سارا سەردار، کتێبێک لەبارەی مێژووی کوردستان بڵاودەکاتەوە
کتێبی "ناسینەوەی کورد لە شوێنەواردا" لەلایەن نوسەری بواری مێژوو سارا سەردار بڵاو کرایەوە.
![](https://test.jinhaagency.com/uploads/so/articles/2021/03/20220306-162946369-1355860548127344-4884303727744559888-o-jpg888c38-image.jpg)
ناوەندی هەواڵ
لە ١٩ی ئازاری ٢٠٢١ سارا سەردار حەمە، نوسەری بواری مێژوو و شوێنەوار کتێبێکی مێژووی بە ناوی "ناسینەوەی کورد لە شوێنەواردا" لە لایەن ناوەندی مەم و زینەوە بڵاوکردەوە، ناوەڕۆکی کتێبەکە باس لە مێژووی کوردستان دەکات.
کتێبەکە لە چوار بەشی سەرەکی پێک دێت هەربەشێک تایبەت کراوە بە سەردەمێک و قۆناغێکی مێژووی کە نەک تەنها لە کوردستان بەڵکو لەسەر ئاستی جیهان کاریگەری هەبووە.
نوسەر هەوڵی داوە باس لە مێژووی هەر چوار پارچەی کوردستان بکات، هەروەها باس لە مێژووی دروستبوونی ژیان و ئاوەدانی بکات، مەبەست لە ئامادەکردنی کتێبەکە ناساندنی مێژووی گەلی کوردە بە خودی تاکی کورد و پاشان بە جیهانی دەرەوە.
ت.پ