rojane

18:55

Meclisa Dayikên Aştiyê di encamnameya konferansa xwe de diyar kir ku ji bo civakîbûna aştiyê û civakeke demokratîk dê têbikoşin. Dayikan got ku mifteya aştiyê azadiya Ocalan e.

15:19

Greva birçîbûnê ya aktîvîsta civaka sivîl Nasîm Gholamî Simyarî ya di serhildana şoreşgerî ya "Jin, Jiyan, Azadî" de hate girtin di roja 7’emîn de didome. Hate diyar kirin mafê hevditîna bi malbatê ya Nasîm Simyarî hatiye qedexekirin.

14:56

Girtiya siyasî Şakîla Monfared a li Girtîgeha Evînê tê ragirtin, veguhestina nexweşxaneya Taleghaniyê ya bi awayekî kelemçe û zincirkirî red kir.

14:44

Hevseroka Komîteya Karûbarên Derve ya Rêveberiya Xweser a Bakur û Rojhilatê Sûriyeyê Îlham Ehmed bi Ofîsa Jinên Penaber a Serêkaniyê re têkildarî vegera bi ewle civiya.

14:14

Li bajarê Tandîl yê Arjantînê têkildarî nasandina parêznameya Rêberê Gelê Kurd Abdullah Ocalan a bi navê ‘Sosyolojiya Azadiyê’ bername hate lidarxistin.

13:59

Li Zanîngeha Helebê afişên ku "cil û bergên jinan ên şer'î û neşer'î" nîşan didin, ji aliyê rêxistinên jinan ve rastî bertekê hatin. Endama Koordînasyona Kongra Star a Helebê Rîhan Elû got, "Ev êrîşa li ser azadiya jinê ye."

12:52

Hêzên Îranê li benda kontrolê bêyî hişyarek bike gule li seyareyek sivîlan barand. Di gulebaranê de zarokek 7 salî jiyana xwe ji dest da, xwişka wê jî bi giranî birîndar bû.

12:39

Ji bo hişiyarkirina li ser mîrata çandî û vejandina kevneşopiyên resen ên Bexdayê, rûniştinek ji bo vejandina rêûresma "Qebûlkirina Jinên Bexdayî" hate organîzekirin.

11:53

Piştî bêdengiya hefteyekê xwepêşandanên tevgera ‘Nifşê Z212’ careke din li qadê Mexribê deng veda. Li bajarên cuda yên welat çalakiyên hemwext ên ciwanan li dijî şertên civakî û bihabûna maliyeta jiyanê hatin lidarxistin.

11:30

Şîma Axa ya xwişka yek ji wan kesên di teqînên Kabîlê de xizmê xwe winda kir, bi çavên tijî hêsr û êş wiha dibêje: "Ger rojek eniyek jinan a mîna jinên Kurd bê avakirin, ez ê bibim yekem jina ku ji bo mafê xwe yê jiyanê têdikoşe.”

10:44

Hejmara nû ya kovara Jinê bi berga “Zayendîkirina ked û xizaniyê” derket pêşberî xwendevanên xwe.

10:32

Li Tûnisê ji ber êrîşên zayendî yên li dijî zarokan, rehbera bi navê “Ewlehî mafê min e” hat amadekirin. Armanc ew e ku zarokan di warê ewlehiya dîjîtal û parastina bedena wan de hişyar bike. Rehber ji bo perwerdekar û malbatan çavkaniyeke pratîk e.

10:27

Mamoste û stajyerên navenda Pêlawaz a hunerî ya li bajarê Qamişloyê, dan zanîn ku navend ji bo piştevaniya jêhatîbûna ciwanan e û gotin: "Ew weke qadek ji bo derbirîna hestan e."

08:53

Di ‘Sûka Jinên Hevberdayî’ ya li Nouakchotta ya Morîtanyayê de, jin bi riya firotina gelek tiştan debara xwe dikin û teşe didin çarenûsa xwe.

08:20

Zarokên li navenda Çand û Huner a Kobanê di Koma Şehîd Delîla ya zarokan a govendê de cî digirin, gotin ku ‘Çanda govendê mîrasa nasnameya gelan e’ û bang li hemû zarokan kirin ku parastina çanda xwe bikin.

23:35

Meclîsa Jinên Sûriyeyê, bi armanca xurtkirina rola jinan di avakirina aştiyê de û piştgirîkirina beşdariya wan a çalak di jiyana giştî de li bajarê Suweydayê rêzecivînên agahdarkirinê li dar xist.

21:10

Tora Jinên Iraqê, li Bexdayê bi sernavê "Maf, Wekhevî û Bihêzkirina Jin û Zarokên Keç ên li Iraqê" konferansek neteweyî li dar xist. Beşdaran, pirsgirêkên jinan û rêyên çareseriyê ya xurtkirina rola wan di civak û pêşkeftinê de nîqaş kirin.

19:02

Meclisa Kombûna Jinan a Zenûbiya ya Dêrazorê, bi daxuyaniyekî êrişa li dijî navenda kombûnê ya li Dêrazorê şermezar kir û got: “Ev êrîş, xeleke nû ji hewldanên hêzên tarî yên ji bo belavkirina tirsê di nav jinan de û bêdengkirina dengên wan ên azad e.”

15:55

Greva birçîbûnê ya aktîvîsta sivîl Nasîm Gholamî Simyarî ya di serhildana şoreşgerî ya "Jin, Jiyan, Azadî" de hat girtin, di roja 6’emîn de didome. Hevalên wê yên qoxuşê, diyar kirin ku rewşa wê ya fîzîkî xirab dibe.

15:42

Di çarçoveya polîtîkayên zextên Komara Îslamî ya Îranê de, Wezareta Perwerdeyê giştînameyek bi sernavê "Di dibistanan de îfet û hîcab” weşand û li ser beden û şêwazên cil û bergên mamoste û xwendekaran daxwaza kontrolkirina nû kir.