سلێمانی

 

سەرلەبەیانی ئەمڕۆ لە گەلەری ئەمنەسوورەکەی شاری سلێمانی، پێشانگایەکی تایبەتی فۆتۆگرافی بە ناوی "گرتەیەک لە نیشتیمان" بە هاوکاری دەزگای مرۆیی مام و کۆمەڵەی وێنەگرانی عێراق و کوردستان بەڕێوەچوو.

 

لە ڤیستیڤاڵەکەدا ١٣٥ تابلۆ نمایشکرابوون هەروەها ٣٥ فۆتۆگرافەر بەشدارییان تێدا کردبوو.

 

یادگار جەلال، بەرپرسی ڕاگەیاندنی دەزگای مرۆیی مام و ڕێکخەری ڤیستیڤاڵەکە، ئاماژەی بەوەدا، بۆ یەکەمین جارە ڤیستیڤاڵێک بۆ فۆتۆگرافەرانی کوردستان و عێراق پێکەوە ڕێکبخرێت و ئامانجی ئەم ڤیستیڤاڵە بۆ دووبارە چالاکبوونەوەی کاری فۆتۆگرافییە لە عێراق و کوردستان.

باسی لەوەشکرد وەک دەزگای مرۆیی مام، بە دروشمی "ئاشتی، پێکەوەژیان، گەشەپێدان" هەوڵی پێکەوەژیانی فۆتۆگرافەری کورد و عێراقی دەدەین.

 

پێشانگاکە تایبەت بوو بە فۆتۆگرافەرانی کوردستان و عێراق هەروەها وێنەگری بیانیشی تێیدا بەشداربوو، جگە لەوانە ژمارەیەک لە پەنابەرانی ڕۆژهەڵات و ڕۆژئاوای کوردستان بەشداریان تێیدا کردبوو.

 

ت.پ