبەخشن و وامان لێدەکەن بەردەوام بین لە کارەکانمان.

10:57

هاوڵاتیانی نیپاڵ بەهۆی بێکارییەوە ڕوویان کردووەتە هەرێمی کوردستان، ڕۆژە پشووەکانیان لە باخی گشتی شاری سلێمانی پێکەوە بەسەردەبەن، بەهۆی جەنجاڵی و سەختی ژیانیشیانەوە ژنانی گەنجی نیپاڵی ئاگاداری ڕۆژی هەشتی مارس و تێکۆشانی ژنان نین.

10:45

خاوەن پێداویستییە تایبەتەکان لە هەرێمی کوردستان یەکێکن لەو توێژانەی ڕۆژەکانیان لە سەخترین دۆخدا تێدەپەڕێنن، مووچەکانیشیان ئەگەر دابەشبکرێت بەشی کەمترین پێداویستیەکانیان ناکات.

15:00

لە کۆمەڵگای کوردیدا کاری خزمەتگوزاری ئۆتۆمبێل بە کاری پیاوان ناسراوە، بەڵام چاوان وەک ژنێکی گەنج ئەو ڕێچکەیەی شکاند و لە ئێستادا لە یەکێک لە شوێنکارێکی خزمەتگوزاری ئۆتۆمبێل کاری ڕۆنگۆڕی، پاکردنەوەی مەکینە، پەنچەرچێتی و چەندین کاریتر ئەنجام دەدات.

10:17

شیلان فۆتۆگرافەرێکە لە باشووری کوردستان، ماوەی ٣ ساڵە بەکاری وێنەگرتنەوە سەرقاڵە و وەک خۆی دەڵێت کامێراکەی نزیکترین هاوڕێیەتی، تەنها لە ماوەی ساڵی ٢٠١٩دا بە وێنەکانی بەشداری لە ٩ پێشانگادا کردووە، ئەم وێنەگرە داواکارە ژنان ڕووبەڕووی ئاستەنگیەکان ببنەوە.

15:00

هەوڵی ژنان بۆ بەدەستهێنانی کاری خۆیان بەردەوامە، شێنەش ئەو ژنەیە لە تەشتێکی بچوکی ماڵەکەیدا دەستی پێکردووە و بە دوکانێک بەردەوامە لە کارەکەیدا.