Navenda Nûçeyan – Li gorî nûçeya qenala televîzyona TF1 a Fransayê, Midûrê Berhemên Antîk ên Dihokê û berpirsyarê kolandinê Bekas Brefkany anî ziman ku di sala 2023’an de tenê çar an jî pênc gor hatine keşifkirin, lê belê bi karên îsal re ev hejmar gihîştiye 40 gorên antîk.

Hate ragihandin ku li gel goran her wiha tasikên seramîk ên beriya 2 hezar salî jî hatin dîtin.

Berhemên ku têne dîtin, ji bo lêkolînkirinê ji Muzeya Dihokê re têne şandin. Li gorî pisporan ev gorên antîk ji dema Helenîstîk an jî Seleukos in, dîroka wê digihêje 2 hezar û 300 sal berê.